قصتي مع اول ايآمي فيـ التانويهـ

[Asoun dz]

• 
  سلآمـ عليكمـ صبآحـ الخير
  نحكيلكـم اولـ ايآميـ معـ الثانويهـ [[بالتفصيل الممل ]]
  نضتـ علآ السابعهـ وعشره بالسيف لخطرش الليل مرقدتش مليح من فرط الحماس ........صليتـ ولبستـ حوايجيـ و خرجت من الدار الا 10
  الطريق أول مرة نفوت معاها , المهم لقيت التلاميذ يدخلو دخلت لقيت العساس متكرسي نفحتلي نكبر معاه القعدة
  المهم دخلت كي أليس في بلاد العجائب , نحسب روحي في جزء آخر من العالم , الوجوه أغلبها جديدة و " غريبة " صح دخلت رحت للاستشارة باش نسجل لقيتها خالية على عروشها خرجت للساحة وقفت في النص تع مارقة بلي راني هاملة .....حتى صونات الزاوجة باش نديرو العلم و انا أصلا السارية مشفتهاش نشوف الشعب يمشي للصفوف و انا واقفة كي الأطرش في الزفة حتى و أخيرا جاء الفرج لقيت وحدة نعرفها .... درنا العلم مبعد رحت وين يسجلو لقيت وحدة من مؤسستي القديمة طرت فرحا كي شفتها دخلنا للبيرو لقينا وحد السيد متفاتن مع النمل !!!!!!!!!!!شان معاه معركة طاحنة ولا حلقة من حلقات هزيم الرعد ...
  مرت الدعوة بسلام و رحت لكلاستي مع دخلت قعدت في الطابلة الاولى عند الباب مشفت حتى واحد حتى ناض وحد السيد بلحيته تحسب أبو مصعب الزرقاوي ...... ثم وين تأكدت بلي لم اعد في المتوسطة بعد الآن و أصبحت رسميا طآلبة في السنة الأولى ثآنويــ ; المهم كتبت استعمال الزمن مبعد ساعة و احنا قاعدين حتى جا استاذ الاعلام قعد يشكل علينا مبعد مجاش استاذ الأدب أمالا كرهـتـ و رحتـ للدآر