الناس ....هبلوا

[مباركة 1961]

سلام...
حبيت نتناقش معاكم فى موضوع اخد النوم من عينى واصابنى بالارق ..
البارح الخميس __يوم الاعراس بلا منازع _وانا نسكن فى شارع يمر عليه الكثير من سيارات العرس بكل ماتحمله من فوضى .._ابواق سيارات جد مرتفعة وبارود وحتى تلك التى يستعملونها فى الملاعب ...._وهدا الشيىء اصبح جد عادى .....
المهم البارح كان امامنا بيت للعزاء _موت احدى الجارات _ونصبت الخيمة ودارو القران مند المساء وكان صوت الامام مرتفعا ....الغريب فى هدا كله ان صوت الاعراس اللى قريبة من الدار وصوت مكبرات الصوت نتاعها كانت كدلك اعلى وكانهم يتنافسون مع صوت القران ....ثم مع المساء عندما دهبوا لاحضار العروس _هبلوا_ توقفوا قريب جدا من اهل الميت وبدؤوا فى حملة مسعورة من الزغاريد واطلاق البارود وو..و.
اللى محيرنى قلة الحياء واحترام مشاعر اهل الميت ...كنا صغار كان اللى عندهم ميت يحشم الواحد حتى يضحك بصوت مرتفع امام دارهم ...واليوم........
واش رايكم انتم ....والا انا برك مكبرا الامور ....

[الجليس الصلح]

صحيح إذا لم تستحي فافعل ما شئت وهذا حالنا راحت الأخلاق منا صرنا نتدافع على الدنيا ونسينا هادم اللذات كان من المفروض أختنا إحترام دفن الميت قبل كل شيئ وتوقف موكب الزفاف إلى حين وشكرا

[عربية الهوية]

يا اختي شوفي زمان لحقنالو
والله يا اختي قطي مات التلفاز مشعلش في دارنا 3 ايام
هذا حيوان فما ادراك بفقدان انسان
الحشمة بح في هاذ البلاد

[الواثق]

هم لم يستحو من الله فكيف تريدين ان يكون بينهم وبين الناس الاحياء والاموات ..حياء ؟؟؟..................غناء فاحش اصوات عالية تعري ترويع المسلمين بالمفرقعات ازعاج المريض والصحيح هذا من بني البشر اما الامور الاخرى اجتماع الشياطين في اماكن تكثر فيها المعاصي ونفور الملائكة ......................اللهم ردنا اليك ردا جميلا

[محمد...عبد النور]

الله المستعان
كل يوم تزيد الامور سوءا و تتردى الاخلاق لا جار يحترم جار و لا حتى الاخلاق الانسانية بقيت
كيما قلتي الميت ما يحتارموش اهله و احساسهم مي الايام دوارة يجيبلهم ربي لي يستفزهم
ربي يهدي ما خلق
شكرا على الموضوع المفيد و ربي يبارك فيك و يجزيك كل خير
ســــــــــــــــــــــــــــــــلام

[ẪβĐẼЙǾỮŘ]

ربي يهدي ماخلـق !

[فقير و باغي نطير]

هذا نقص في التربية و الوعي و ترعوين

[MIWAKE]

ربي يهدي ماخلـق

[nina 3]

عندك الحق والله ما يحشم هاد الناس + لله يهدي ما خلق

[اسلام انس]

عيش تشــــوف لاتربية لا اخلاق لا حياء...........الله يهـــــــــدينا.................شكــــــرا على المـــــــــوضوع

[Broken Angel]

لعجب
وشكرا

[سعاذ]

سلام عليكم
نسمع بظواهر كيما هادوا
بصح تاكدي اذا خليت خربت
مزلت نشفا لعام لي فات كنا رايحين عند عمي كي جا من الحج وتلاقينا مع موكب تاع عرس رايح يجيبوا العروس واحد من اهل العروس سنا هذا الموكب في الدخلا تاع القرية وجميع سيارة نبها بلي كاين جنازة على بعد 500 م والله ولاسيارة خلات بوسط شاعل حتى كي قربنا من بيت العروس كان واحد الهدوء تام
ثم حسيت بلي الدنيا مزالها بخير وكاين لي مزال يدير قيمة لحز الناس

[soso sirin]

والله غير شي حوايج راهم يصراو واحد راه يبقى بلا عقل و الله حنا ماعندهاش بزاف واحد جارنا مات مسكين و جان صغير اكسيدو معنتها موت تاع خلعة ماشي كان مريض و لا شي حاجة تتخيلي انو يا ربي بوحد 2 كارطيات جار وخدخر داير الغنى تحسب راه مزوج وليد السلطان و لا جايب بنت السلطان و ني حشمة ني حيا والله ماطفاه ولا حتا نقصلو شوية تحسب رانا في عهد الجاهلية مي نقلك حاجة الشح فيهم ربي خرجها منهم و كيما ماحتارموش رواحهم و الله مورا ماكمل العرس ذهبهم كامل سرقوهولهم بابا يحكينا و انا نقولو الشح هي صح انا والله مانبغي نشمت مي يستاهلو حرام واش دارو و كون غير ماشي جار ربي يهدي ماخلق

[z.abdo]

لا حول ولا قوة إلا بالله

إن لم تستسحي فافعل ما شئت

[○•ميسون•○]

صحيح إذا لم تستحي فافعل ما شئت وهذا حالنا
راحت الأخلاق منا صرنا نتدافع على الدنيا ونسينا هادم اللذات كان من المفروض أختنا إحترام الميت و أهله
قلة الحياء
..........................................