يا خوتي باغي نولي في مدرسة مدير
نحكم في المعلمين و الخدامات
داير كوستيم كحل و زايد بلازير
و متن على صدري القفلات
ماشط شعري رطب حرير
هيد أند شولدر يدير المعجزات
كرافاطة كي يلزم صباط و تقاشير
الأثر الرجعي هبل الإطارات
في المكتب داير حذايا سكرتير
تهدر و تفهم جميع اللغوات
كي تضرب الكلافيي عينك تحير
تقول عظلم تابعته رعودات
نرفد كارني للقسم بيه نسير
نخطط فيه بيان الزيارات
نشجع واحد لاخر يدي تحذير
ما يعرفش طريقة المشروعات
كي السبع في الساحة نزهر زهير
يرجف العساس والطباخات
في لاكنتين نتفنن في التسيير
و ربي يعين على الفاتورات
ربي يخلف على أهل التدبير
دارو لي طريق في الإمتحانات
الطورو يسهل الفرنسيس و التعبير
و يشرح للجاهل الكفاءات
كي يبقص من بعيد يجي التبشير
و يشق بحر هايج و محيطات
باغي نسلك من السبورة و التحضير
باغي غير نتكسل على المخلوقات
خلوني ياخوتي غير نهار مدير
نجرب قعدة الكرسي والفوتايات
نعاهدكم ما نمركي غياب لا تأخير
ما نهدر ما نقول على المذكرات
جونتي قاعد على الكرسي الوثير
نحضر لكنكور التفتيشات
( تقرير عن مشاركة سيئة )، و الموجودة أسفل كل مشاركة .
2010-12-25, 08:09
باغي نولي مدير
العرض الشجري