واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث
قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت
قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
طاحة اومبان.
04-قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
-واحد حراق لاسبانيا بعد عام كلم باباه في الدشرة قالوا بابا راني تزوجت وجاني الايدز عفانا الله منه قالوا باباه وعلاه ما سميتوش على جدك العلواني
-واحد مجنون ولدت مرتوا توام جن رجلها وقالها شكون اب الطفل الثاني
-المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.
-واحد مجنون حلق الموستاش دخل على صحابوا قالهم تصدقوا ماعرفتكمش
-واحد كذاب ادعى بلي راح لمكة يحج سقساه واحد قالوا واش شفت قالوا ابا جهل راكب bmw
. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك
القرعة وادعيلي دعوة خير , عطاتهالو وقاتلو الله يفتحها في وجهك
جزار راح يخطب في وحدة ,تلاقى مع والد البنت , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟
واحد راح للطبيب النفسي قالو يا سيدي أصبحت أحس أنني كلب , قالو منذ متى تعاني هذا المرض قالو منذ كنت جروا
قالك أيا واحد كل يوم يريح في القهوة ,و كل يوم تجوز عليه وحدة يشوف معاها
وتشوف معاه , بقاو على هذي الحال عام , وحد النهار شافها مع واحد راح ليها
قالها اللي بيناتنا أنسايه
أيا قالك واحد راح مصنع انتاع مركبات كيميائية , لقى صهريج فيه حمض الكلور
HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم
زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاه "
الأول : هذا العقار الواسع ورثناه أبا عن جد
الثاني ماذا كان يشتغل جدك , رد الأول : ناهب عقارات
قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح
قالك واحد غلباتو مرتو ديما يغسل المواعن هو , واحد النهار راح لواحد صاحبو
قالو كيفاش ندير معاها قالو روح مزعف واصرخ عليها ضرك تخاف منك , أيا نهار
دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش
تحب يا حمار قالها كشما مواعين نغسلهم
أيا قالك واحد قتل مرتو , داوه للمحكمة , أيا صقصاه القاضي وعلاش قتلتها ,
قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة
التعريف مكتوب فيها " إمضاء صاحبها "
. هذي الحكاية حكاها الرئيس بوتفليقة
وحد السيد قال لبوتفليقة : علاش ما نديروش حاجة في العلم الوطني انتاعنا
كيما في العراق دايرين الله أكبر و في السعودية دايرين لا اله إلا الله ,
قالو بوتفليقة واحنا واش نديرو ؟ قالو نديرو " الله غالب "
واحد كان لابس صباط تاع مليون , طلع في الكار , عفست عليه عجوز , قالها يا الحاجة راكي عافسة على مليون قالتو تاعي وين راها ؟
واحد المعلمة صقصات طفل , قاتلو قول صباط , قالها " هباط " , قاتلوا صباط
ماشي هباط , قالها هباط , قاتلو صباط قالها هباط , المهم قالتول جيب ولي
أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه
يقولك هابو (زعمة صابو )
واحد كان في مطعم ياكل لقا فار ميت في الشوربة , راه يشكي قالولو مازالك 5 فيران وتربح معانا في الطومبولا
واحد ديما يهز معاه قرلو ميت باش كي يروح للمطعم وياكل يحط القرلو في
الماكلة وممبعد يروح يشكي , يقولو مول المطعم كول باطل وما تبهدلناش , ديما
يدير هكذا , وحد المرة فاق بيه صاحبو قالو أعطيني كشما عندك قرلو ميت ,
قالو مازالي 4 نستقهوا بيهم
قالك مرة وراجل مزوجين وهي بالكرش قالتلوا نسميوه بلال وهو قالها نسميوه بوحا يتغاننوا هكا حتى ولدت ايا جا الطفل ما عندوش ذرعين سماوه ديباردور
لو قابلتي حبيبكي في الطريق و عانقك بشدة
أمام الناس و هو يبكي من شدة اشتياقه لك و يشتكي ألم البعد و الفراق و انحنى
لتقبيل يديك و ركع على ركبتيه أمام الملأ لتقديم خاتم ويطلب يدك للزواج
فاعلمي: أنك نائمة ومكيش مغطية مليح
قالك واحد كان يهدر مع بنت قاتلو ماتهدرش معايا في الطريق قالها اطلعي لطريطوار
واحد رمنسي بزاف قال لمرتو باغي انحط رجلي على وجهك
قاتلو علاه واش عملتلك
قالها باش انكون اول جزائري يحط رجلو على القمر
واحد ضرب دورة شكات بيه
*واحد كحلوش في القسم راح التريسيتي كتبوه غايب
واحد مجاهش النعاس رقد و خلاه
انا تعبت باش جبتهملكم على الاقل ما تروحوش بدون شكرا
منقول
( تقرير عن مشاركة سيئة )، و الموجودة أسفل كل مشاركة .
2012-06-28, 15:43
نكت حصرية
العرض العادي
