هل لديك مشاكل في الحياة؟عندي الحل

[ryyyma]

السلام عليكم أخوتي في الله
أحببت اليوم أن أشارككم همومكم
و أساعدكم في ايجاد حلول لها باذن الله
فلا تدعو أي شيء في قلوبكم
فنحن اخوة
و الاخوة نجدهم في وقت الضيق


في انتظار مشاركتكم
أستودعكم الله الذي لا تضيع و دائعه

[krimo40]

حـــــــــــــــــــــاب نتزوج او ملقيتش روحي

[ryyyma]

المشاركة الأصلية كتبت بواسطة krimo40

حـــــــــــــــــــــاب نتزوج او ملقيتش روحي

يا أخي خلي الوالدة تخيرهالك لأن الأم تبحث دائما على الأفضل لأبنائها
و أنت في هذا الوقت ما تصرفش كل أموالك
خلي شويا باش غير تصيبلك ما تقعدش تجري و تحوس على اللي يعاونك

[krimo40]

المشاركة الأصلية كتبت بواسطة ryyyma

يا أخي خلي الوالدة تخيرهالك لأن الأم تبحث دائما على الأفضل لأبنائها
و أنت في هذا الوقت ما تصرفش كل أموالك
خلي شويا باش غير تصيبلك ما تقعدش تجري و تحوس على اللي يعاونك

اولا الوالدة الله يرمها ثانيا كيما قتلك مني بالصح حاب ىنزوج مي مالقيتش روحي هذه حكايتي:
حبيت وحدة حب طاهر بمعنى الكلمة ومباعد خطبتها ودرت معاها الفاتحة بعد يوم من الفاتحة تراجعت بدون اي سبب
اي بدون ماتعطيني اي سبب الله اعلم واش كاين في راسها المهم لحد الساعة ما رميتش عليها الطلاق والأن راني حاب نتزوج مي عرفت وحدة عجبتني بزاف لكن مالقيتش روحي بمعنى الكلمة وليت نخاف بزاف معجب بيها بزاف بزاف اوخايف لا نتجرح مرة ثانية وللعلم هادي كانت معجبة بيا من خلال نظراتهاقبل مانخطب الأولى ومباعد كي خطبت نشوف فيها شوية تراجعت انا خايف كي روحلها ذرك تقولي وين كنت عليا بكري عميت عليا وذرك كي باعاتك الأولى شفتني
يعني صراحة هذا واش يقولي راسي والله صراحة وليت نخاف بزاف
ممكن تلقايلنا حل:confuse d::confuse d::confuse d:

[ryyyma]

المشاركة الأصلية كتبت بواسطة krimo40

اولا الوالدة الله يرمها ثانيا كيما قتلك مني بالصح حاب ىنزوج مي مالقيتش روحي هذه حكايتي:
حبيت وحدة حب طاهر بمعنى الكلمة ومباعد خطبتها ودرت معاها الفاتحة بعد يوم من الفاتحة تراجعت بدون اي سبب
اي بدون ماتعطيني اي سبب الله اعلم واش كاين في راسها المهم لحد الساعة ما رميتش عليها الطلاق والأن راني حاب نتزوج مي عرفت وحدة عجبتني بزاف لكن مالقيتش روحي بمعنى الكلمة وليت نخاف بزاف معجب بيها بزاف بزاف اوخايف لا نتجرح مرة ثانية وللعلم هادي كانت معجبة بيا من خلال نظراتهاقبل مانخطب الأولى ومباعد كي خطبت نشوف فيها شوية تراجعت انا خايف كي روحلها ذرك تقولي وين كنت عليا بكري عميت عليا وذرك كي باعاتك الأولى شفتني
يعني صراحة هذا واش يقولي راسي والله صراحة وليت نخاف بزاف
ممكن تلقايلنا حل:confuse d::confuse d::confuse d:

السلام عليكم
ربي يرحم الوالدة
يا أخي اللي بدلك بالفول بدلو بقشورو
اذا هي تراجعت فأنا مارايحاش نقولك طلقها و لكن استخر الله لأنه هو الذي يعلم الغيب و هو الذي سيبين لك الطريق الصحيح
و ما ديرش تخمام عيان في راسك
اذا عجباتك الثانية تقدم لخطبتها لكن بعد ان تصفي أمورك مع الاولى و أكثر من صلاة الاستخارة عسى الله يبين لك طريق الخير
و ربي يكملك ان شاء الله و ان شاء الله نسمعو خبر مفرح عليك عن قريب ان شاء الله
أختك ريمة

[krimo40]

المشاركة الأصلية كتبت بواسطة ryyyma

السلام عليكم
ربي يرحم الوالدة
يا أخي اللي بدلك بالفول بدلو بقشورو
اذا هي تراجعت فأنا مارايحاش نقولك طلقها و لكن استخر الله لأنه هو الذي يعلم الغيب و هو الذي سيبين لك الطريق الصحيح
و ما ديرش تخمام عيان في راسك
اذا عجباتك الثانية تقدم لخطبتها لكن بعد ان تصفي أمورك مع الاولى و أكثر من صلاة الاستخارة عسى الله يبين لك طريق الخير
و ربي يكملك ان شاء الله و ان شاء الله نسمعو خبر مفرح عليك عن قريب ان شاء الله
أختك ريمة

بـــــــــــــــــــــــــــــــــــارك الله فيك

[etoile filante]

الدنيا اذا ملت اليها -----------------مالت عنك
واذا ملت عنها --------------------مالت اليك

[cherazad]

انا متزوجة منذ 18 سنة..عمري 45 سنة و زوجي ايضا ..عندي بنت و ولدان ...اعمل داخل البيت و خارجه في اعمال الطرز و الخياطة و مربية للاطفال و اقدم دروس خصوصية في المساء بالاضافة الى الاعمال المنزلية الروتينية ...لكن صحتي بدات تتدهور الى الاسوء فعندما قررت ان اتوقف عن العمل لانني لم اعد استطيع التحمل..فاجابني بانه لن يعطيني مصاريف الاولاد ...و بانه لن يسرق من اجل تلبية حاجياتي انا و اولادي...
فهو لا يتحمل مسؤولياته و لا في شيء..عندي بنت و ولدان ..لا يكترث لامرهما و لا يسال عن حالي او حالهم...يعيش مثل العازب..و يهينني و لا يقدر ما افعله و اعمله سواء داخل او خارج البيت من اجله و لا من اجل اولاده...
يا ريت يا جماعة تقترحوا علي حلول ..عسى ان تنفع..مع علمي انه من المستحيل تغيير افكاره..لكن مع القليل من الامل..ادعو ربي بان يهديه...و يصبرني..ان شاء اللله...من فضلكم اقترحو حلول لهذا النوع من الرجال..

امي هي التي طلبت مني كتابة هذا الموضوع....رجاءاااااا .....من فضلكم اقترحو علينا حلولااااا

[ryyyma]

المشاركة الأصلية كتبت بواسطة cherazad

انا متزوجة منذ 18 سنة..عمري 45 سنة و زوجي ايضا ..عندي بنت و ولدان ...اعمل داخل البيت و خارجه في اعمال الطرز و الخياطة و مربية للاطفال و اقدم دروس خصوصية في المساء بالاضافة الى الاعمال المنزلية الروتينية ...لكن صحتي بدات تتدهور الى الاسوء فعندما قررت ان اتوقف عن العمل لانني لم اعد استطيع التحمل..فاجابني بانه لن يعطيني مصاريف الاولاد ...و بانه لن يسرق من اجل تلبية حاجياتي انا و اولادي...
فهو لا يتحمل مسؤولياته و لا في شيء..عندي بنت و ولدان ..لا يكترث لامرهما و لا يسال عن حالي او حالهم...يعيش مثل العازب..و يهينني و لا يقدر ما افعله و اعمله سواء داخل او خارج البيت من اجله و لا من اجل اولاده...
يا ريت يا جماعة تقترحوا علي حلول ..عسى ان تنفع..مع علمي انه من المستحيل تغيير افكاره..لكن مع القليل من الامل..ادعو ربي بان يهديه...و يصبرني..ان شاء اللله...من فضلكم اقترحو حلول لهذا النوع من الرجال..

امي هي التي طلبت مني كتابة هذا الموضوع....رجاءاااااا .....من فضلكم اقترحو علينا حلولااااا

السلام عليكم
أختي العزيزة (أتحدث الى الأم)
أشكرك على المجهودات التي بذلنها من أجل أولادك
و لكن هنا كانت الغلطة
لأنك أنت من عود زوجك على هذا
لو وضعته أمام الأمر الواقع منذ البداية
لما كان الأمر هكذا الان
و لكن لي فات فات
المهم
أنت لست مجبرة على أن تقتلي نفسك
لأن مسؤوليته أن يرعى شؤون البيت
و لتغيير الوضع
أقترح عليك أن تبداي خطوة بخطوة
حتى لا يحس بالتغيير
لا تعملي في الخارج بحكم أنك تتعبين كثيرا
و لكن حافضي على عملك في البيت لوقت ما
و ابدئي بطلب مصروف أولادك و مصروف البيت
ولكن مبالغ قليلة حتى لا يحس بهذا
و حاولي أن تكوني لطيفة قدر المستطاع
و تحكمي في أعصابك أيضا
لأن الرجال مثل الأطفال الصغار
فهم سريعوا الانفعال
كما حاولي أن تحدثيه في الأمر بطريقة يرتاح فيها
فلا تباشريه بالحديث مباشرة و لكن تحدثي بطريقة غير مباشرة
و حافضي على ابتسامتك و هدوءك
واصلي على هذا المنوال و قللي من أعمالك المتعبة
و اطلبي و لو القليل من المصروف
و لكن دائما بطريقة لا تجعله ينفعل
و الان أتحدث الى البنت
أختي الغالية
ساعدي أمك في تغيير طبائع والدك
حاولي التقرب منه
و الحديث معه في أمور المنزل و ما تحتاجونه
و لكن احرصي على الا تجعليه ينفعل



ان شاء الله أكون أفدتكم قليلا
و ربي يكون معاكم انشاء الله
و يهدي الزوج و الأب ان شاء الله
تحياتي
أختكم في الله
ريييمة

[عُضو مُحترم]

راني حاب نتزوج
بالصح ما عنديش الدراهمو ما عنديش السكنى
و مانيش خدام

و ما لقيتش اللي تقبل بيا ...هكذا

ايا شوفيلي حل؟؟؟

[ryyyma]

المشاركة الأصلية كتبت بواسطة *الفتى الصغير*

راني حاب نتزوج
بالصح ما عنديش الدراهمو ما عنديش السكنى
و مانيش خدام

و ما لقيتش اللي تقبل بيا ...هكذا

ايا شوفيلي حل؟؟؟

أنت صرالك كيما لي راح يحطب قبل ما يخطب
لي يحب يدبر أي حاجة في الدنيا لازم يخمملها مليح
يا أخي أخدم و دير راس مال أومبعد خمم تتزوج
ماشي تجيب بنت الناس و تحصل فيها
حوس على خدمو و ربي يسهل

[البتول 14]

كلنا لدينا مشاكل وحين يضيق صدرك بمتاعبك فلن يحملها عنك غيرك لذلك فاذا عضمت مصيبتك فاذهب الى المستشفى كابسط مثال ترى ان المك لاشيء بين الام الناس ووجعك حبة رمل بين اوجاع الاخرين وترى كم النعم التي فضلك الله بها عن كثير من الناس والمشاكل والعثرات سر وجود الانسان وسر تلذذه بالحياة وما من مصيبة دامت طيلة الحياة ولكن علينا بالصبر حتى تنتهي ونستعد لاستقبال غيرها
تقبلو مروري

[ryyyma]

المشاركة الأصلية كتبت بواسطة البتول 14

كلنا لدينا مشاكل وحين يضيق صدرك بمتاعبك فلن يحملها عنك غيرك لذلك فاذا عضمت مصيبتك فاذهب الى المستشفى كابسط مثال ترى ان المك لاشيء بين الام الناس ووجعك حبة رمل بين اوجاع الاخرين وترى كم النعم التي فضلك الله بها عن كثير من الناس والمشاكل والعثرات سر وجود الانسان وسر تلذذه بالحياة وما من مصيبة دامت طيلة الحياة ولكن علينا بالصبر حتى تنتهي ونستعد لاستقبال غيرها
تقبلو مروري

سلام أختي
شكرا على المرور الطيب
صدقت فيما قلت و لكن ربي يقولك أتسبب يا عبدي و أنا نعينك كما نقول في حياتنا اليومية
فيجب ايجاد حلول لمشاكلنا حتى يعم الفرح و الهناء في حياتنا
و شكرا أختي الغالية

[ryyyma]

هل لديكم مشاكل؟؟هيا بنا نساهم في حلها

[dream_2oo9]

بليس عندى مشكل فى الزواج
انا شاب خدام فى بلاصة مليحة والشهرية فور والحمدالله عندى سكنا مى المشكل نتاعى فى الزواج خطبت 4 بنات ومكتبش ربى صرات عندى عقدة من الخطبة ومعرفتش واش ندير مع العلم انو فى كل الشروط ليتتمناه البنت