من يريد العمل المضمون من المتفوقين عليه ب ,,,

bac-l · 2012-07-04, 12:45

نصيحة للمتفوقين ( من 15 ل 17 )
إذا راكم خايفين من البطالة و حابين تخدموا في الجزاير راهي كاين غير المدارس العليا للأساتذة اللي فيها الخدمة مضمونة بنسبة 100 بالمئة لاكان تخرجتو منها و راهم كاينين 6 مدارس و اللي هي:

المدرسة العليا للأساتذة الآداب والعلوم الانسانية قسنطينة
المدرسة العليا لأساتذة التعليم التكنولوجي بسكيكدة
المدرسة العليا للأساتذة القبة
المدرسة العليا للأساتذة بوزريعة
المدرسة العليا لأساتذة التعليم التقني وهران
المدرسة العليا للأساتذة بالأغواط
هاذو المدارس كي تدخل فيهم توقع عقد بلي راك عندك خدمة مضمونة مباشرة كي تتخرج
و العام اللي عدا معدلات القبول فيهم غير فوق 15
و زيد الأساتذة ديما إضرابات و يزيدولهم السلاك راهم عادوا ينافسوا التخصصات لخرين في السلاك و اللي يقول ماش حاب أستاذ نقولو بلي بالتخصصات لخرين لاكان ماكملتش الدكتورا راك الماكسيموم تاعك أستاذ حتى من المدارس العليا غير لاكان عندك زهر كبير باش تروح الخارج ولا عندك المعريفة
من غير هاذي المدارس يجي وراها من حيث توفر الخدمة الطب و الجيش و الهندسة المدنية ( الطرق كثروا )

همس الاشواق · 2012-07-04, 12:53

السلام عليكم

مام انا اوافقك الراي

انا عاجبتني استاذة علوم مع العلم انو معدلي 14.98 و في علوم ديت 15.5 .... يعني نقدر ندخلها ؟

و حابة نسقسي اذا نقدرو نكملو ماجستار و دكتورا باسكو سمعت بلي مانقدروش وتقعد طوووول تقري في ليسي و انا حابة استاذة جامعة

bac-l · 2012-07-04, 13:53

اقتباس:

المشاركة الأصلية كتبت بواسطة همس الاشواق

السلام عليكم

مام انا اوافقك الراي

انا عاجبتني استاذة علوم مع العلم انو معدلي 14.98 و في علوم ديت 15.5 .... يعني نقدر ندخلها ؟

و حابة نسقسي اذا نقدرو نكملو ماجستار و دكتورا باسكو سمعت بلي مانقدروش وتقعد طوووول تقري في ليسي و انا حابة استاذة جامعة

العام الماضي أستاذ ثانوي القبة 15,45
أستاذ في المتوسط القبة 15,13
أستاذ في الثانوي الأغواط 15,08
أستاذ في المتوسط الأغواط 14,45

يعني في الأغواط في 2 قادر تديريهم خاصة لاكان هبطوا المعدلات بصح الثانوي في القبة صعيبة باش تهبط 14,98
و ماكانش الماجستير و الدكتورا غير لاكان يديروهم جدد