استفسار بخصوص الباشميال

windows0306 · 2012-07-06, 22:05

السلام عليكم
سؤالي بخصوص باشيمال طبقت وصفة من المنتدي تحتوي علي زبدة انا دارت لابال وفرينة وحليب غبرة وفرماج
لكن كي دارت الغراتان نتاعي لهي نتاع دنجال ؟؟؟؟؟؟؟؟؟؟؟؟؟؟؟؟؟معرفتش وعلاش خرجتلي قاع غير زيت واوليت نحي في هداك الزيت حشمت قدام زوجي؟؟؟؟؟؟؟؟؟؟؟؟؟

؟؟؟؟
فرجاء الي موالف تجربها وتخرجلها مليحة تقوالي علي العفسة وللتنويه محبتش تطيب يعني قعدت عبارة عن كريمة فوق الغراتان وكليتها غير وحدي باش نسطر عيبي

منال 22 · 2012-07-06, 23:33

انا جامي درتها بحليب غبرة نديرها بحليب نورمال و جيني هايلة جامي فسدتلي

windows0306 · 2012-07-06, 23:44

https://87-98-246-34.ovh.net/vb/showt...=755255&page=5

هده هي الوصفة الي جربتها؟؟؟؟
وجاتني مزيتا ولا الغرتان نتاع تقول مقلي في الزيت مش طايب في الكوشة

مسعودي خولة · 2012-07-07, 00:32

اختي عندي بشمال مثل الجبن انصحك تجربيها
هاذي اللي درتيها انا ثاني جربتها عندها يومين وصراتلي كيما نتي ننصحك تجربي هذه
بسم الله
نضع 2 ملعقة زبدة (اللي عندك ) تذوبيها تضيفي شوي فلفل اكحل وملح (اذا حبيتي معدنوس)
تنزعيها من على النار وتضيفيلها 2 مغارف فرينة (كيما تحبي تحبي ثقيلة ذيريهم معمرين تحبي خفيفة نورمال)
تنشفيا شوية فوق النار وتضيفيلها نصف لتر حليب وليس ماء (اذا كنتي زربانة ديريه سخون ثم ثم يعقد ) وخليه فوق النار مع التحريك الى ان تتحصلي على كريمة ***اذا عندك ديري واح شاف او اي فرماج تجيك روعة ***
والله تجيك ذوق الجبن عائلتي كانت لا تحبها اما الان اصبحت تموت عليها
ارجو ان ترديلي الخبر واي استفسار راني هنا

windows0306 · 2012-07-07, 19:46

اوكي نجربها

Professor Chaima · 2012-07-07, 20:22

أنا عند تحضير البيشاميل أستخدم 4 م ك زبدة star
4 م ك فرينة
2 كأس حليب candia
جبن la vache qui rit الجبن مش ضروري لكن يعطي طعم أحلى

أما الزيت يمكن طلعلك لانك قليتي الباضنجان في كمية كبيرة من الزيت

طريقة القلي باه مايخرجش منو الزيت

بعد ما تقشريه و تقسميه غمسيه في زيت بارد و بعد أقليه في مقلاة فيها زيت شخون خلاص

أو غمسيه في الفرينة و الزبدة و حطيه في الفرن

أنا عادة أحب الطريقة الاولى

ردي عليا بعد التجريب

soumay12 · 2012-07-07, 20:41

شوفي اختي انا منقلقش روحي ونزيد نحلها في الزبدة

مع الوقت تعود عندك خبرة غير نهز اناء ندير نصف لتر حليب

شوية ملح و2 ملاعق اكل معمرين مليح فرينة وحطيهم على النار

وين تبدى تخثار ضيفيلها كمية الزبدة واش تحبي يعني كي تعودي رايحة

ديري قراتان مكوناتو مقلية نقصي ديري غير ملعقة قهوة زبدة وعينك ميزانك

بعد ماتغلى وتكمل الطيب البشامال زيديلها فلفل اسود معدنوس مش برشة

جبن طري وعاودي ارحيهم بالرجل الكربائية مليح وراح تجيك بنينة

windows0306 · 2012-07-08, 19:02

يعطيكم الصحة علي النصائح راح نعمل بيه ونردلكم الخبر

fatima alaa · 2012-07-08, 21:22

4كغارف زبدة ولا زيت تزيدلهم 4 مغارف فرينة وتخليهم على النار في كسرونة اخرى ديري حليب بصلة رابي وثوم مهروس وجزرة مقشرة

ورقة رند ملح فلفل اسود

كي يتحمر الزبدة والفرينة ويرجع لون بني تزيدليه الحليب مصفي وانتي ازيدي في لحليب وتخلطي باه ميتكورش

كي يعقد نحيه على النار وزيدله حبة بيض وخفقي مليح باه مطيبش البيضة

حنونة والله تخرجلك تهبل لداق عندي كراتان يهبل

وممكن تحشي بيها حتى البوراك تخرج هايلة

جربيها ورديلي لخبر

soussou_saida · 2012-07-08, 21:49

merciiiiiiiiiiiiii

ام ريحانة · 2012-07-08, 22:02

انا بعد صراتلى كيفك درت قرتان نتاع بد نجان جات تعوم فى الزيت قلت فى نفسى من بدنجانخاطر مقتلى

زهرة الهضاب 19 · 2012-07-08, 22:46

هو سر البيشاميل و اديها من عندي هي انك ديري نفس كيمة الزبدة و الفرينة مثلا درتي 70 غ زبدة ديري 70غ فرينة

حطي الزبدة تذوب و زيدي الفرينة خليها دقائق و انت تخلطي و زيدي بالعقل الحليب المغلي من قبل تحبي ديريه بارد تحبي ديره سخون لكنني أفضل لي سخون و حركي بالعقل و شوفي مالازمش تكون سائلة بزاف و لا خاثرة بزاف

مبعد زيدي الملح و الفلفل الأسود او الأبيض حسب الذوق و لازم ديري جوزة الطيب هي لي تمدلها الذوق

بامكانك اضافة الجبن تولي بنينة كثر

و هاذي طريقة على ضمانتي تنجحلك

جربي و رديلي لخبر.