السلام عليكم ورحمة الله وبركاته في لحقيقة ماكنتش دايرة في بالي نحط موضوع هنا لكن مين كنت ندير لعشاء تفكرت المنتدى الي تعلمت منو صوالح بزاف و أستفدت من وصفات العضوات و حراير لكوزينا أيا قلت مع نفسي نحط عشايا لربما يعجبكم و نولي عضو مفيد و مستفيد.. ماشي غير مستفيد برك
عشايا قوالب بادنجال
حبات بادنجال على حسب أفراد العائلة نقطعها بالطول على 2 و نخليها في لماء و الملح على الأقل 30د حتى تشرب الماء ثم نصفيها مع الماء جيدا هكا ما تشربناش الزيت بزاف
نسخن الزيت و نقليها حتى تتحمر و نحطيها على مناديل ورقية لتمتص الزيت
في هذه الأثناء نقلي البصل مع شوية ملح ثم نضيف اللحم المرحي وسنينات ثوم و التوابل
نجيب بلا اللي ندخلو للفرن و نحط فيه البادنجال بالإستعمال لفرشاة نخرط اللب نتع البادجال و ندير حفرة بلا ما ننزع اللب ( فهمتوني ولا لا) و نعمرو باللحم المرحي
في نفس المقلاة نخدم لاصوص طماطم ندير تقريبا كاس ماء و نذوب فية ملعقة كبيرة طماطم مع شوية ملح و فلفل أسود و نفرغ لاصوص في الجوانب و تزيين كيما تحبي و دخليه للفرن على الأقل 10د و شهية طيبة
في الأخير نقولكم اللي عجبها عشايا تدعيلي دعوة لخير و اللي ما عجبهاش .................................................. ....................تدعيلي دعوة لخير ثاني ههههه
( تقرير عن مشاركة سيئة )، و الموجودة أسفل كل مشاركة .
2016-11-15, 20:55
عشايا ليوم قوالب بادنجال
العرض الشجري