اعطيني موقفك تجاه هذا ...............

[سارة78]

السلام عليكم


اريدارائكم


مثلا اختي الفاضلة اكتشفت بانا خطيبك او زوجك كان يحب واحدة قبلك وكانت نييتوا واش يخطبها ويتزوجها

ولكن ظروفوا الله غالب ماسمحتلوش واش يخطبها ويتزوجها من طرف الذين حولوا والديه او ماشابه ذالك.............الخ


وفي الاخير جاء خطبك انت مرغما


وبعد ما خطبك انت اكتشفت انه كان يحب واحدة قبلك وناويها في الحلال واش يتزوجها وهو لم يصرح لكي

مع العلم انه قطع علاقاته بيها ولم يقل لك ابدا وانما سمعت من طرف الناس فقط


ماذا يكون موقفك اختي الفاضلة تجاه خطيبك


وهل من الممكن ان ينسى حبيبته التي كان يحبها



وماموقفك اخي عندما تريد خطبة فتاة تحبها ووجدت معارضين لك


وهل من السهل ان تنسى الحب الاول

[لكحل بلال]

موقف لايحسد عليه،،هونيها تهون ،،خيرا إن شاء الله..

[malak achark]

يا اختي الفاضلة ماتقدريش تحاسبيه على حاجة فاتت
وبما انو ماصارحكش ماهوش حابك تقلقي روحك
اما ينسا ولا ماينساش فهذا راجع ليك انتي تقدري تنسيه فاي حاجة فاتت
المهم الان انو مخلص ليك وماشفتي منو حتى حاجة تجرحك
ما تفسديش حياتك على ظنون ممكن انتهت واصبحت من الماضي
وفقك الله اختي واياه

[سارة78]

المشاركة الأصلية كتبت بواسطة لكحل بلال

موقف لايحسد عليه،،هونيها تهون ،،خيرا إن شاء الله..

نعم موقف لايحسد عليه


ومن الحب ماقتل صح


وانت ياخي اذا اكتشفت فرضا زوجتك او خطيبتك كانت تحب شخص ما وكان ناوي يديها ولكن روفوا ماسمحتلوش مثلا معارضة الوالدين بان لايخطبها وهي مسكينة تحية وهو يحبها

وانتخطبتها من عطاوهلك واش موقفك

[Aicha1994]

والله المرا هي الي تقدر تنسيه في حبه الاول حسب شطارتها

[عُضو مُحترم]

صراتلي و نورمال

مش كاتبة و خلاص

مازال مانسيتهاش بانتظار نلقا لي تنسيني فيها

[سعاذ]

السلام عليكم
اختي ماضي ملك ليه و حدوا وانت ماعندكش حق سقسيه على ماضيه
ولازم مايغيضكش حال كيما ماقلقش يغيضك الحال في حالة واحدة
اذا كان يتمسخر ببنات الناس
بصح المستقبل ليكم في زوج وبيدك تخليه احس مستقبل
دمت اختي في رعاية الله و حفظه

[soso sirin]

و انا واش دخلني فيه انا هاذا الشي مايهمنيش المهم هو كي راه معايا ماراهش يفكر فيها راه معايا برك امالا انا مانقدرش نحاسبو على وقت انا ماكنتش فيه انا نحاسبو من النهار الي ولى معايا فيه معنتها كون نعرف بلي مازالو يخمم فيها و هو معايا تم صح يغيضني الحال و كون يتزوج بيا و يقعد بالو معاها تم وين راح تحكمني قنطة و نرتكب فيه جريمة مي وقت ماكنتش فيه هذاك الشي ماراه بيدو و لا بيدي و راكي تقولي كانت نيتو مليحة مي ربي ماكتبش هي الي تغيض كون تسمعي بلي تمسخر بالطفلة هاذيك لانو راح تشك فيه مي هو نيتو كانت صافية و ضروك راه معاك و ماراهش يخمم في لخرى امالا هذا واسمو مكتوب ربي و كيما انا مانحسبوش على الوقت الي ماكنتش فيه هو تاني مايحاسبنيش على الوقت الي ماكانش فيه و ماتكبريش الموضوع بزاف الصح واش راه ضروك

[وردة أمل]

اذا كان قبل الخطوبة ::::::بصراحة بالنسبة ليا صعب تقبل الأمر لأنو حتى واحد ما يضمن لي بلي رايح ينساها الى الأبد ,,,,,,و زيد يلا قدر ربي و تزوجت بيه و تلاقى بيه في يوم من الأيام ممكن يرجعلوا الحنين ليها و يبقى يفكر فيها غير هي ,,,,,,,,صعب جدا تعرفي بلي خطيبك سبقاتك وحدة لقلبه و حبها من كل قلبوا و كان يشوفها هي ملكة حياته ,,,,,,,رايحة تبقاي تتفكري فيها و تبدأ الوساوس في راسك ,,,,بصح يلا قدر ربي و عرفت بعد الزواج ما عندي ماندير نكتمها و مانخبروش بيها,,,و لو انوا صعب لكن لازم نكون ذكية ....................و نعرف كيفاه نسيه فيها للأبد


نا متمنية ندي انسان ماكانت حتى وحدة في قلبوا كيما انا ماكاين حتى واحد في قلبي ,,,,,,,,,,,,,,,,,,,,و هكذا نكونوا عايشين لبعضانا و برك

[sarl02]

يوجد ماضي من ماضي ...كاين الي يقدر الانسان يتغاضى عليه وعفا الله عما سلف ونترك الدنيا تمشي...لكن بصراحة بالنسبة للحالة الي اذكرتيها انت يا صاحبة الموضوع فلا اتمنى ان اكون في هذا الموقف ابدا...لاني لا استطيع العيش مع امراة احبت شخصا اخر بكل جوارحها والمكتوب فقط هو الي فرق بيناتهم ....ممكن اخر يستصيغ الامر ..لكن انا بصراحة لا استطيع.