هل انا غبية

مشكلتي · 2012-08-29, 19:57

السلام عليكم اليوم سوف اسرد عليكم حكايتي التي اعتبرها ضربا من الغباء
ولد خالة امي شاب كامل المواصفاة يعني ما شاء الله قراية فهامة وزين وفوق هذا الشيء فحولة ما تصورهاش يعني تحطوه في الصحراء يقلبها جنة هذا شيء اكيد رح يخلي اي وحدة تحبو وتعجب بيه وهذا هو شيء لي صرا معايا الحمد لله حتى انا عطاني ربي الزين وكيما نتلقاو نحكي معاه وكانت بيناتنا نضرات اعجاب ونحكيو ونضحكو يعني يخلق جو بيناتنا انا فكرت بلي صح راني نعجبو وفرحت لهذا الشيء لانو يتعامل معايا كمعجب ويعاملني معاملة خاصة لكنني اكتشفت شيء صدمني الصراحة اكتشفت انو عندو حبيبتو من الجامعة وعندو بزاف وهو معاها وحتى افراد العائلة علابالهوم بيها الامني هذا الشيء صاحة السال المطروح اذا كان يحب حبيبتو لاه عاملني هذيك المعاملة اذا كنت انا عاجبتو وصديقتو هذي تعتبر خيانة بصراحة تسالات كثيرة حيرتني

المهم انا قررت باه نبدا صفحة جديدة ونتعامل معاه كيا واحد قريب يعني المعاملة السابقة خلصت لكن للاسف ماقدرتش كل ما نشوفو يدق قلبي ويحمر وجنتي وكل ما اسمع اسمو بحس بشعور اني لازم نشوفو ..................لذلك جاوبوني هل انا حقا غبية لهذا الحد ’؟؟؟؟؟؟؟؟

الواثق · 2012-08-29, 23:06

عذرا لكن بصراحة اكيد انت غبية في التصرف الاول و اكثر غباوة اذا اقدمت على التصرف الثاني.................هذا ليس احد من محارمك ولايجوز التكلم معه الا لحاجة وبوجود محرم وهذا هو شرع الله ووجب تطبيقه........................اما قضية اعجاب خليها في قلبك لو يعجب بك لتقدم لخطبك وانتهى الامر .............

فوالله لن ينفعك كلام او ضحك مع الاجانب بل سيضركي وانت الخاسرة الاكبر وحالتك اكبر دليل فمازلت في الطريق فتوبي الى الله وتوقفي عن كل علاقة باجنبي سواءا من الاقارب او غيره..............واتق الله فسيرزقك الزوج الصالح باذن الله الذي تقر به عينك

والله اعلم

mazola. · 2012-08-29, 23:13

أولا لا يحق لك أن تتهمي نفسك بالغباء لأنك لنفسك عليك حقا
ثانيا أظن أنه توجد نعمة لا يعلمها الكثير من الناس و هي النسيان انساي وخلاص
هو ربي يسهلو راهو باني حياتو و نتي راكي تسناي فيه
اخطيك حتى لو كان دير معاه رولاسيو صحيحة معرف الا تدية ولا نو بويسك فاللول و فاللوخر ما تدي غير مكتوبك
مالا متبريزيش قلبك

anna15 · 2012-08-29, 23:16

اقتباس:

المشاركة الأصلية كتبت بواسطة الواثق

عذرا لكن بصراحة اكيد انت غبية في التصرف الاول و اكثر غباوة اذا اقدمت على التصرف الثاني.................هذا ليس احد من محارمك ولايجوز التكلم معه الا لحاجة وبوجود محرم وهذا هو شرع الله ووجب تطبيقه........................اما قضية اعجاب خليها في قلبك لو يعجب بك لتقدم لخطبك وانتهى الامر .............

فوالله لن ينفعك كلام او ضحك مع الاجانب بل سيضركي وانت الخاسرة الاكبر وحالتك اكبر دليل فمازلت في الطريق فتوبي الى الله وتوقفي عن كل علاقة باجنبي سواءا من الاقارب او غيره..............واتق الله فسيرزقك الزوج الصالح باذن الله الذي تقر به عينك

والله اعلم

لن اضيف على كلام الاخ شيئ معه حق

abdel02 · 2012-08-29, 23:19

الغبية من صاحبته من ايام الجامعة
وربما سيتزوج غيرها وتتنتحر.

imene12 · 2012-08-29, 23:19

ماشي غبية بزاف ... شوية برك
هههه راني نضحك معاك برك حبيت نحيلك على خاطرك اختي... شوفي انتي انسيه و تعاملي معاه في حدود غير للضرورة
و ربي يرزقك الزوج الصالح

anna15 · 2012-08-29, 23:22

ما اتزيديش تحكي امعاه

**الفارسة الملثمة ** · 2012-08-30, 00:15

ولد خالك ....شوفي نقولك عادة ولاد لافامي ما يشقاش يدير فلم تركي باش يوصلك

العكس عارف بلي بنت العم و بنت الخال راح تفضلو على الغريب خاصة اذا كان مليح كيما راكي

تقولي ... يعني انسي

ثانيا تعرفي المشكل وين ؟؟ كي تكون ضايقة الحالة بوحدة تفسر اي شيء لصالحها
هذي حكاية يشوف ليا و نشوف ليه نظن هذي كانت تمشي في عام 1960 كي كان الواحد
باش يقول لوحدة صباح الخير يضرب خمس سنين

جاياتك نورمال في 2012 يشوفلك كون جيتي عاجبتو كون بعثلك ميساج ههههههه اقصد
كون قالط طول ما راح يحشم ما راح يخاف

و منه يا بنت الناس مدامك زينة روحي تزوجي على روحك راه السيد عايش حياتو انت ثاني عيشي حياتك

Golden Princess · 2012-08-30, 00:20

مهما يكن فهو احنبي عنك

الي يحب صح ياتي من الباب الواسع

ختي دعك منه ...و حاولي ان تتحاشيه كلما قابلته

halla sabrina · 2012-08-30, 00:30

السلام عليكم .

أنا أقول لكي لا تتهمي نفسكي بالغباء انما هي غلطة ارتكبتها يا أختي و أما عن المشكلة فحاولي أن تنسي كل مشاعركي السابقة نحو ولد خالتك لأنه ولاد العائلة يعرفوك

مليح بالاك يعاملوك بهاذيك الطريقة بلعاني ( أي عن قصد ) .

أنا نقولك حاجة أبداي صفحة جديدة و بالاكي تعامليه كيما المعاملة السابقة و أصلا في الشرع ممنوع التحدث معه الا في الضرورة و الأمور المهمة .

و شكرا

عميروش الحر · 2012-08-30, 01:19

المشكل في البنات اي واحد يحكي معاها ولا يضحك تعتبر انو معجب بها ...

انسيه وخلاص
والافضل ان تملئي قلبك بحب الله ثم ان كتب الله لكي وتزوجتي حبكي سيكون لزوجك

نرفين · 2012-08-30, 06:55

ما هذه الردود يا اعضاء
شوية شوية عليها
حبيبتي ما فعلته ليس غباء بل نزوة عابرة. فكل جواد وله كبوة.
حاولي ان تتحاشيه بالشوية'دوقا دوقا' لكي لا يحس بشيئ
وانصحك بتبديل طريقة التعامل معه ومع كل اقربائك الذين ليسوا من محارمك
اعانك الله ووفقك وسدد خطاك باذن الله

السي محمد · 2012-08-30, 11:08

ساع تنسايه

============

amina-alaa · 2012-08-30, 11:40

الانسان يتعلم من اخطائه
ليس كل من يضحكلك تضحكيلو
الناس في هدا الزمان دئاب
لازم ديري قدر لروحك باش
غيرك يديرك قدر

zalamite · 2012-08-30, 11:54

ا نعم الحب صعيب يقتل و من لم يمته يصيبه بالغباء ..المشكلة كيف تتخلصين من هدا الحب يتطلب منك مزيد من الحزم في فتل هدا الحب قبل ان يقتلك ..............