ماذا افعل مع ابن اخي

[مشكلتي]

السلام عليكم و رحمة الله و بركاته
باسم الله الرحمان الرحيم
مابقاش في يدي حل غير ربي سبحانو و منبعدو انتوما ترددت شوي قبل ما نكتب لكن ماباليد حيلة
عندي خويا تزوج فالخارج و عاش تما العام اللي فات توفى ربي يرحمو هو و مرتو في حادث و ترك طفل في عمرو 15 سنة .
بدات حكايتي بعد ماتصدمتي في خويا اللي مات عندو 37 سنة .جبت ولدو هدا فالصيف اللي جاز يعيش عندي بسكو ماعندو وين يروح حاولت نفربو مني بكل الطرق عرفتو على عمامو "كاين الصغير قريب منو فالعمر " عرفتو على ولادي و ولاد صحابي و على الجيران بصح بلا فايدة واحد ماقدر يتقرب منو حتى ولادي محبوش يحكو معاه من تصرفاتو رغم اني نترجاهم
- عييت و انا معاه نبدلو صنعتو "اgارو في فمو ليل مع نار + مايصلي و مايقرى القران حتى رمضان بالسيف ما صامواا +حاولت نديه للجامع رفض حاولت نعلمو يصلي رفض مالقيتش الحل
- عييت و انا نقولو يا ولدي احكي بالعربية الدار مايفهموش عليك ماحبش
- في سبتمبر قالي راني راح نعرض صاحبتي تفعد معانا شوي اكيد رفضت قاللي مالا عطيني الدراهم نقعد معاها في فندق حتى ترجع ؟؟؟دهشت انا
-و اللي دفعني باه نكتب اليوم لاني بصراحة كنت متردد هو انو ولدي الصغير يحكيلو على الاسلام و على الاخلاق و على البلاد قالو و اسمحولي على الجملة هادي
ذكر عبارة غير لائقة
انا كي سمعتو قالك هكدا ماتمالكتش روحي و ضربتو و ذرك راه يهدد فيا انو كي يكمل 17 سنة يرجع و يطالبني بدراهم باباه و يسب الدار كامل و ماحبش يقرى هنا راه نهار طول و هو برى و انا وولادي عندنا فرد خدمة ذرك "نحوسو عليه و نحرسوه "
مالقيتش الحل يا خاوتي و الله نعاملوه كامل احسن من ولادنا و نحققولو رغباتو ونراعيو ضروفو بصح واش راح نعملو ؟؟راه 15 سنة و يشرب ؟؟ وقالي صاحبي اللبسة تاعو السودا ديما و شعرو و الحوايج هاذو اللي مدايرهم في رقبتو يسموهم حفضنا الله و اياكم "عبدة الشيطان "+زيد على هكا موشم
تكلمت مع الامام فالجامع قالي جيبهولي ديتو بالسيف الامام يحكي معاه و هو يديرلو "أووووووووف "
واش راح ندير و انا راجل كبير و ماقدرش عليه ؟
بارك الله فيكم و جازاكم الف خير على ماتقدمونه لكل محتاج