الى كل طلبة تخصص st [ساعدونا أرجوكم.......]

[*الأصيل*]

السلام عليكم ورحمة الله تعالى وبركاته

هذه مجموعة من الأسئلة أرجوا أن تجاوبوني عنها :
_ هل تخصص st مليح وفيه الخدمة بعد التخرج..
_ ماهي التفرعات في السنة الثانية ( كلها اذا سمحتم).
_ اذا درت هندسة مدنية ماهي التفرعات في السنة الثالثة...
_ القراية ساهلة فيها ولا صعيبة وهل تعتمد على اللغة الفرنسية ياسر...
_ معدل القبول فيها...

أرجوا افادتنا وشكراا

[فارغ شغل]

هذه مجموعة من الأسئلة أرجوا أن تجاوبوني عنها :
_ هل تخصص st مليح وفيه الخدمة بعد التخرج..
مليح ياسر وفى راي احسن تخصص فى جامعة الجلفة انا والله اعلم
لكن لي نسقسي عليه يقولولي راه خدام
_ ماهي التفرعات في السنة الثانية ( كلها اذا سمحتم).
فى جامعة الجلفة:
الكترونيك
الكتروتيك
اتوماتيك
صيانة
اعلام الي صناعي
انظمة الاتصالات
هذي تابعة لهندسة كهربائية كشعبة
هندسة مدنية تخصص مراقبة
كيمياء مهنية
كيمياء أكاديمية
وهنالك تخصصان جدد راح يفتحوا العام الجاي
_ اذا درت هندسة مدنية ماهي التفرعات في السنة الثالثة...
لحد الان : كاين مراقبة برك
وكاين تخصص اخر احلي اسمها
مي كمحصلة كاين زوج برك وزيد سقسي
_ القراية ساهلة فيها ولا صعيبة وهل تعتمد على اللغة الفرنسية ياسر..
القراية سهلة فقط تتطلب الحضور الدائم لكل الدورس والاعمال التطبيقية
وانجاز الاعمال الموجهة وقليل من المشاركة فى لي كور والحصص
هكذا تضمن عامك 100/100
وزيد كشما تحتاج معلومات على خاطر راني نقرأ ثم

[فارغ شغل]

متناش أحسن شيء انك تروح تسقسي
وهذا راي يبقى خاص بيا بصفة دارسها

[Sarami]

نعم هو تخصص رائع بالأخص للمتمكنين من الرياضيات والفيزياء والعمل مضمون انشاء الله
بالنسبة للتفرعات في السنة 2 هي:Génie mécanique , Génie électrique , Génie des procédés , Génie civile Electronique, Chimie
وأفضلها Télécommunication et Réseau لكن عليك بالدراسة لأنها من نصيب اللأوائل
ليست صعبة ولاسهلة عليك فقط حضور الدروس والدراسة خاصة عند اقتراب الامتحانات
أما بالنسبة للفرنسية يجب فقط أن تفهم الألفاظ العلمية التي تعرفها عادة باللغة العربية مثلا Deux suites adjacentes = متتاليتين متجاورتين

[*الأصيل*]

شكراا جزيلا أخي فارغ شغل ونشاء الله يعطوهالي ونتلاقاو العام الجاي

[فارغ شغل]

العفو فى الخدمة ان شاء الله