الطب ام الصيدلة ؟

sonic20 · 2012-06-21, 00:55

السلام عليكم
استفسار لذوي الخبرة او المعلومات

ما هو الفرق بين دراسة الطب و الصيدلة . حيث ان السنة السابقة كان معدل الصيدلة اكبر من معدل الطب
فهل هذا يدل على ان الصيدلة افضل و هل لها مستقبل افضل من الطب ؟

ارجو النصيحة و ليس دير لي في راسك

ridhatab · 2012-06-21, 01:29

je c pas sahbi

محمد الخاشع للرحمان · 2012-06-21, 01:38

معدل الصيدلة اكبر لان المقاعد البيداغوجية بها اقل
و بالنسبة لي لا فرق بينهما سوى في مدة الدراسة فالطب اطول مدة

sonic20 · 2012-06-21, 02:06

عمل الطب بعد التخرج معروف لكن بالنسبة للصيدلة فهل يتخصصون بصنع الادوية في شركات خاصة ام حكومية ام ماذا ...

lotfiju · 2012-06-21, 10:38

médecine khire ou allah a3lem

souha619 · 2012-06-21, 10:46

حسب رايي الصيدلة يمدولها معدل اكبر لأن الاقبال عليها اكثر من الطب لان سنوات الدراسة اقل
وانا شخصيا افضل الطب لكن بشرط ان تكمل الاختصاص ولا تتوقف بعد 7 سنوات فقط

فريال المحتاجة عفو الله · 2012-06-21, 11:59

أنا افضل الطب و كيما قالت أختي في الرد اللي قبلي شرط تكمل la spécialité
بصراحة ماكانش كيما لقب " طبيب " أو " دكتور " بصح باش تنجح صح لازم تكون إنساني بالدرجة الأولى و تحبها صح
و السبب اللي خلى الصيدلة المعدل تيعها أكبر هو الإقبال خاطر 5 سنين برك بصح الطب 7 و زيدلها 4 أو 5 سنوات تخصص

ياااا رب وفقني لأحقق حلمي في دراسة الطب و وفق كل إخوتي في المنتدى و خارجه لتحقيق أحلامهم

دنيا الافراح · 2012-06-21, 12:45

اقتباس:

المشاركة الأصلية كتبت بواسطة فريال المحتاجة عفو الله

أنا افضل الطب و كيما قالت أختي في الرد اللي قبلي شرط تكمل la spécialité
بصراحة ماكانش كيما لقب " طبيب " أو " دكتور " بصح باش تنجح صح لازم تكون إنساني بالدرجة الأولى و تحبها صح
و السبب اللي خلى الصيدلة المعدل تيعها أكبر هو الإقبال خاطر 5 سنين برك بصح الطب 7 و زيدلها 4 أو 5 سنوات تخصص

ياااا رب وفقني لأحقق حلمي في دراسة الطب و وفق كل إخوتي في المنتدى و خارجه لتحقيق أحلامهم

أمين يا أختي ربي ينجحنا كامل رانا مشتركين فنفس الأمنية و مع أني اجد نفسي يعيدة نوعا ما في تحقيقها بصح ربي المستعان به يا لوكان نعاود الباك بالمراسلة ربــــــــــــــي يعتي كل واحد ما يتمنى آمـــــــــــــــــــــــــــيين

حسام جسيل · 2012-06-21, 13:17

آمييييييييييييييييييييييييييييييييييين

sonic20 · 2012-06-21, 13:38

وما هو طبيعة عمل الصيدلي ؟

walid s 34 · 2012-06-21, 13:57

أخطيك منهم للزوج عندي أخي فرماسي وراه شوماج شوف المدرسة التحضيرية لدراسات مهندس بالرويبة أفضل شكرا

sonic20 · 2012-06-21, 14:08

اخي تبقى هذه خطة بديلة لاني افكر في الطب العسكري ان شاء الله

لالة مريومة · 2012-06-21, 16:13

السلام عليكم انا امتحنت في الباك شعبة ادب وفلسفة وراني حابة علم النفس في الجامعة او صحافة
يعني هاذ التخصص نقدر يكون في هذه الشعبة وماهو المعدل المطلوب؟؟؟

ANWAR 11 · 2012-06-21, 17:40

اقتباس:

المشاركة الأصلية كتبت بواسطة فريال المحتاجة عفو الله

أنا افضل الطب و كيما قالت أختي في الرد اللي قبلي شرط تكمل la spécialité
بصراحة ماكانش كيما لقب " طبيب " أو " دكتور " بصح باش تنجح صح لازم تكون إنساني بالدرجة الأولى و تحبها صح
و السبب اللي خلى الصيدلة المعدل تيعها أكبر هو الإقبال خاطر 5 سنين برك بصح الطب 7 و زيدلها 4 أو 5 سنوات تخصص

ياااا رب وفقني لأحقق حلمي في دراسة الطب و وفق كل إخوتي في المنتدى و خارجه لتحقيق أحلامهم

السلام عليكم

الصيدلة اصبحت تدرس 6 سنوااااااااااااااااات

و الشهادة المتحصل عليها هي دكتور في الصيدلة

بالنسبة للاخ الذي يسأل اختر التخصص الذي تحبه و تستطيع ان تدرس فيه دون ملل خاصة ان سنوات الدراسة في كلتا الشعبتين طويلة نوعا ما
بصفتي طالبة صيدلة اجدها اكثر متعة من الطب الذي يعتمد على الحفظ بالدرجة الاولى
ان تكون صيدلي لا يعني انك بائع دواء...........بل صانعه
فيها تخصصات كثيرة و مستقبل كبير
ام ان كنت تريد ان تصبح طبيبا فاختر الطب...........اهم شيء هو ان تحب دراستك
بالتوفيق للجميع ان شاء الله

orchid_girl · 2012-06-21, 17:57

أخي معدل الصيدلة من اللي كان اكبر من معدل الطب و كيما فسرت الاخت ذلك راجع لعدد المقاعد البيداغوجية انا اختي دايرة صيدلة و الدراسة تاعها متعبة كي الطب لانهم يدرسوا المرض و يدرسوا الدواء و بالنسبة لوانا هاذي الاحسن انا نقولك شوف ميولك لانك في الاخير راح يكون مصير الناس بين يديك سواء داويه ولا تبيعلوا الدواء
وللاسف الناس اليوم عادوا يديروا الطب فقط من اجل اللقب و لهذا الطب في بلادنا صلينا عليه و دفناه مالة نصيحة اخي شوف الميول تاعك و الشيء اللي قادر تخدموا وبالك مرتاح