بصراحة نخليكم انتم تخيرولو عنوان

[thorpe]

بسم الله الرحمان الرحيم

السلام عليكم ورحمة الله تعالى وبركاته

اخوتي اخواتي بصراحة قاعد نكتب فهاد الموضوع ومتردد قليلا ههههه خفت تقولو اني نشكي بزاف مع اني لا احب ان يعرف الناس مشاكلي وما نحبش نشكي ههه ما عليه انتم اخوتي نورمال وبالاك هذا ماشي غير المشكل نتاعي وحدي ربما يعاني منه الكثير هنا
شوفو يا خاوتي انا بصراحة عندي بزاف مواضيع وافكار في راسي وديما نحب نترجمها هنا باه نحكيو عليها لكن المشكل هو اني ما قدرتش و السبب هو خوفي من الكلام الزايد بصراحة ما نحبش الانتقاد بزاف
كيما راكم عارفين كاين بزاف اعضاء هنا ضهرو مؤخرا ونلتمس من ردودهم ومواضيعهم بعض التشدد كما اراه انا بمنظوري الخاص بصراحة لا ينطقن الا بالدين حتى صرت اخال نفسي كافرا بينهم والله العياذ بالله من الكفر
بصراحة انا نحب نتناقش نورمال نحب الراي والراي الاخر يعني الراي المخالف مقبول لكن فيه حدود مثلا تطرح موضوع تجي اخت فلانة او الاخ الفلاني ويبدا يلقمل فالهدرة ويقتبسلك كل موضوعك كلمة ورا كلمة ويحطها تحت المجهر ثم يخرج بنتيجة انو شخصيتك مثلا لعوبة او ما شابه بؤسلوبه الخاص
اخوتي بصراحة انا ارى انو فيه رياء كبير اذا كان الانسان يفعل هذا وكانو يقول انا هاكذا فيجب ان تكون مثلي وانا هو القدوة الحسنة بطريقة غير مباشرة تصل الفكرة لعقول الاعضاء مثلما ارادها الشخص الثاني
اخوتي ما تلومونيش على الكلمات المبعثرة لان افكاري مشوشة الان بصراحة لم اعرف ما افعل حيال هذا المشكل الذي يعترض طريقي هنا ومن الممكن انه يعترض الكثير من الافكار النيرة لذا الاعضاء
انا لا اقول ممنوع المعارضة لكن للانقاش اسلوب وقانون وادب فانا اطلب الى هاؤلاء الناس ان يراجعو او يغيرو طريقة معارضتهم والله ديفوا نحشم من رد اخت او اخ ولا اعرف صياغة الفكرة المراد ايصالها
هههههههه
يبدو اني اطلت الكلام فكما تعرفون احب الاختصار ولا احب المواضيع الطويلة وانا اسف اذا طولت عليكم اخوتي اخواتي المهم تكون المشاركة ونحلو هذا المشكل الذي اراه عقبة في طريق كل من اراد الكتابة بحرية واكرر ان للحرية حدود
سلاااااااام
اخوكم thorpe