تورتة كي العادة + قراتان الشوفلور و البطاطا المقلية

[شمس بريكة]

اليوم راهم ولاو عندي 12 تطبيق زدتلكم اليوم تورتة من عند ام كوثر ربي يحفضها
راني حطيتها بالخطوات وماكانتش عندي الامكانيات باش نزينها مليح
خدمتها لاولاد خوالي الصغار كي تلمينا حبيت نفرحهم وعجبتهم كامل
و الذوق ماشاء الله
هذا الرابط
https://www.djelfa.info/vb/showthread.php?t=1398560
وهاذو الصور

هنا بعد ما طابت و راح نقسمها


بصح ما جاتنيش طالعة بزاف ما فهمتش علاه شكيت المول تاعي كبير



لهنا قسمتها وبديت نسقي فيها بالمعجون وماء الزهر



ولهنا حضرت صلصة الشكولا الي قريت عليها مرة سميتوها القناش واانا حطيت مقادير الي كانو متوفرين
درت 3 باطات ياوورت شكلاطة+ 4 مغارف شوكولا غبرة تاع الحليب + معجون و خلطتهم خرجت هايلة
لانو قلت لخويا باش يشريلي كرام شانتي طول عليا وانا كنت زاربة مالا خدمتها هكذا وجات باهية

لهنا بديت نغلف فيها




لهنا بعد ما عمرتها كامل



هرست القوفريط بيدي ولصقتو على الجوانب



لهنا زينت نصها بالفارميسال الملونة

و النص الاخر فيها فارميسال وردي وهاذا الشكل النهائي



الوصفة الثانية كانت قراتان الشوفلورر و البطاطا المقلي نسيت شكون حطتها بصح نقلها يعطيها الصحة خرجت تحفت
هنا قليت البطاطا مربعات صغار و ستفتها في المول وحطيت فوقها الفرماج

لهنا حطيت الكفتة طيب و داويتها


بعد ما طبت الكفتة حطيتها فوق البطاطا وحطيت فوقها الفرماج



غليت الشوفلار وهرستو درتلوالبيض وداويتو و من بعد شكلتو كويرات و بسطتهم وقليتهم


لهنا قلبتهم بعد ما حمارو


بعد ما تقلاو حطيتهم ينشفو من الزيت و درتهم في المول غطيت الكفتة كامل و درت فوقها الفرماج و صبيت فوقها البيض
وهذا بعد ما طابت وذاب الفرماج




ان شاء الله يعجبوكم