ماهو الحل

[مشكلتي]

لسلام عليكم
هذه قصتي تعرفت على شاب و تفاهمنا و كامل وانا بانتلي لحق الوقت باه نقولو خطبني لاخاتر كي عرفني قالي نيتي الزواج
فتحتو فالموضوع وافق وكامل و دروك حسيتو كي شغل تبدل هو مدار حتى جاست يبين كو راه ناوي الحلال
كثرو المشاكل بينتنا و بزيادة بدينا في كل مككالمة ندايزو ز ندقاو
و ليوم قتلو نعطيلك منا الاحد خمم مليح و انا نعيطلك و قولي شراك حاب
زعف و كوبا و مدهاش فيا بعتلو انا ميساج و قتلو انا راني باغية الحلال و كي نبغيك انت خير من وحدخر
ماهو رايكم
راني عارفة لي بيني و بينو مش حلال و غلطت كي عرفتو مي الواقع
بواش تنصحوني
الله يرضى عليكو اريد اكبر عدد من الردود

[djamel123]

خلاص تبعي الكذاب لباب الدار... وأستناي وش يقول نهار الأحد
فقط حتى تتأكدي أنت ....أحنا تأكدنا خلاص من نيتو من أول سطرين ههه

[الوداع]

لست المرأة التي يريد الزواج منهاو بس، أنت فقط لملأ الفراغ لحين يجد ست الحسن والجمال ... سمعت الكثير مثل هذه القصص مرة كنت في الطريق وسمعت واحدة ذات صوت خشن تصرخ : كيفاش هدا خلاص ؟ ياخي قلنا نتلاقاو ... لما استدرت فضولا لأراها وجدتها... يعني لا يمكن أن يحلم بها أي رجل وإن حصل ففي الكابوس، ربما أوهمها أنه سيتزوجها ولكن للأسف الفتاة لما يقول لها رجل ما أنت جميلة تصدقه حتى وإن لم تكن كذلك ... سذاجة

[*الحواس*]

صبر جميل , ما عليكي سوى الإنتظار و إذا لم يكن هناك جواب فالمثل يقول " الباب الي يجيب الريح , سده و استريح "

[بلال الرومنسي]

ههههههههههههه ربي يكون في عونك
علاقات التلفون فاشلة كلها كدب في كدب ههههههه

[تالا تسنيم]

هو لوكان عينه في الزواج بلا ما تقولي له و لا تلمحي يا أختي الكريمة

بصح اصبري عليه حتى الوقت الي مديتيه ليه ............. واذا ما كان والو ....... فوتيه يا أختي........... وربي يرزقك بولد الحلال........... وردي بالك تزيدي تبقاي معاه
..........................

اصبر قليلا فبعد العسر تيسير........ وكل أمر له وقت وتدبير
.............

[محمد جديدي التبسي]

الحل هو أن ترجعي إلى رشدك وتكوني واعية أكثرواستقيمي على الدين

راني عارفة لي بيني و بينو مش حلال و غلطت كي عرفتو مي الواقع

هاذي ما فهمتهاش
غلطت تحملي عواقب خطأك وارجعي إلى ربك والواقع والدين لا ينفصلان يا أختي طبقي الدين على الواقع مش العكس

ربي يوفقك لما فيه خيرك

[رزان.]

و عليكم السلام و رحمة الله تعالى و بركاته

خلاص نيته راهي باينة خاصة و أنك وضعتيه أمام الأمر الواقع ؟؟؟؟؟؟؟؟؟؟؟

و الزواج ليس بهذه الطريقة و تأكدي أنه مكتوب و إن كان من نصيبك سيسهل دون اللجوء إلى ذلك

ربي يرزقك بالزوج الصالح و يرزق جميع البنات

[عربية الهوية]

يا اختي فيقي لروحك راه يجوز بيك الوقت
وكي قالك غرضي زواج قوليلو هاهو ليك باب دارنا
هذا دخل من التاقة مشي من الباب
اخطيك منو
لوكان جا غرضو شريف يجي يخطبك من الاول
افطني قبل فوات الاوان وقبل ما تقع الفاس في الراس و تقولي يا ريت

[جسر الأمل]

هدا كان يقصر ويفوت الوقت بيك لخاطرش لوكان جا سيريو هو يفاتحك بالموضوع
حمبوك عطاك قلبك وقلتيله اخطبني؟؟؟؟؟؟؟؟؟؟؟؟؟؟؟؟؟ انا نقولك ماتقارعي منه والو حده نهار الاحد يليكيديك ويقولك كملوا دراهمك وانت منا ورايح ماتحكي حتى مع واحد

[EVE]

م راهوش ناوي يخطب باينة، يا اختي شباب اليوم راهو لاعب الشيطان بعقولهوم تلقاي غير لي عندو زوج ثلاثة كي يعيا من واحدة ليولي لوخرى او لبنات كيف كيف راهي معا واحد او لي يجي تهدر معاه ، او جابلي ربي لو كان جا سيريو ما كونتيش اتشكي فيه

[أكوام الورد]

أختي ديري عليا بعدي عليه شحال ما قديتي و أدعي ربي يسرلك هاد الأمر
بالتصرف نتاعك راكي تفرضي عليه يجي يخطبك و ماشي هدي هي الطريقة اللائقة باش تتزوجي و تتهناي فدارك
الإنسان اللي يحبك و يخاف عليك و ناوي لحلال يجي بلا ما تقوليلو يجي بحدو لعندك حتى للدار و نتي تبقاي معززة مكرمة
يا أختي ماراهاش نيتي باش نهينك و لا نطيح من قيمتك بصح هدا هو الواقع اللي خاصك تعرفيه
الانسان لازم يعرف قيمته فهاد الدنيا و قيمته هو اللي يبنيها
صدقيني أختي حتى يلا تزوجتي هاد الانسان زواجك ماغاديش يكون ناجح مشاكيلكم من دروك راها بزاف فين راه عاد كي تعيشو تحت سقف واحد
هادي نصيحة أخت لأختها ونتي تعرفي للي يناسبك
حياتك و مستقبلك و كرامتك و شرفك خير من انسان ما يعرفش قيمتك
و ربي يوفقك أختي

[XicaWapa]

نقولك اخطيك منو
ولا خايفة تبوري ؟
شوف واحد اخر ، والله نحير في البنات نتاع اليوم ، تلقاها تهين نفسها و تحط من قيمتها على جال واش ؟ شقفة رجل خلاها السوري

تعلمو كيفاه تدللو و تتكبرو ، خليه يسلم على الارض لي تمشي فوقها ماشي نتي لي تجري وراه ، لانو الولاد نتاع الجزائر هادا ما يصلحلهم

انا لوكان جيت في بلاستك (مالغري عمري ولا حنكون في بلاستك) ما نقولوش خلاص ، هو لازم يفهمني واحدو بلاما نزيد نلمحلو ، وزيد يكوبي عليا ؟ هههه ونبعتلو ميساج ؟ في احلامهم ما نديرهاش

المهم
بالتوفيق ختي ، لكن الحل شوف حتى الموعد لي حددتي ، ولاكان ماكانش انسايه خلاص حتى يرجع يحاولك و يترجاك و زيد خشني راسك حتى تتأكدي بلي صح حاب يتزوج بيك

[lilou f lilou a]

كانو حاب لحلال نهار الاحد يرجعلك
وربي يسهلك

[نور اليقين جيداء]

غدوة الاحد و ربي يكون معاك
الله يسهلك فلحلال ان شاء الله