ساعدوني ارجوكم

نورهام · 2010-04-29, 13:46

اخواتي الكريمات وانا اتصفح في احدى المنتديات وجدت هاته الخدادية واردت ان اعمل مثلها وتتبعت الخطوات الموضحة في الاسفل ولكني وصلت المرحلة الرابعة وتوقفت لاني لم افهم كيفية خياطتها رغم المحاولة المتكررة لهدا لجات لكن وارجوا من التي تتقن هدا النوع من الخياطة ان تساعدني واجرها على الله وشكرا لكن مسبقا وتقبل تحياتي

صغيرة · 2010-04-29, 14:21

باهية بصح للاسف لحقت مهاك ان شاء الله نلاقاو لي يعاون كامل يحبو يعاونوا

ام رحوقة · 2010-04-29, 18:09

مافهمتش طريقة عملها؟؟؟

صمت الجزائر · 2010-05-01, 07:55

صباح الخير..وبارك الله فيك...صبري عليا شوية ..راني فهمتهم...ذرك نجرب...ولكن اعطيني وقت...

نورهام · 2010-05-01, 10:33

بارك الله فيك وراني نستنى وشكرا جزيلا لانك ردتي علي

صمت الجزائر · 2010-05-02, 15:47

مساء الخير يا نور هان .....طلبتي مني المساعدة ....وجهتيلي نداء...وها انا هنا....
الصورة ديال المخدة

1_قطعي الكتان مربعات ...تقريبا 16 سم على 16 سم.....
2_ حدي من كل حافة 1سم
3_اطوي المربع على شكل مثلث حتى تتقابل القنوت وحدي ...ثم خالفي وعملي نفس الشئ مع باقي القنوت.....وهذه العملية باش تحددي الوسط...ثم لاقي الرؤوس في الوسط مع استعمال غرز بالابرة والخيط للتثبيت
4_رجعي حدي من جديد المربع....اوانه يشبه الرسالة...
5_اقلبي المربع من الناحية الاخرى....وحطيه على طاولة..ثم طوي الرؤوس....
6_ثبتيهم بالابرة والخيط
الصورة اللي بعدها

7_حدي المربع....ثم خيطي كل اثنين مع بعض...بدون ما تبيني الخياطة...ولك هذه الطريقة اللي تخيطي بيها

وكانكي حاكمة 2مربعات وتخيطي بهاذا الشكل

8_بعد ما تكملي كل المربعات.....فوتي بالحداد....وحديهم...
9_عبري مربعات صغار من لون اخر على حساب المربعات اللي عندك...وحطي فوق المربع
10_بدي تفتحي في العيون على المربعات اللي وضعتيهم من لون اخر...وثبتي بالدبوس
11_ثبتي العيون على الكتان اللي من لون اخر بالابرة والخيط...
12_حتى اللي تكملي الكل بهذه الطريقة
13_كي تكملي الكل ...غلفي الجهة الاخرى كما هو موضح في الصورة....

وبالتوفيق ...واذا ما فهمتيش راني هنا...........

nejoude · 2010-05-02, 18:06

شكرا صمت الجزائر على التوصيح بارك الله فيك

نورهام · 2010-07-02, 08:26

اختي صمت الجزائر الف شكر والف اعتدار انا جد محرجة منك لاني لم اشكركي علي الشرح الوافي والكافي لاني كنت متخيلة ان شرح
الخدادية سيكون في موضوع جديد واقسم بالله اني كلما اجد شيا فيه اسمك ادخله ضن مني ااني ساجد الشرح وبلامس فقط اردت ان اكرر طلبي
طلبي فرجعت للموضوع كي اخد الصور وانزلها من جديد لان صوره الخدادية لم تعد موجودة في الحاسوب لان كما تعلمين عند اصلاحه يروح كل الي حملناه
يروح كل الي حطيناه في الفاvوري وفرحت واخجلت من نفسي كثيرا ولهد لاني حشمانا منك ونتمني تسامحيني وشرحك راهو مفهوم وراني حالت
وراني اخدمت في كتانا اصغيرة و عاونتني طريقتك في الشرح راهي امليحة ومفهومة ولكن الله غالب ما نعرفش من البورطابل للميكرو
راهي بنتي هي اللي تعرف في الحوايج هادو وان انشالله كي تكون اهنا ضرك طحطهوم وتتقبلي اعتداري وسلامي وراهو مولة الخير
ادواه الخير وربي يعطيكي قي صحتك ويباركلك قي عمرك و يصلحلك في اولادك آمين يا رب العالمين

أريج الأمل · 2010-07-02, 10:05

روعه ما شاء الله

ليساء11 · 2010-07-02, 10:30

روعه ما شاء الله تسلمي

mano2 · 2010-07-02, 11:40

شكرا صمت الجزائر دائما في الخدمة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري