استفسار بخصوص شعبة علوم تجريبية

ندى1996 · 2012-07-02, 19:18

السلامـ عليكمـ

اريد من كلـ الذين اجتازوا السنـة الثانيـة ثانويـ شعبـة علومـ تجريبيـة ابداء رايهمـ حولـ الشعبة وهناكـ من يقول انهــا صعبة ولكن انــا لا ابالي بالامر
لانني السنة الجاية يعني العام الدراسي 2012-2013
ان شاء الله راح ادرس سنة ثانية ثانوي شعبة علوم تجريبة

سلامــ

انعام34 · 2012-07-02, 19:37

مساء الخير اختي انا كنت سنة ثانية و كنت نتحصل على معدل 16 السنة الثانية تحب التركيو خصوصا في المات و الفيزياء تقراو شوية حوايج جدد بصح في المستوى انتي لي عليك انتبهي في القسم و ركزي مليح و راجعي دروس في المنزل و رايحة تكوني من المتفوقات ان شاء الله و اي مساعدة تحبيها انا موجودة و شكراا لكي

ندى1996 · 2012-07-02, 19:50

اه انا نتحصل تانيك على 16 والمعدل تاع الطلعة تاعي 16.90

ثائر جزائري · 2012-07-02, 20:40

الله يبارك

بالتوفيق انشاء الله اختي ندى

*السائر الأبيض* · 2012-07-03, 00:53

أنا أيضا السنة الجاية ادرس ثاني ثانوي, ارجو من كل المتفوقين الذين اجتازو هذه المرحلة اخباري ببرنامج مراجعتهم في ساير الايام.

انعام34 · 2012-07-03, 10:01

ربي يوفقكم جميعا اخي كفاه تحوس على برنامج المراجعة

قدوتي رسولي · 2012-07-03, 10:51

اختي شكرا للمساعدة
لو ممكن انا متوجهة شعبة رياضيات واش رايك فيها ولا كاين لي معاكم جايبين موايا ملاح
وشكرا

ندى1996 · 2012-07-03, 20:17

ممكن الاجابة على سؤالي؟

عَتْمَـہとか · 2012-07-03, 20:33

فے رأيي شعبة العلوم التجريبية من أسهل الشعب رغم انني لم اجربهآ بل سمعت عنهآ ☺

نور 2100 · 2012-07-03, 21:03

مكاش شعبة أسهل من شعبة بالنسبة لشعبة الرياضيات فيها الرياضيات والفيزياء أساسيين ادا متقراش المات ودرت هادي الشعبة راك تضحك على روحك وبالنسبة للتقني الميكانيك المات و الفيزيك سيرتو الميكانيك راهي في الصدارة
أما شعبة علوم تحتاج تكون تعشق العلوم باش متكرهش ومبعد المات والفيزيك
اسمعوني خاوتي الصغار ههههه (لي حاسب روحو كبير مايزعفش ) ماتهولوش الأمور ولي يقول الثانية ثانوي صعيبة راهو حاب يخلعكم برك الثانية ثانوي هي عبارة عن سنة دراسية مثل سابقاتها وكل عام يحتاج للتركيز نأكدو معلوماتنا السابقة ونتعلمو الصالح الجدد الفيزك ركزو مع الاستاد واسألوا وماتحشموش حلو لي سيجي ودو التصحيح للأستاد و الرياضيات حلو التمارين كامل تاع الكتاب و العلوم ماعندي مانقولكم راهي ساهلة بزاف انا العام اللي فات ماسألتش كيما نتوما على 2 ثانوي والعام كنت اداياتو غير ضحك حتى نهار الفرض باشض نراجع ولا نحل تمارين وكنت نجيب 14 أنا ننصحكم مديروش كيما انا وقتكم راهو ثمين استغلوه بيان وكاين العطل وتريحو
أختكم نور

انعام34 · 2012-07-04, 10:07

اختي اسفة على التغيير لكن بالنسبة لشعبة الرياضيات لا توجد في ثانويتنا بصح التركيز يكون كبير على الرياضيات اذا كنتي تفهميها و مستعدة باه تقرايها مليح فالنجاح باذن الله رايحيكون مضمون و شعبة العلوم معامل العلوم 6 ة دروسها في المستوى يقدر التلميذ المتوسط يتحصل على نتائج مليحة بصح ميلزمش التهاون مع حتى مادة لانها لاباز للباكالوريا ان شاء الله و شكراا

sara white flower · 2012-07-04, 11:22

السلام عليكم انا خيرت شعبة علوم تجربية لكن بحكم ان علماتي في هذه المادة اقل من الرياضيات تم توجيي للرياضيات انا كنت حابة نروح لكن وجدت اعتراض كبير من العائلة قالولي ننتي تدي معدل 15 و 16 وحابة تروحي مات الناس تدي ب18 وراحو علوم وتاني قالولي كون جابولكم موضوع صعيب في الرياضيات فيييي الباك راح الباك كامل لان معامل المادة 7 ودرت طعن باش نروح علوم تجربية ربي يوفقنا كامل العم الجاي

ZINA DZ · 2012-07-04, 11:33

حتى أنا درت علوم تجريبية و قالولي راهي صعيبة لكن أنا أختلف عنهم

بالتوفيق

ندى1996 · 2012-07-04, 16:48

انا حبيت علوم بسكو نحب العلوم بزاف دايمن ندي 18 و 19

انعام34 · 2012-07-05, 12:23

بالتوفيق للجميع