هادي طريقة مراجعتي

[بالقيم نرتقي]

السلام عليكم ورحمة الله تعالى وبركاته
انا حبيت نعطيكم الطريقة لي راح نراجع بيها وان شاء الله تعجبكم
نبداو بمادة الرياضيات ............الاساس بالنسبة ليا
انا في هذا الثلاثي ولاول مرة ما نواجهش صعوبة في الرياضيات لان الدروس في غاية البساطة راجعة غير بلعقل ودرك تفهمو
بالنسبة للدرس الاول نتاع حساب المثلثات من معادلات ومتراجحات ننصحكم اي معادلة ولا متراجحة استعملو فيها الدائرة المثلثية وراح تجاوبو صحيح باذنه تعالى
ومن بعد الجداء السلمي نظن انو ساهل
احفظو الطريقة لي نلقاو بيها معادلة دائرة ولي نلقاو بيها معادلة المستقيمات وما في غير ذلك من المعادلات
بعدها الاحتمالات لي ماهوش بالصعوبة لي كنت نتخيلو بيها
نحفظو كيفاش نحسبو الامل وووووو
المعالم في الفضاء هي نفس الحكاية في المعالم في المستوي غير بعض الاضافات



العلوم الطبيعية...........ما تستاهلش مراجعة ........المحور نتاع الجيولوجيا كنت نحسبو غير حفاظة ومبعد اكتشفت انو فهامة برك
اكيد راح تجينا على المتتالية الصخرية.......احفظو الترتيب الافقي للسحن والمستحاثات برك ومن بعد مشاكل البيئة يا حصراااااااااااه من لي عرفت الدنيا هادي وانا نقرا فيهم

الفيزياء يليقلها شوي تركيز برك وخلاصت الحكاية تفاعلات حمض اساس والاكسدة الارجاعية
جدول التقدم ساهل من بعدو نحفظو غير كيفاش نحسبو كمية المادة والتركيز........خاصة في وجود المعاملات الستوكيومترية
نجو للكيمياء العضوية لي انا صراحة لقيت فيها شوي صعوبة مي معليش نراجع ونردلكم الخبر
ودرك رانا في الظاهر الضوئية ساهلة


اجتماعيات
نصيحة مني التاريخ خذوه على انو قصة
لان الحرربين العالميتين الاولى والثانية كانت عبارة عن قصة وتتالي احداث...راح تستمتعو بيها
الجغرافيا على الاقاليم ومشاكل الاقاليم كيفكيف ماهيش حاجة بهاد الصعوبة
اي تفكرت في التاريخ احفظو المصطلحات والشخصيات لي ذكرناهم في الحربين


نجو للشريعة ...........بالنسبة ليا كاين دروس ياسر من السنة حتان العدد.............ديرو تلخيص وخوذو رؤوس اقلام برك خاصة في الاسباب ومعالجة المشاكل
بالنسبة للمقاصد الاحكام الوضعية ركزو معاهم خاصة اذا عطاولنا ايات ونستخرجو منهم الحكم


الفرونسي والانجليزية انا ثابت من لي عرفت روحي جامي راجعتهم بحكم ان المواضيع كيفكيف خاصة في مجال le texte argumentatif


الادب العربي نركز على دروس القواعد ونراجع الاعراب مليح
في القصائد نحفظ بعض الشعراء لي يكونو مشتركين في نفس النمط من القصائد




وفي الاخير نتمنا اني نكون ما طولتش عليكم
وان شاء الله نكون افدتكم ولو بالقليــــــــــــــــــــــــــــــــــــــل
ربي يوفقكم ويوفقنا
والرسمي هو العام الجاي
نتلاقاو في منتدى السنة الثالثة ثانوي باذنه تبارك وتعالى بعد الامتحانات


السلام عليكم

[البلبلة]

ماشاء الله

راكي موجدة روحك

طريقتك ساهلة عجبتني

ربي يوفقك ويوفقنا

ونتلاقاو في منتدى الثالثة ثانوي ان شاء الله

وادا حبيتي انضميلنا في الدردشة هنا في الثانية ثانوي

سلااااااااااام

[بالقيم نرتقي]

ميرسي اختي بلبلة ان شاء الله تفيدك هادي الطريقة
اني جيت للدردشة ...........مي لازملي ترحيب بش نشارك هههههههههههههه.........

[روعة الوجود]

السلام عليكم شكرا لك على الطريقة التي لاتختلف عن طريقتي كثيرا

بارك الله فيك

[azizovic]

شكرا اختي و ان شاء الله راح نعمل بيها مغسي ثانك يو.

[بالقيم نرتقي]

شكرا على المرور ووفقكم الله الى ما يحبه و يرضاه

[manal02]

طريقة عجبتني بزاف مشكورة

[بالقيم نرتقي]

العفو اختي منال وان شاء الله تخدمي بيها وتحققي واش راكي حابة

[الاميرة 23]

بارك الله فيك على الطرح الرااااااااااااااااااااااااااااااااااااااااااااااا اااائع

[smart web]

كلش ساهل عندك ^_^ هههههههه ... الله يبارك

نسأل الله أن يوفقنا في هذا الثلاثي

[بالقيم نرتقي]

المشاركة الأصلية كتبت بواسطة smart web

كلش ساهل عندك ^_^ هههههههه ... الله يبارك

نسأل الله أن يوفقنا في هذا الثلاثي

الحمد لله
قالك سهلها تسهل ولا وش قلت هههههههههههه
نورت الموضوع

[nihal036]

بارك الله فيك على الطرح الرااااااااااااااااااااااااااااااااااااااااااااااا اااائع تشبه لحد كبير طريقة مراجعتي

[scofild308]

merçiiiiiiiiiiiiiiii bcp tu ma aidééééééééééééééééé thnx

[بالقيم نرتقي]

المشاركة الأصلية كتبت بواسطة scofild308

merçiiiiiiiiiiiiiiii bcp tu ma aidééééééééééééééééé thnx

je suis là pour vous aider........et pour que vous m'aidiez aussi ........lol
ça me fait un grand plaisir

[بالقيم نرتقي]

المشاركة الأصلية كتبت بواسطة nihal036

بارك الله فيك على الطرح الرااااااااااااااااااااااااااااااااااااااااااااااا اااائع تشبه لحد كبير طريقة مراجعتي

وفيك بارك الله اختي نهال
بالتوفيق ان شاء الله
شكرا على المرور