صنع الكريمة الطازجة الثقيلة منزليا من مطبخي

[lahna moka]

أولا سمحولي أخواتي على التأخير على بالكم بالظروف اللي مرّيت بيها
هاذي اليوم طريقة صنع الكريمة الطازجة الخاصة بالطبخ , جربتها في وصفات الحلو بصح ما جابتش نتيجة يعني بالاكو تجربوها في باناكوتا الهام هههههههه ما تخرجلكمش راني جربتها من قبل
أيّا بسم الله:

نصف لتر لبن _ ربع لتر حليب البقرة _ قطعة جبن (50غ) _ علبة ياغورت طبيعي



في كاسرونة ضعي الحليب+ اللبن

و خليها على النار حتى تغلي

من جهة حضري كسكاس فوق اناء و عليه قماش موسلين أو قطعة شاش

انزعيها و أتركيها دقيقتين ثم أضيفي لها ملعقة صغيرة عصير ليمون وأتركيها 5 دقائق و ستلاحظين تشكل تكتلات

صبي الخليط فوق القماش



و اجمعي جوانب القماش و علّقيه ساعة كاملة مع ترك اناء تحته

ستحصلين على هاذا

ضعيه في الخلاط و ضعي معه قطعة جبن (50غ) و كأس ياغورت طبيعي (سامحوني فالصورة كاين 2 قطع جبن و أنا استعملت واحدة فقط)



و اضربي للحصول على كريمة سائلة



ضعيها في علبة من الأحسن بلاستيك و ديريها فالثلاجة رايحة تزيد تحكم روحها.
هذه نفس الكريمة بصح درت فيها نصف علبة ياغورت طبيعي و جاتني عاقدة

درت بيها حساء الدجاج المكسيكي مممممممم
https://www.djelfa.info/vb/showthread.php?t=1542132
وهاذا ماء الحليب ما نرميهش ندير بيه بريوش تفضلو هنا
https://www.djelfa.info/vb/showthread.php?t=1542170

نتمنى تعجبكم و تجربوها
ملاحظة:
يمكن تستبدلي جبن القطع بجبن الريجيم يعطي لك نفس النتيجة و ينقص نسبة الملح فيها

دعوة صغيرة في ظهر الغيب تكفيني