حكيايتي معها ؟؟؟ الى أين ؟؟؟

[العبقور]

السلام عليكم و رحمة الله تعلى و بركاته
اخواني في الله ارجو منكم النصيحة و الحل ربي يخليكم
قصتي : انا شاب ممتاز في دراستي عمري 16 سنة ، لكن و للأسف / لحسن االحظ : تعرفت على زميلة لي لم تكن مجرد زميلة ، أعجبت بها ،
تطور اعجابي و زاد يوما بعد يوم وصلت الى درجة الحب ، صرت اعشقها و احبها ، يجب ان اراها كل يوم صارت تسول و تجول في عقلي ، مع العلم انها احبتني و تحبني كثثثثثثثثثثثثيرا ،
لكني لم افهم هل اسستمر في علاقتي معها ؟؟؟؟؟ ام ماذا ؟؟؟؟؟؟
تجمع بيننا علاقة عاطفية ................
أرجو منكم ردا سسريعا ( حفظكم الله )

[أجمل الزهور]

السلام عليكم
أشكرك أخي على جرأتك
اسمحلي بإبداء رأيي في الموضوع الذي طرحته
أنت في سن المراهقة وكلنا مررنا بهذه المرحلة أنا لا أقول لك أنك خاطء في تصرفاتك
لأنني مثلك في ذلك الوقت حدث لي نفس الشيء
ولكن الحمد الله مرت تلك المرحة على خير
ربما تكون قصتك حقيقية من كلا الطرفين
أتمنى لها الدوام
ولكن بشرط أن تبني مستقبلك على الطريق السوي والصحيح
وبما يرضي الله
لأكيد راح تنجح وخوذها مني نصيح
كما يقولوا
سقسي مجرب ومتسقسيش طبيب
آسف إذا أطلت عليك الحديث
السلام على من اتبع الهدى.

[محب السلف الصالح]

أخي بارك الله فيك أقول لك دعك من هذا الحب الذي زينه الشيطان لكما وهذه علاقة محرمة وربما تصل إلى مالا يحمد عقباه

وستندم لذا أنصحك بأن تبتعد وتتوكل على الله لأنك ستتعب كثيرا يا أخي وقصتك لن تدوم يا أخي وأنا متأكد

لأنها بنيت على باطل إذن إتقي الله في نفسك وفي زميلتك

[العبقور]

شكررررا على نصائحكم اخواني

[العبقور]

أين البقية ، ارجو نصائحكم ؟؟؟

[MOMENE]

يااا للقدر انا طالب طب اخي لكن قبل عامين وضعت نفس الموضوع فكانت الاجابات انها فترة مراهقة ولم اكترث بهم وواصلت وفي الاخير ضهر لا حب لا والو تمسخير جبد روحك درك خير ما تطور العلاقة

[oumi82]

اخي العزيز انا نشوف يلا تحبها و تحبك صح انا ما نلقاش عيب في هذا الحب صدقني و الله الحب جميل خصوصا اذا كان غفيفا شرط ان لا تتخلوا عن بعضكم المهم اتمنى لكم دوام محبتكم هذه ...اختك في الله

[العبقور]

شكرررا لكم

[عبد النور مكي]

شريكي...واش راك حاب من هذي البنت و هي واش راهي حابة منك؟

من المفروض راك حاب الحلال صح؟
لكن بالنسبة ليك الحلال راه بعيد....و باش تكون علاقتك بيها حلال مالازمش تتعدى مجرد زمالة في المدرسة فقط..يعني بدون اي كلام عاطفي و بدون لقاء في خلوة .....لكن هذا الشيئ صعيب عليك لانك كيما تقول راك تحبها و تحبك و الفراق صعيب و كذا....

لكن سال رحك هذا السؤال....تحب هذا الشيئ يحدث مع اختك؟..يحبها واحد و تكون معاه في علاقة و الخ؟

بالطبع لا..اذا اذاكان صح تحبها مالازمش تعاملها بالوجه اللي انت ماتحبش تتعامل بيه اختك..احتارمها كيما تحب الآخرين يحتارمو اختك.....
شوف شريكي..ما نكذبكش و نقولك ماراكش تحبها او مجرد احساس عابر....يا اخي انت ادرى بنفسك....لكن الحب صعيب و الحلال لازمله صبر....انت في عمرك 16سنة..واش تقدر تعمل في هذا السن؟..لا شيئ..لازم تصبر و تصبر و تصبر و نوعدك بلي رايح تشوف ثمار الصبر تاعك لانك تركت شيئ لله و من ترك لله شيئا عوضه خيرا منه

واش نقولك ..راك حبيت النصيحة راني نصحتك نصيحة اخ لاخوه..عارف بلي صعيبة عليك لكن هي الحل الامثل لحالتك...

و ربي يخليلك حبيبتك و يجمعكم في الحلال و يصرف عنكم الحرام

ربي يسهل صاحبي

[العبقور]

شكررا لك يا عبد النور مكي ، راك اقنعتني ، مازلت صغير على روحي مانعرف واش راح يكون فالمستقبل ، درك نغير معامالاتي معاها ، نولو زملاء على درجة عالية من الزمالة و نحاول نبعد عليها و نصارحها بلي مازلنا صغار ، و ندعي ربي ماتفهمنيش غالط ......
نقولها : نحبك فالله .........

[عُضو مُحترم]

يااودي مازالك صغير

[Hind-bibi]

لازمك تخمم بعقلك ما تخممش بقلبك و لازمك تعرف باللي في هاد السن
لازم تحط قدام عينيك قرايتك و خلاص و ماكالاه تفسد على الطفلة
ادا راك صح تشتيها ماكالاه تخلي الناس يحكيوعليها

[العبقور]

شكرررا لكم ، لا أزال صغيرا ......

[ikoo]

اقتنعت بلي مازلت صغير ههههههه

مبروك الاقتناع .لعقوبة ليا

[طيب وابن حلال]

حبيبو الحب حاجة مليحة بصح في وقتوا خير انت الان مزلت صغير وراي مجرد مرحلة فقط تمر عليك وتفوت لا تترك المشاعر تقودك
كلنا مرينا بمثل هذه اللحظات عش خايتك وحاول لا تندم ابدا على اي شيء قد يعكرها............................................ ...
ان شاءلله العمر مازال لك طويل