اريد حلول

[مشكلتي]

السلام عليكم ورحمة الله وبركاتهـ ..}

بسم الله الرحمان الرحيمـ

بعدما رايت العديد من اعضاء جربو هذه الخاصية ونفعت معهم في حل مشاكلهـم


قررت ان اجـرب

اليوم استقبلت اتصال من رقم جديد في جوالي فقط bib فعاودت الاتصال بالرقم فادا اسمع صوت بنت انا بدى لي كصوت بنت فسالت من فقالت انها انا من اتصلت الاول و هدا مند مدة لكني متاكد انها هي من اتصلت الاولى المهم بعد بضع كلمات قالت لي ان رقمي اخدته من فتاة من منطقتها التي لا تبعد عن بلديتي الا ببضع كلمترات وجدتها تعرف عني بعض الاشياء مثل عملي و سالت عن اسمي و نوع شهادتي الجامعية فاعطيتها المعلومات صحيحة فقط لاني تاكدت انها تعرفني من اعطائ اسم بلديتي الصحيح و مكان عمليثم سالت ان يوجد لدي صديقة وطلبت مني مصادقتها ثم لقائها وهدا تم في حوالي 12 دقيقة
وقالت لي انها اليوم هي ضيفة عند اقارب ولا تستطيع الكلام معي الا بضعة دقائق وطلبت مني ان اعيد الاتصال غدا
لكني احسست بعد قطع الاتصال اني كنت اكلم رجل ممكن يعرفني ادعى انه بنت و حول صوته الى صوت بنت واراد ان يسخر مني
انا خائف فقط اني دكرت معلوماتي الدقيقة اسمي ومكان عملي
انا خائف ادا ما اراد ان يعمل بي memo vocal اي تسجيل صوتي وينشره عبر النات او البلوتوث حتى يشهر بي

الكثير من يريد تشويه سمعتي
هل من حل لهدا المشكل . فالرقم عندي ومدا افعل حتى استبعد كل هدا الاشكال حتى اتجنب اي مشاكل


مدا افعل ارجوكم !!

[مريم الصابرة]

السلام عليكم خويا علاش راك توسوس في روحك حتى لو أعطيت معلوماتك وبواش رايح بشوه صمعتك إسمك او مكان عملك ما يفيدوه بوالو وزيد ممكن جدا تكون فتاةوبالاك كاش وحدة تحوس نعرفك تعرف معلومات عليك باه تنحي الشك روح لجيزي إدي الرقم وحاول تجيب منهم إسم صاحب الرقم ربي يكون معاك وما تتوسوسش ربي يسترك

[فارس الجزائري]

وعليكم السلام ورحمة الله تعالى وبركاته
دائما أحذر من إعطاء معلومات شخصية لأشخاص لا نعرفهم حتى الذين نعرفهم ومتأكدين من صدقهم وثقتهم لابد أن نكون حذرين في إعطاء خصوصياتنا لهم
المهم أرى أن لا تكلم الفتاة مادمت لاتعرفها وتقطع الاتصال معها مدام لاعلاقة سابقة معها بينكما ولا تهتم لأمر الانترنات فغالبا لا يحدث فلا تعير الأمر اهتمام
ثم انك ياخي رجل والمجتمع الحمد لله لا يؤخذ الرجال في تصرفاتهم مهما فعلوا(طبعا هذه مشكلة أخرى)

بالتوفيق إن شاء الله

[شهد حنان]

السلام عليكم
لا لا خويا مكان والو ان شاء الله
ممكن الفتاة حقيقة تريد التعرف عليك
زد على ذلك كيف سيشوه سمعتك هل باسمك ولقبك ومكان عملك

لا يا اخي دع عنك كل هذا واتكل على الله

[mina minouna]

واش بيك انت خايف واش درت واش يديرو باسمك و عملك بانتلي نورمال زيد انت راجل مكان حتى فائدة باش يديرولك كيما قلت ربي يهنيك

[دكتورة بإذن الله]

راك جامعي .و خدام معناها... راجل كبير

صح و لى لا ..طبعا صح

علاه خايف يشوهو سمعتك ؟!

طفلة و متخافش كيما هاك !!

علاه صوروك و رايحن يحطوك في الانترنيت ويقومو بتركيب صورك ..

هل انت تشتغل سمسار في البورصة كي يشوهون سمعتك و تنهار اسهمك !!؟

!! !!

المشاهير و ماخافوش كيما هاك !!

صراحة قرات رسالتك و تصفحتها من كل الجوانب لم افهم مصدر خوفك !!

و لو حللناها حسب علم النفس الجنائي

الجريمة فيها طرف ثالث هو الوسواس !!؟

لذلك انعل ابليس و خليك من الافكار هاذي رانا في 2012 على الابواب

ارجو تقبل ردي بصدر رحب ..

[الواثق]

ماشاء الله والله ردود................ لا ادري ............................اخي اعطيلي فائدو وحدة كي تعاود تكلمها ؟؟...............انت ناقصينك اصحاب ؟؟؟..................لا اظن ؟؟.................................هاذي مشكلة جاتك في 12 دقيقة انساها وربي كبير..................اي واحد يكلمك يقلك كلمني تعاودلو؟..............................اتقي الله اخي ربما كلنا معرضين للخطأ وماتجركش هادي الافعال الى افعال اخرى ....................وربي يهنيك ويفتح عليك .....................واعلم ان التلاعب وارد من طرف اشخاص تعرفهم ..............والله المستعان

["زينب"]

ما الذي يجعل الفتاة تخاف في موقف كهذا و يمنع هذا الشخص لا يخاف على سمعته
الإنسان اللي متربي تربية جيدة و أخلاقه عالية يخاف على نفسه من تشويه سمعته و سوء الظن به, و يظهرلي أخونا إنسان حساس جدا و تهمه صورته أمام الناس و يخاف على ما أعتقد أن يسخر منه زملاؤه لأنه تعامل بنية كبيرة مع المتصل و قالو كل شيء على نفسه

لذلك أخي أنصحك بألا تعاود الإتصال و لا تثق بأي إنسان لا تعرفه, و لا تخف فلن يحصل أي شيء مما تخاف منه و لو حاول شخص تشويه صورتك فأنت و أهلك و أصدقاؤك أدرى بما أنت عليه , فلن يغير أحد نظرته فيك

[khado586]

hhhhhhhhhhhhhhhhhhhhhhhhh dhahaktni rak khayaf!!!!!!!!!!!!!

[نجمة ساطعة]

هذا اسمه وسواس .... بنات و أولاد الجيران يعرفون عنك كل شيء.... و اذا كان منهم
من لا يخاف الله يستطعون فعل اي شيء .... لو استمعت الى الوسواس
تبدا ما نخرجش لو كان نخرج تصدمني سيارة ... ما نطلعش لو كان نطلع نطيح ....
هذه افكار شيطانية .... الحافظ ربي

[نورالهدى**]

بركانا من التوسويس نت صح فارغ شغل مالقيت فاش تخمم درتها مشكلة

راك راجل لبنات هما للي خافو نوغمالمون

[نرجس جود]

ولما الخوف لا لا هدا وسواس وزيد انت راجل يعني ميهزوكش بزاف

[nilly]

ولاو البنات رجال في وقنا نورمالموا هما لراح يخافوا من سمعتهن بصح ولاو رجال هما ليخافوا احسن منهن الله يهديهم
انت متخممش جع على هذا الامر ومتديروش في بالك بلي مشكل وبدل رقم نتاعك هكذا باه مراحش تتصل بك مرة ثانية واذ حبستك فطريق باه تتكلم معاك اخبر والديها مباشرة فهذه قليلة الحياء وبدون كرامة .

[جوهرة الغرب.]

ماتقلقش روحك خويا بزاف القلق راه يمرض ...هاذي حاجة بسيطة ماتستاهلش التخمام الكبير هاذا راك طلعت فيلم في دقيقة ...
انت راجل ماشاء الله تقدر تروح من الطاكسيفون وتعيط وتتأكد او خلي اختك او قريبتك تتحدث مع هذه الفتاة باه تتأكد وتريح
المهم ان شاء الله مكان والو
حفظك الله ورعاك

[عطور المعاني]

السلاااااااااااااااام عليكم
من صاحب النص فتاة ام ولد اظنه فتااااة انا على حسب قول صاحب هذا النص
اذاكان فتاة فمن حقها تخاف على نفسها لانها قدمت على نفسها تقرير
اما اذا كان ولد فلما الخوف الرجل يبقة رجل مهما كانت الاسباب