ممن طرق اطباق انواع السمك مجربة

ريماس · 2011-03-03, 10:37

مساء الخير بنات كيف حالكن
انا من النوع الي يحب السمك كثير اطلب من كل البنات الي عندها وصفة او طريق لطهي السمك مشوي مقلي طاجين ومجرب تعطيني اياها واكن مني جزيل الشككر والامتنان....................
انا في انتظاركن

nadiem · 2011-03-03, 17:48

سردين مقلي....وصفة مجربة.......في 1كغ سردين نقيه مليح ونحيلو كرشو مع السلسول يبقى غير ذيلو ..اغسليه بالماء والخل وديريه في صفاية يقطر...من جهة اخرى خلطي 2 ملاعق كبار تاع طماطم العلب مع 1ملعقة كبيرة كمون و1ملعقة ص ثوم غبرة وملح +شوية ماء باه توليلك كي العجينة ..ديري زوج حبات سردين فوق بعضاهم بيناتهم شوي حشو ....حتى تكملي كل السردين ..اذا بقالك الحشو ديره من فوق...وخلي السردين في الثلاجة 2ساعة.... وكي تجي تقليه مرغيه في لا شابلير =خبز مرحي...و اقليه من الجهتين..........
.....كرات السردين.................. اما اذا كان السردين صغير بزاف ارحيه و زيديلو نفس الخليط السابق تاع الطماطم و البهارات ما عدى الماء ما تزيديهش....وكملي بلاشابلير حتى تولي تقدري تتحكمي فيه ....ديري كرات صغيرة .......واعملي صوص عادي احمر(بصل مرحي+بهارات+طماطم علب+ملح) ...وكي تغلي لوحي الكرات....20 دقيقة وتاكلي بالصحة.....
جربي اختي و رجعيلي الخبر

ريماس · 2011-03-04, 12:53

مرسي اختي الاول جامي جربتو مي الثاني جربتو شكرا على المرور سلمت يداك

ريماس · 2011-03-26, 12:40

وينكم يا لحراير

عفة روح · 2011-03-26, 17:50

ريماس · 2011-03-27, 10:49

وين راكم لبناتتتتتتتتتتتتتتتت

الدنيا · 2011-03-30, 15:12

انا تاني نحب سمك خاصة السردين عجبوني الوصفتين يعطيك الصحة

manel dima · 2012-09-06, 18:00

طريقة سهلة جدا للسردين المشوي :
نقي السردين تاعك ونحيلوا راسوا برك أما السلسول ماتنحيهش لأنو رايح يطلق بنة هايلة
حضري خليط من الملح و الكمون فقط ، افتحي كل حبة سردين ورشي فيها شوية من خليط الملح والكمون
كي تكملي كامل السردين تاعك ، حطيه بانتظام في مول ( حبة السردين تكون مغلوقة) ، صبي عليه نصف كوب زيت + نصف كوب ماء حتى يتغطى السردين تاعك بلاصوص
دخليه للفرن واطهيه على نار متوسطة
كي ينشف خلاص من لاصوص خرجيه ................... شهية طيبة
ملاحظة : الحوت راهو يجي بنين بالملح ، إذا كنتو تحبوا الملح كثري منو باش يجي ألذ

ريماس · 2012-09-06, 18:10

مرسي ..........

شيماء نور · 2012-09-06, 23:06

حبيبتي نعطيك وصفة عجيجات السردين تناسب لما تكوني مزروبة ولا عندك كمية كبيرة ولا كان السردين رقيق

كيلو سردين نقبه ونحي له العظم والراس اطحنيه بالفرشيطة وضيفي عليه حبة بصل مقطعه رقيق وحوالي 6 سنينات ثوم وكمون وفلفل دريس اذا تحبي الحار يعطي بنه مليحة للحوت ضفي غصن زعيترة وورقة رند وربطة معدنوس وخليه في الثلاجة مدة الي تقدري

خرجه ونحي غصن زعيترة وورقة الرند وضيفي بياض بيضة

وخلطي مليح بالملعفة

سخني الزيت

عمري ملعقة من الحشو وحطيها في الفرينة شكلي اقراص وقليها وهي سخونه عصري عليها الليمون

اما التقديم فرشي اوراق الحس وحطيهم فوقها تاكل مع السلطة

راني عارفه بلي رايحه تدعيلي والبنه ما نقولكش تنفع للعزائم لما يذوقوها يحيرو واش هي ويندهشوا لما يعرفوا انو سردين

اتمنى تجربيها وتدعلي لوليداتي

لسلام عليكم

شيماء نور · 2012-09-06, 23:07

عندي اضافة المعدنوس قطعيه رقيق

ريماس · 2012-09-07, 10:44

مشكورات جزاكم الله خيرا

soumsouma · 2012-09-09, 12:31

وصفة السسردين المشوي هايلة يعطيك الصحة