واش اديري كي خطيبك يتخاصم مع واحد من اهلو ؟

[imane1]

السلام عليكم ورحمة الله وبركاته

تقبل الله منا ومنكم وغفر لنا ولكم

عيدكم مبارك سعيد وينعاد عليك بالصحة والهنا ان شاء الله







في كل البيوت تحدث أنواع شتى من الخناق والخصام

أحيانا بين الاخوة انفسهم واحيانا اخرى بين ابن مع والده ..

(نبقاو في العائلة الصغيره دايما )



وحدة اللي تكون مخطوبة او حتى متزوجة

يجي خطيبها او زوجها يشكيلها ، مش من باب الشكوى لكن من باب الفضفضة

يضيق بيه الحال يولي يهدر على المشكل اللي صرا

البنت احيانا تميل لزوجها وتتعاطف معاه على حساب اهلو*** يغيضها يعني

وبالاك ادا كان متلا متخاصم مع خوه تقول ايه وماشي حق عليه

ونورمالمو ما يديرش هكداك ونورمالمو ما يقولش هكداك

وهدا حق الخير اللي درتو فيه وتقول كامل مش خوك و و و

وممبعد نشوف هاد التصرف / هل هو سليم أو لا ؟



واحيانا تكون كاينه ردود افعال افعال اخرى

وربما اعنف

يعني بالاك هي تتخد موقف من خوه وتولي مش مليحه معاه تاني



وادا كانو في دار عايله ومتزوجين

وتخاصم راجلها مع خوه

بالاك هي ومرت لوسها (سلفتها ) يتزاعفو تاني

(كل وحده يديها النيف على راجلها )




المهم الحكاية ومافيها اني راني حابه نسبر آرائكم

واش تكون ردة فعلك كي خطيبك ولا زوجك يتخاصم مع واحد من اهلو ويجي يشكيلك ؟


وليتفضل الرجال أيضا بمداخلاتهم التي ستثري الموضوع حتماً

[imane1]

سأبدأ بنفسي


انا كي يتخاصم مع واحد من اهلو ويحكيلي على المشكل

ونشوف بلي راهو مظلوم صح ..


أكتفي بالانصات (نسمع بعناية ) بحياد

لا أميل اليه على حساب أهله (لانهم اهلو اهلو حبيت ولا كرهت )

ولا اميل الى اهله على حسابه (لانه لا ينبغي ان يُظلم مرتين )




لان (لوكان نوقف معاه ضد اهلو )

غدوه ان شاء الله يروح الزعاف ويولي مليح مع اهلو

يتفكر كلامي ويقول اييييه فلانه زودتها شوية

تقول كانت حابه ادير بيني وبين خويا (مثلا)

والمشكل ماكانش يستهل , وخويا ماشي سيئ لهاذيك الدرجة

وننحط انا في موقف سخيف

وتولي عندي صورة وقحة

[دموع الحيــاة]

لو
تدخـــّلت

فللصـــّلح بينه وبين أيّ فردٍ من أفراد العائلة

و لو كانوا هم المخطؤون لا هو

لأنّ التدخـّل بالسلب سوف لن يضرّ أحداً إلاّ من تدخـّل بطبيعة الحال

خاصة الزوجة أو الخطيبة - من بعيد -

والخصام لن يدوم طويلاً بينهم

أحيانا يخاصم أبي أحد أعمامي
...
عندما أجد أحدهم في الطــّريق لا أكلــّمه لأنّ أبي لا يكلــّمه

ولكن أمــّي قالت لي بأنـّي مخطئة

وهم إخوة وهكذا أو هكذا سوف يرجعون كما كانوا في الأوّل
ولكن أنا لا دخل ليس في أي مشكلٍ كان..

وأمــّا هي فدوماً تذكــّره بالخير الذي كان منهم ...وحتى عندما يلجؤون إليه في أيّ أمرٍ وهو رافض
فهي من تقنعه بالقبول والإستجابة .