مشكل في مجتمعنا ما الحل برأيك

[دمعة على خد الزمن]

السلام عليكم ورحمة الله وبركاته أنا جالسة نستمتع بمواضيع المنتدى جاني موضوع شاغلني كثير وهو في الحقيقة موضوع أو سؤال معرفتش واش نسميه المهم:
كل ما في الامر انو في السنوات الأخيرة إنتشرت ظاهرة ضرب الكنة للعجوز والزوج واقف يعني المرأة تضرب عجوزها وولدها يشوف أو حتى ولو هو ماشي في البيت كي يرجع تحكيلوا الأم يعطي الحق لزوجتو وهذه صرات عندنا ماشي في بيتنا والحمد الله بصح في المنطقة لنسكن فيها وحتى نسمع بلي راهي منتشرة في الجزائر كل.

سؤالي هو
1-واش رأيك في الرجل لي زوجتو تضرب أمو قدام ويعطيها الحق؟

2- واش رايك في هذه المرأة لي ضربت عجوزها ؟

واش هو الحل في رايك؟
متقوليش تسكن الكنة وحدها لأنو أمو مولداتوش باش يسمح فيها