كيف تنظمون وقتكم اخبرونى لنستفدو

ريتال2 · 2018-09-17, 18:40

السلام عليكم
كيف دراسة عندكم هل وجدتو صعوبات ام لا بالنسبة لي نعم هههه هل بديتو جد وسهر ليالي وليالي بيضاء
هل نظتم نفسكم ووضعتو برنامج
درت هذا موضوع باه نستفدو من بعضنا ومن مخططاتنا وان شاء الله تضع في ميزان حسناتكم لا بخلو من فضلكم

*آية* · 2018-09-17, 18:46

أنا مازالني مشوشة راني نحاول نعدل روحي ولازم الأحد نبدا بتنظيم الروتين وساعات النوم سأفيدكم بها ان شاء الله

ضيوف وسنغادر · 2018-09-17, 18:48

والله انا مازال

راني نحاول نقرا مع العشية في اليوتوب

مي الوقت مازال راني نحوس

والدرووس تبدا تصعاب
والهم الكبير فلسفة تقولي مانيش عايشة

~عيون القلب~ · 2018-09-17, 19:00

لازلت اتأرجح هنا وهناك لم يهدأ بالي بعد واللي مخوفني اننا لم نشرع في دروس العلوم بعد ربي يكون معانا وخلاص

ريتال2 · 2018-09-17, 19:08

بالنسبة لي راني دايرة برنامج لكن مرانيش نخدم قلت من جمعة نبدا نطبق عليه
نبدا دراسة على 17 ونصف معناها نجي نريح نصلي نقرى قران نعاون نروح نطل بصح من بعد
قسمت وقتي اني نقرى حتى 12 ليلا معناها درت 3 ساعات نراجع واش قرينا صباح ومن بعد نبدا نقرى واش نقراة غدوة ان شاء الله فهمتو هذا شي معناها نزدوج بمواد اليوم وغدا ونشوف تحضير نظم كراسي من نكمل ندير مادة حفظ لي عندي غدوة نحفظها ونروح نرقد بخصوص صباحا من اكتوبر باذن الله نبدا نوض صباح نولي يوميا ندير ساعة اخيرة مرة تاريخ او جغرافيا وصباحا اسلامية
بخصوص الجمعة نحفظ ونحضر مواد الحفظ
والسبت مواد اللغات معناها انا انجليزية والفرنسية والاسبانية والعربية
وخميس مساءا ندير رياضيات ونريح
بخصوص استراحة مواقيت صلاة وعندي بين ساعتين ربع ساعة راحة وبين ساعة واخرى 5 دقائق
يارب ينجحنا فثقط عندي برنامج انا عجبني ان شاء الله يعجبكم وتطبقوهم من نلقى وقت رايحة نحطكم
ربي ينجحنا ويوفقنا يارب

عاشقة علم · 2018-09-17, 19:15

و الله انا لم اضع لنفسي برنامجا معينا لانني اشعرنفسي وكأننيمقيدة لذلك انا اتبع هذا البرنامج حاليا :

اراجع في المساء عند العودة للمنزل ما درسته في اليوم بأكمله مثلا :
درسنا اليوم : علوم , فيزياء و رياضيات
عند العودة للمنزل اراجع العلوم و الفيزياء و الرياضيات مع حل التمارين و القيام بواجبات المواد اذا كانت مطلوبة - لا اضع وقتا معينا لكل مادة -
و بالنسة لمواد الحفظ انا احفظ كل درس في يومه واذا لم استطع اتركه حتى عطلة نهاية الأسبوع
و بالنسبة لسهر فانا لا اسهر بعد فأنام عند الساعة 9 تقريبا

ندوشةة · 2018-09-17, 19:19

مازلت ما قدرتش نتألقم ملييح

لانو كنت نسهر بزااف فالصيف شغل روتيني تقلب و عقلي ما تقبلوش وليت نتعب بزااف مام كون نرقد بكري
دونك راح نولف روحي نوض بكري و نقرا لاالصباح خير و السهر ما نسهرش و ما ندير حتى نوي بلونش

بالنسبة لبرنامج المراجعة مزلت ما درتش لانو اصلا درنا غير درس واحد في كل المواد تشما ما عندي وش نراجع

ريتال2 · 2018-09-17, 19:35

شكرا لكم على تفاعل ان شاء الله كامل نطبقو برنامجنا ونجتهدو ونجيبو باك باذن الله

جوهرة الإيمان31 · 2018-09-17, 19:42

لم أضع برنامج اتقيد به بعد

و أظن أنني سأدرس عشوآئيآ يعني حسب الظروف
و الله أعلم

رنيم الرجاء · 2018-09-17, 20:01

مازلنا ما قرينا والووووووو و الله راهو ضميري يانب فيا

nr.houda · 2018-09-17, 23:42

حقيقة أنا بدأت بوتيرة منخفضة جد جدااا يعني أي درس درناه ندير عليه ملخص و في آخر أي وحدة راح ندير تمارييين
مزال معطاولناش إستعمال زمن رسمي كي يعطوهلنا ونشوف حصص الدعم راح ندير برنامج يومي و هو مادة علمية + مادة أدبية
وبالنسبة لمواد الحفظ سأتركها للويكاند و الصباح "نبدأ نوض بكري من منتصف أكتوبر" يعني كي يبدأ عدد الدروس يكبر
ربي يوفقنا جميعا^^