الى طلاب السنة الثالثة جراحة اسنان ...

[selma-chirdent]

السلام عليكم

أرجو من طلاب السنة الثالثة جراحة اسنان ان يفيدونا عن هاته السنة ويعطوووونا معلومات قدر المستطاع عن البرناامج + درجة الصعوبة بالنسبة للسنتين اللتين مضيتا ... والمستشفى كيفاه ؟؟؟

وباااااااارك الله فيكم

[imad cabiste]

و عليكم السلام ورحمة الله
ممكن تعطيني معلومات على السنة الثانية ,,,,هل صعبة ساهلة
مقارنة بالسنة الأولة شكون أصعب
أنا العام الجي سنة ثانية في بني مسوس

[selma-chirdent]

اولا مبارك انتقالك للسنة الثانية

أنا جاتني اصعب بكثيييير من السنة الاولى تعرف علاه لانو السيستام جدييييييد علينا يعني امتحان كل اسبوع تقريبا مش حاجة ساهلة

يعني يتطلب منك تكون أجووووووور وهاادا شي نكررررهو لانو يتعب بزاااااف يعني ماتكملش امتحان حتى يخبطوك باخر وماتريحش مليح حتى نهاية السنة

ولكن مانخفيش عليك هاد السيستام يخليك تقرا وتكون اجووور وجيب علامات مليحة : )

يعني سيستام فيه سلبيات وايجابيات ....

+++ حلوة بزاااااااااف خير من سنة الاولى لي ماتحسش قع روحك دونتيست

سنة ثانية تبدا تخدم سنان وتخدم اطقم الاسنان

صح شاااارجي 14 مودول ولكن ما تدرسهمش قع على خطرة

بصح نقولك شد الهمـــــــــــــة واقرا من الاول حتى تنجح وتكون مرتااااااح : )))

وبالتوفييييييييق

[مَجْنُوْنَةٌ أَنَاْ]

سؤال : هل ساجد صعوبة في الحفظ باللغة الفرنسية ؟؟ فانا لست ممتازة فيها !

[selma-chirdent]

تعرفي يا اختي انا كنت راح ندير استاذة علوم طبيعية فقط لاني كنت متخوووووفة من الحفظ بالفرنسية ولكن بعدها كي دخلت لقيتها عاااااادي ))

وراح تتعودي بلخف خصوصا اذا كنت متوسطة فيها

والله راح تلقاي فالجامعة لي ما يعرفوش ابسسسسسسسط الكلمااااااات ومايعرفو وااااالو وانتقلوا عادي

يعني ماتخافيش وربي يوفقك )

[مَجْنُوْنَةٌ أَنَاْ]

صاحيتي اختي ،، طمنتيني بزاااااااااف ،، و كاينة حاجة خلاف ،، شحال من مرة نسمعكم تقولو نديرو طقم اسنان بالصابون ،، علابالي اني نستبق في الاحداث بصح كيفاه ؟

[omarove]

السلام عليكم ..
ماعليش نجاوبك .. هو في الاصح ماهوش طقم بالصابون مي نحت و صنع الأسنان من كل قطعة تاع صابون ننحتو السن كما هو عليه في الواقع مي بابعاد اكبر ..
هدا الموديل فيه مصاريف خاصة نهار الامتحان نتاعو لازمك تكون محضر برشا مكعبات مجهزة للنحت .. ربي يوفق الجميييع

[selma-chirdent]

راهو جاوبك الاخ بخصوص النحت

اما بخصوص الطقم فنحن نصنع طقم اسنان يعني كيما لي تشوفيه عند الشيوخا وليس بالصابون أختي والله ممتع ^^

أخي اما سنة تقرا ؟ اذا جزت على سنة ثالثة ممكن تفيييييدني بارك الله فيك ؟؟؟

[omarove]

راني سنة ثانية و باسيت للثالثة .. و نقرا في بني مسوس .. دونك نستناو راحد اوخر يفيدنا في زوج

[selma-chirdent]

/////////////////

[omarove]

السلام عليكم .. و الله بالنسبة ليا و في مشواري الدراسي كامل هدا العام اصعب عام عن جدارة .. pression et stress كبار من البدية تاعم العام حتى لأخر لحظة في لافيشاج ..
سمعت على الثالثة شوية قالولي نفس السيستام تقريبا يعني امتحان بالتقريب كل سمانة من الضغط يقل شوية كونك راح تقري غير 9 موديل يعني حسب ما يقولو نرتاحو شوية على الدوزيام هادي .. و ان شاء الله يفوت من هنا واحد تروازيام يفيدنا .. ربي يوفقك ..

[omarove]

اسمحيلي نسيت ... يبارك فيك و مبروك انت زادا .. و لعقوبة ان شاء الله للتخرج .. ربي يحفظك

[hamadahbk]

thanksssssssssssssssssssssssssssssssssssssssssssss sssssssss

[haidi18]

slt,ana admise l 5eme année w na9der n3awnek pour la 3eme année :bn kayan 9 modules ; 5 modules principaux PROTHESE et PATHOLOGIE BUCCO DENTAIRE et ODF et OC et PARODENTOLOGIE et 4 autres modules ANA-PATH et PHARMACO et ANESTHESIO ET RADIO ne9raw kamal les modules fi mustapha sauf le tp de la PATHO fi bni messous bn nebdaw b PROTHESE kayan 3 examens fi l année w des cours mla7 psk les cours n3adehoum fi la pratique;hna kanou les examens des CROQ trop defficiles mai apres la greve wlaw des qcm tres faciles kayan li yjibou 7ta 18 ;pour la pratique il fau nti t7awssi 3la tes malades tu doi faire 2 totales et une partielle ,bien sur kayan le laboratoire fate7ouh jdid apres la greve loooool;fi debut tu trouve de difeculté pour trouvé les malades;mai apres tel9ayehoum b l3ermaa!!!! l tp bezzaf se3ib non seulemnt les prf kayan 2 wla 3 yessal7ou nchalah teti7i fihoum ;w kayan des proff aaaaaaa!!!!catastrpheee!!!bon pour la note du tp de prothese koul mara kifah mai tjr 3liha bezzaf n oublie pa kayan des CC (contorle continu) lazam tkouni hafda bien tes leçon kayan de CC fi el 3am c un CC oral grrrr !!!voila pour la prothese n

[haidi18]

dork la pathooo:kayan des cours bezzaf twal c le moodule le plus deficile hna kanou ydiroulna des croq pluto kestion ouverte j ai meme eu 0 fi le 1er emd , mai apres la greve wlaw des qcm mai tro deficiles tanik;il fau bien reviser et aprendre les cours meme k c impossible(pour moi) looool ........kayan 3 exmanes fi l année le coeficient 1.5 et .5 avec la pratique..................................la pratique a bni messous :debut d année tbdaw b des td fi l enphi apres apres vous aurez un CC mais ecri apres vous comancez la pratique ye9asmoukoum l des groupes et vous faites des extracions sur malades au debut tjik se3iba surtou l ansthesie mai tkt kayan les prof et les residents et les maitres assitanst pour vous aider le prbleme c ke vous ne faites pa bcp d extracion !!;la verité vous n allez presk rien apprendre a bni messous ,c est a mustapha s en 4 eme année ke vous allez apprendre trop de choses surtou avec les patients a risque comme(les cardiopahtes les diabetique .........) surtou la theorie evité la synthese et ratrapage ................voila pour la pathooo