ساعدوني انا محتارة

rimayeva · 2012-07-11, 19:08

ساعدوني انا محتارة بين جراحة الاسنان و المدارس العليا للاساتدة
كنت في الاول حابة جراحة اسنان لكن نصحوني قالولي اخطيك من وجاع الراس وديري مدرسة عليا تخرجي بخدمتك مضمونة لكن انا مش مقتنعة ومحباش نولي اسنادة
من جهة جراحة الاسنان قالولي متختارهاش خطش هنا في ميلة لي يتخرجو ام قاعدين شوماج و لي يخدمو اغلبيتهم بري اومبلوا
اريد رايكم و نصحكم قلم يبقى الوقت

kyara sama · 2012-07-11, 19:11

ختي استخيري خير
واذا كنتي ماتحبيش تعليم علاه تسوفري فيه انا ختي ندمت علي راحت تعليم مع انو الخدمة مضمونة وعاودت الباك والأساتذة تاوعنا قع قالونا ما تروحوش تعليم سوختو العلميين
وما نعرف

rimayeva · 2012-07-11, 19:23

اين انتم....................

محبة العلم كارولينا · 2012-07-11, 19:50

اختي انا ننصحك بالمعهد للاساتذة لانها مضمونة وتعبش راهي الناس الكل تحبها وزيدي سقسي روحك ميولك واش هو

listoma · 2012-07-11, 21:01

السلام عليــــــــــــكم ... /
أهلا أخـــــــــتي وآآش راكي ... نتمنى تكوني بخيـــــــــــ ....ــر
مي علاآآه اللي قراو دونتيست راهم شوومآآج ... شكون اللي قآآلكـ هذي ....
هذي قااع ماكااش منها ... ما تشوفيش بعينكـ ما تأمنيش ... ++ ما تسمعيش لهدرة تاع منوالة ..... و سقسي غير اللي تشوفيه أنتِ أهل لها ... يعني يفيدكـ بخبرتو بتجربتو ... بقرايتو ... و أدي غير الموفيد و مبعد وظفي قااع اللي سمعتي كمعايير ... و اختاري من بعد ...
++ أنا نعرف واحد غير كيما كمل العام هذا ... مامبا في جواان ... راهو غير بالاثنين اللي فاتت راح يخدم في ورقلـــــــــة ... .يعني مامبا شهر صاب الخدمـة ..
و زيد طبيب الأسنان بإمكانه يفتح ديراكت بلاما يخدم عند الدولة ... يعني إلى صعبت و صعبت دراهمكـ يرحمووكـ ... ++ لا وجع رااس لا والو .... وجع الراس راهو في الميدسين ... لأن طبيب الأسنان من العام الثاني يبدى البراتيـــــــــــــــــــــكـ ...
مممممم.... و رايـ في الأخير و البركة ان شااء الله ... زيدي استخيري كيما قالت الأخــــــــت و ان شااء الله ربي يوفقكـ ...
في أماان الله .. .

rankachamika · 2012-07-11, 21:20

ممكن اراء اكثر لاني ايضا واقعة في حيرة بين الاثنين

rimayeva · 2012-07-12, 10:29

[QUOTE=listoma;10780562]السلام عليــــــــــــكم ... /
أهلا أخـــــــــتي وآآش راكي ... نتمنى تكوني بخيـــــــــــ ....ــر
مي علاآآه اللي قراو دونتيست راهم شوومآآج ... شكون اللي قآآلكـ هذي ....
هذي قااع ماكااش منها ... ما تشوفيش بعينكـ ما تأمنيش ... ++ ما تسمعيش لهدرة تاع منوالة ..... و سقسي غير اللي تشوفيه أنتِ أهل لها ... يعني يفيدكـ بخبرتو بتجربتو ... بقرايتو ... و أدي غير الموفيد و مبعد وظفي قااع اللي سمعتي كمعايير ... و اختاري من بعد ...
++ أنا نعرف واحد غير كيما كمل العام هذا ... مامبا في جواان ... راهو غير بالاثنين اللي فاتت راح يخدم في ورقلـــــــــة ... .يعني مامبا شهر صاب الخدمـة ..
و زيد طبيب الأسنان بإمكانه يفتح ديراكت بلاما يخدم عند الدولة ... يعني إلى صعبت و صعبت دراهمكـ يرحمووكـ ... ++ لا وجع رااس لا والو .... وجع الراس راهو في الميدسين ... لأن طبيب الأسنان من العام الثاني يبدى البراتيـــــــــــــــــــــكـ ...
مممممم.... و رايـ في الأخير و البركة ان شااء الله ... زيدي استخيري كيما قالت الأخــــــــت و ان شااء الله ربي يوفقكـ ...
في أماان الله .. .[/QUOTE
اهلا اخ ليستوما كيف حالك بخير ؟ انا اختي تخدمم طبيبة وعلابالها بالحالة كيفاه مثلا فالمنطقة لي نسكنو فيها ترعي باينان كاينة واحدة تخدم في بلاستها و 3 راهم بري اومبلوا و حتي في المناطق لي قراب لينا كيما عميرات اراس +لي دونتيست لي يخدمو معاها قالولها مكلاه تخيرها دير مدرسة عليا و تخرج بالخدمة مضمونة و انا نقولك الصح منيش متصورة روحي نخدم استادة + هبطولي لمورال خلاص و لله درك ماعندي لا رغبة لا والو
منعرف كيفاه رايحة نفكها

rimayeva · 2012-07-12, 10:31

اين انتم يا اعضاء

dali rami · 2012-07-12, 10:41

أختي الكريمة ..نصيحتي لك جراحة الاسنان أفضل بكثير من التعليم .. تقدري تخدمي مباشرة عند الدولة او عندك روحك .. وبخصوص منطقتك ..قادر تخدمي في دائرة قريبة منك ..وراهي نتحلت المشكلة .. وأصلا تكوني avec ton automobile ان شاء الله ...من جهة أخرى التعليم أيضا جيد نقولك علاش ..تقدري تدري أستاذة تعليم ثانوي او متوسط et en meme temp تكملي دراستك العليا عادي .... وتقدري تقري في الجامعة ...وأكثر وأكثر تروحي بعيد ....في الاخير كلا الخيارين جيدان يبقى ميولك وتطلعاتك هو من يحدد الاختيار الأمثل.. انا شخصيا غادي ندير في الاختيار الثالث جراحة أسنان وممبعد محروقات اظن وومبعد استاذ..موفقة ان شاء الله..مجرد رأي ويبقى القرار لك

~ منصـ‘‘ـف ~ · 2012-07-12, 10:56

السلام عليكم
أختي
وكما ورد في رد الاخ فاروق
لا تسمعي لكلام الناس
توكلي على الله و اختاري ما تريدين دراسته
جراحة الاسنان رووعة
التعليم جيد اذا كنت تريدينه

بالتوفيق ان شاء الله

~ منصـ‘‘ـف ~ · 2012-07-12, 10:57

و بالنسبة للمنطقة
بامكانك العمل في اماكن اخرى خير باينان
رجاص مثلا
فرجيوة
او حتى شلغوم العيد

rimayeva · 2012-07-12, 11:19

منعرف علابالك اخي راجي رحمة الله بلي فالعام يحلو 1 بوست لي دونتيست و 23 بوست لي ميدسان وهدي لبوست ميديها غير فلاف و فلتان