واش رايكم

[مشكلتي]

السلام عليكم
حبيت نحكيلكم على مشكلتي اللي محيرتني و ما لقيتلهاش حل
تعرفت على فتاة مؤخرا جامعية من ولاية غير ولايتي لكن قريبة ليا المهم انا ناوي نخطبها ادا كتب ربي لكن في الاول حكيت معاها على شروطي و الشي لي انا طالبه في الزوجة المستقبلية تناقشنا ووافقت على شروطي لكن بعد ايام لقيتها تملي عليا في شروطها هي و منها العمل في ولايتها الاصلية لازم تكون عندها سيارة خاصة بيها السكن في ولايتها الاصلية
العمل انا رفضت انها تعمل فيولايتها الاصلية السيارة قلت لها سيارة وحدة تكفي و راها كي عندي كي عندها و راها تحت التصرف تاعها رفضت و اصرت على انها تكون عندها سيارة خاصة بيها
السكن في ولايتها رفضت طبعا ومادام عندي سكن في ولايتي هي مصرة وانا بصراحة نفكر جديا في تركها لاني مانقدرش نوافقلها على امور كيما هادي لانها ضد قناعاتي وعلابالي مش راح نكون مرتاح في حياتي كيما هكدا
المهم انا قلت لها لا وعرضت عليها وجهة نظري و قلت لها فكري مليح و رجعيلي المهم ادا قبلت اللهم بارك ادا لا كل واحد منا يحكم طريق وخلاص
اخوتي اخواتي واش رايكم في شروطها و اش رايكم في ردي مقبول ولالا؟
هل الزواج تاني يتطور مع الوقت ولا انا راني غالط؟قالت لي شروطك تقليدية وما تتماشاش مع وقتنا مع انو شروطي هي السكن مع العايلة اللي هي امي فقط و العمل في بلدية الاقامة وفقط
انا انتظر ردودكم

[nasser26]

تشرط عليك سيارة ؟؟؟؟؟ والسكن و العمل في ولايتها؟؟؟؟؟؟؟؟؟؟؟؟؟؟؟

أخي خليك منها راح تمررلك المعيشة من بعد

باينة تاع مادة و دنيا و زهو

فأظفر بذات الدين تربت يداك

[سارة البوسعادية]

يا اخي اعتقد ان اهم صفة اختلت في اختيارك لزوجتك المستقبلية هي التكافؤ
يعني هي من جيل وانت من جيل انصحك في اختيارك لشريكتك المستقبلية تختار من ترضي قناعاتك وعاداتك
فهل تقبل ان تسافر زوجتك من ولاية لولاية بسيارة ياريت لو قلت بنقل لانو لا سمح الله وتوقفت سيارتها ماذا تفعل في منطقة نائية
نقطة اخرى
انت قلت وافقت على شروطك؟؟؟ اي شروط وافقت عليها
في رايي ان الفتاة لاترضي قناعاتك
ومن ناحية العيش مع اهلك كنت افضل انها تشرط سكن خاص وماتشرطش سيارة خاصة
وربي يعينك

[طيبة نفس]

انت شروطك عادية ليست تعجيزية ولا تقليدية كما قالت لكن هي لها وجهة نظر وانت عندك قناعاتك اذا ما تفاهمتوش مع بعض من الاول وكل واحد متمسك برأيه تتفارقو من الاول وكل واحد ربي يجيبله مكتوبه تتفارقو الان خير من بعد تبقاو في المشاكل..........

ربي يهنيك

[بنت الحجاج]

قوللها

اذا عدتي قادرة تشري دار

تشريها و خلاصْ


و اشتارطْ عليها عايلتها

يعني ما تسكنشْ معاكم

لا باباها لا مْها








و سيييييييييييييير ماهيشء رايحا تقبل







سبحان الله ولينا نمشيو بالمقلوبْ !!!









وديجا

انتَ علاه راك تسايَس فيها

قبلتْ بشروطكْ اللهم باركْ

ما قبلتشْ

تربحْ


كل واحد في طريقو

و خواتاتها راهم في السوقْ !!

[فيفان]

بكل صراحة هادي طاحت على راسها لا اظن اي رجل يقبل بهذه الشروط سيارة و العمل في ولايتها و سكن في ولايتها هكذا زيد اعطيها القوامة و خلاص انا نعرف المراة هي تبع الراجل ماشي لعكس

[جلناار]

اللي نقدر نقولهالك انو هاذ الشروط اللي شرطتها مش بالاهمية الكبيرة يعني اذا كانت متمنياتك سهل انها تتنازل عليهم

و اذا ماتنازلتش معناها هي مش ليك من البداية....مش على جال سيارة تخسرك

[محمد جديدي التبسي]

أنصحك بأن تغير تفكيرك أنت قبل أن تختار شريكة حياتك
لم أفهم كيف تفكّر وتتفاهم مع هاته المرأة وتعطيها مدة للتفكير والتشاور
يا أخي الزواج يكون وفقا لقناعات معينة وليس أخذ ورد كأننا نشري في سلعة ونساوم عليها
تسوقي سيارتي عادي وين لقيتها هاذي !!! يا أخي حاول أن تكون على الفطرة قبل ان تكون على الاسلام
ــــــــــــــــــــــــــــــــــــــــــــــــــ ـــــــــــــــــــــــــــــ
تقدر ما تقراش ما كتب أعلاه لأنو تفكيرنا مختلف
جوابا عن سؤالك اخطاك منها واختر مرأة تحب المكوث في البيت وليست عاملة باه تتهنى في راسك بما انو يظهر بأنك خدام الله يبارك وما يخصكش
وربي يوفقك لما فيه الخير

[نيل المنى]

المشكل ليس في عمل المرأة و الله نعرف امرأة قاضية و زوجها كاتب ضبط و الله تشوفهم مع بعض كيفاش منسجمين و هي تحترمه و تقدره و تنتظره واقفة أمام السيارة ليعود ا معا لمنزلهما و تستأذنه حال خروجها من المكتب كما لو كان ملكا ....نمازحها فنقول لها :رديتيه وكيل جمهورية.
نعود لموضوعنا....ببساطة يا أخي هذه المرأة أحست بضعفك أمامها فبدأت تحاول انتهاز حبك و أعجابك بها باشتراط السيارة و السكن في ولايتها ......
و لتتأكد بين لها أنك لا تهتم بها لترى التغيير المفاجئ
شخصيا و كامرأة أنصحك بصرف نظرك عنها لأنها تشكل خطر على رجولتك و خاصة و أنك تقول أنك تملك سكنا في ولايتك؟؟؟؟
البنات البسيطات و الطيبات و المثقفات موجودات فلماذا تختار زوجة تفرض عليك ترك ولايتك+سيارة خاصة بها؟؟؟؟
هذه امرأة سطحية جدا و لا يمكن الاعتماد عليها على المدى الطويل
يعني لو تكون عندك مناسبة في عائلتك تشرط عليك تروح و حدك و هي تكتفي بالانتظار عند أمها....؟؟؟
ربي يوفقك أخي الكريم

[أم عبد النور]

ربي يرزقك بزوجة صالحة وربي يوفق

[محب الحكمة]

مارانيش خايف من هذو الشروط..راني خايف لغدوة ان شاء الله كي تتزوجو لا سمح الله..تقولك انت رفد الطفل في بطنك..انا ما نقدرش نحملها 9 شهور..وانت حبيبي......هههه تم شوف من تولده.....ربي يكون معاك.....بنت متمنية راجل حلال و بنت لقات الراجل و السكن و السيارة وحاب طير......

[تالا تسنيم]

خويا هي ماشي حابة تبعد على ماليها راهي باينة العقلية............... المهم أخي الأمر يرجع ليك أنت ............... ربي يرزقك بزوجة صالحة الي تهنيك و تسعدك .......... ماشي تتشرط و تزيد..............

[لقرع بوكريشة]

المشاركة الأصلية كتبت بواسطة مشكلتي

السلام عليكم
حبيت نحكيلكم على مشكلتي اللي محيرتني و ما لقيتلهاش حل
تعرفت على فتاة مؤخرا جامعية من ولاية غير ولايتي لكن قريبة ليا المهم انا ناوي نخطبها ادا كتب ربي لكن في الاول حكيت معاها على شروطي و الشي لي انا طالبه في الزوجة المستقبلية تناقشنا ووافقت على شروطي لكن بعد ايام لقيتها تملي عليا في شروطها هي و منها العمل في ولايتها الاصلية لازم تكون عندها سيارة خاصة بيها السكن في ولايتها الاصلية
العمل انا رفضت انها تعمل فيولايتها الاصلية السيارة قلت لها سيارة وحدة تكفي و راها كي عندي كي عندها و راها تحت التصرف تاعها رفضت و اصرت على انها تكون عندها سيارة خاصة بيها
السكن في ولايتها رفضت طبعا ومادام عندي سكن في ولايتي هي مصرة وانا بصراحة نفكر جديا في تركها لاني مانقدرش نوافقلها على امور كيما هادي لانها ضد قناعاتي وعلابالي مش راح نكون مرتاح في حياتي كيما هكدا
المهم انا قلت لها لا وعرضت عليها وجهة نظري و قلت لها فكري مليح و رجعيلي المهم ادا قبلت اللهم بارك ادا لا كل واحد منا يحكم طريق وخلاص
اخوتي اخواتي واش رايكم في شروطها و اش رايكم في ردي مقبول ولالا؟
هل الزواج تاني يتطور مع الوقت ولا انا راني غالط؟قالت لي شروطك تقليدية وما تتماشاش مع وقتنا مع انو شروطي هي السكن مع العايلة اللي هي امي فقط و العمل في بلدية الاقامة وفقط
انا انتظر ردودكم

ترى....من تكون هاته...الخاتون ام شجرة الدر...ام ولادة بنت المستكفي.......؟؟؟؟؟

اخي الكريم..الجمد لله انها لم تقل لك يجب ان تكون العصمة بيدي........اخي هاذي البنت الي امطرتك بوابل الشروط الواهية وانتما لحد الان في فترة التعارف...كيف ستكون بعد الزواح؟ اكيد ستفتح لك في كل مرة دفتر شروطها......هاذي اخي واضح انها ستكون بارة باهلك وبامك وعائلتك والدليل هاهي تشترط عليك السكن المنفصل....اخي الكريم الرجل يمكن ان يستغني عن السيارة في الكثير من الحالات وممكن لا يحتاجها...وهاهي زوجتك المستقبيلية تضع اول شروطها السيارة.. وسيارة خاصة بها كما تقول ....لماذا يا ترى؟؟.....ربما تحسبا لتنقلاتها الكثيرة او تحسبا لرغبتها الجامحة لاستقلاليتها في كل شيئ..........اخي الكريم الرجل الذي ليس بقدرته العمل والانفاق واسعاد اسرته بنفسه ليس رجلا ولا يمت الرجولة بشيئ....لان الكثير من اشباه الرجال في اسر لا يختلفون عن الحريم الا باللباس....فالانفاق وكل ما يتعلق بالبيت والاسرة ومستلزماتها اوكلت لزوجاتهم....فلا اضنك من هذا النوع....وبنات الاصل والاصول كثيرات فاختر ما شئت واتكل على الله...................ربي يوفقك ويوفق جميع المؤمنين والمؤمنات...امين.................................. ........اخوك اقرع

[الفقيرة الى الله]

أسأل الله ان يجمعك بزوجة تطيعك وتعينك على امر دينك ودنياك

[عُضو مُحترم]

علاه ولايتك ما فيهاش بنات الاصل و الجميلات و الجامعيات؟؟؟؟