سحر

مشكلتي · 2012-06-20, 18:47

نحكيلكم واش صرالي لبارح، كنت ميتة بلعيا باسكو قضيت شي حوايج للدار او مشيت بزاف، ايا قلت نريح شوية في لاري دو بوس في الضليلة اومباعد نكمل طريقي، كي ريحت ما رديتش بالي الي كانت قاعدة قدامي، مي كي حطيت ساكي قاس شكارة تاع الخبز ديالها وبدات تقول كلام طايح، ما درتلهاش الشان راهي عجوزة أو معيوبة من كل جيه، مي باينة قلبها حجر، هكاك هكاك كانت تهدر معا روحها او معلابالي واش كانت تقول، امبعد قالتي يا بنتي عندك بزاف لي ساشي اعطيني واحدة نحط فيها الخبز، اعطيتلها ساشي أو مباعد رفت روحي او مشيت، مي واش نقوللكم طاح عليا واحد لعيا حتى وليت ما نقدر نهدر ولا نتنفس، او كي لحقت لدار طحت فراش او هادي جامي صراتلي،حتى فالليل ما قدرتش نرقد وحسيت روحي مقلقة، هادو يوماين وأنا تقول شي وش رافدة على ضهري، اومباعد دخلي الشك في ديك لمرا أو تفكرت يما الي تقولي جامي تمدي حاجتك لواحد ما تعرفيهش، دوك ما نعرف ل كانت دعات عليا ولا كاش ما دارت بالساشي لي عطيتهولها بصح راهي قاعدتلي في راسي وانا الا واحد شكيت فيه سيك كاين حاجة، مي راني عيانة او خايفة على روحي بزاف والله هاد الوقت ما كاش لا مان مع أنا لي نية كملت، قولولي برك واش ندير

nasser26 · 2012-06-20, 20:43

الله المستعان خليك من الأفكار هاذو

الوداع · 2012-06-20, 20:53

عليك بالرقية الشرعية وقراءة القرآن واستعيذي بالله كثيرا

منهاج · 2012-06-20, 21:38

السلام عليكم

استغفري الله واحسني الظن

اميرة باحتشامي · 2012-06-20, 23:39

ان بعض الظن اثم حبيبتي

اذا بغيتي تتاكدي حطي سورة البقرة واسمعيها بتركيز وشوفي واش يصرالك
وان شاء الله خير

وحتى اذا كاش ما كاين وكلي ربي ورقي روحك

ربي يقدر الخير

BAROUD · 2012-06-20, 23:46

كاين الناس اللي ما تخاف ربي يحبوا غير يادوا الناس هكذا عندهم قوسطوا يرتاحوا ك يصيبوا واحد

لكن كاين ربي

لحن الفرح · 2012-06-20, 23:51

يا اختي روحي للراقي يرقيلك

صُبح الأندلس · 2012-06-21, 08:46

لا أظن يا أختي ربما هي مجرد وساوس أصلا كنت تقولين أنك كنت تعبة للغاية قبل لقاء المرأة ، و ما أصابك من تعب بعد ذلك تحصيل حاصل للتعب الأول ، و أما السحر فلا يكون بصدقة تعطينها و هل جزاء الإحسان إلا الإحسان ؟ و مع ذلك أكثري من الاستماع لسورة البقرة فإن كان بك سحر رفعه الله عنك و إن لم يكن كذلك كسبت أجر الاستماع

saadi saif · 2012-06-21, 14:10

ان بعض الظن اثم ....... يا الخت راكي غير شكيتي وهذا الشك رايحا تتحاسبي عليه اذا تعبتي وسوستي اقراي على نفسك من سورة البقرة الي تقول بسم الله الرحمن الرحيم ( او كصيب من السماء فيه ..................) حتى توصلي لاخر الصفحة راها راحتلي الاية الي بعدها المهم اقراي ميمبا3 ايات او4 اذا ما ظهر والو وهي الي متأكد منها ريحي نفسك وربي يفرج على كل مسلم

النجمة القطبية · 2012-06-21, 15:21

دعك من هذه الوساوس اختى
هذا كيس فقط
انا كثيييرا ما اعطيت من اشيائى لما تزورنى ضيفة وتعجبها حاجة ممكن اهديها اياها ولما لا
وعمرى ما شكيت
اختى الشك والوسوسة امرها غير محمود توكلى على الله وكفى واللى يكتبو ربى مرحبا بيه
لو فكرنا بهذه الطريقة لن يتصدق بعد اليوم احد
ربى يوفقك

مستفانم · 2012-06-21, 16:07

يا أختي مجرد وسواس وتعب طبيعي

لوكان نديرو على هدرتك ستنقطع العلاقات بين الناس . لأننا يوميا نعامل أشخاص غرباء لا نعرفهم سواء في العمل أو في أي مكان .

لا حمام ولا كوافير ولا أي شيء خوفا من السحر

والعجايز الكبار ربي يحسن عونهم عقلهم ماشي ليهم والواحد كي يكبر يبدأ يخرف

إنسي الأمر الأفضل

ندرومة49 · 2012-06-22, 11:29

أختي الكريمة هذه وسوسة الشيطان ليوقع العداوة بين المؤمنين

أما عن السحر كيف تسحرك
هل اخذت منك شيئا لاصقا بك
كالشعر أو أظافر أو أنها أخذت لباسك.على سبيل المثال أو أخذت اسمك واسم والديك ووو

صدقيني مجرد وسوسة لا أكثر

عليك بالإغتسال والصلاة وقراءة القرآن والدعاء

ستكونين أحسن ممّا كنتي عليه سابقا

والله يحفظ إخواننا وأخواتنا من كل سوء

lilou f lilou a · 2012-06-22, 17:16

الله المستعان خليك من الأفكار هاذو

~~ أغيلاس ~~ · 2012-06-22, 18:10

حافظي على الصلاة في وقتها،،،،،،،،،،،،،،، ابتعدي عن سماء الغناء،،،،،،،،،،،،،،،،،،، عليك بأذكار الصباح و المساء،،،،،،،،،،،،،،،،،، شغلي القرآن أثناء قيامك بأعمال البيت .

إن قمت بهذا فدعك من الوساوس و لا داعي للخوف .

selma sosou · 2012-06-22, 23:49

اكثري من قراءة القرآن مع اذكارالصبا ح و المساء و حافظي على الصلاة