○=كلمة _☺😀_=○

[*آمنة*]

هذا لعام نسميه عام الفرص
كل مرة تجيني فرصة بصح منستغلهاش كاامل
لازم هذي لمرة ندير انجاز .هذي لفرصة لازم نستغلها..و زيد كاينة لعتبة
يعني مناش رايحين نتعبوا بزاااف ..
لازم نديروا اليد في ليد يرجع نشاط لهذا المنتدى .. ونرجعوا نقراو كيما قبل
مكلاه نضغطوا على روحانا لانو راهي باينة الباك ماشي في 7 جوان
نتاحدوا كامل مع بعض 🤗🤗... اليد في ليد نجيبوا لباك
والله انتم عائلتي ثانية ومنحبش نبخل عليكم بأي حاجة لازم نهار الريزيرطا نكونوا كامل ناجحين
وفي الاخير نقلكم تذكروا دائما

#أهم_أمتار_المراتون_الأمتار _الاخيرة

موفقون دائما ..🌹⚘

[القط اللطيف]

انا هنا للمساعدة بلي نعرف و بالتوفيق لك .ياريت نفتحوا مواضيع خاص بملخصات كل وحدات لكل مادة خاصة بالمنتدى ربما تكون عونا لنا وللناس لي جاية بعد فما رئيكم

[اسماء تيارت]

والله* إن شاء الله* امونة حتى انا حسيت* بتانيب الضمير.
ملازمش نفشلوا مبقاش بزاف صح كرهنا من هاذوا الإشاعات* والحل كيما قال ميدو نقراو* المشكل ماشي الباك في جوان ولا سبتمبر.
لازم نرجعوا للريتم الأول* قاع وكان الباك في سبتمبر* هاذي في صالحنا.
لازم نكافحوا نجاهدوا باه نوصلوا* لواش حابين وهذا ماشي بالساهل ماشي رقاد ولعب* وندعو في ربي باه نجيبوا المونسيون.
لازم نتوكلوا على ربي ونخدموا ونتعبوا حتى نوصلوا لهذاك النهار لي نقولوا فيه ماراحش تعبنا في الباطل.
هيا جماعة لازم قاع نفطنوا والدينا راهم يقارعوا للفرحة الكبيرة إن شاء الله. 😇😇😇🤗

[HANAN 04]

ربي يوفقكم نشا لله و تجيبو الباك نتاعكم ونفرحو بيكم
وهاد النهار مشي بعيد ونتوما تقدروو

[Lasmaa Ya]

المشاركة الأصلية كتبت بواسطة اسماء تيارت

والله* إن شاء الله* امونة حتى انا حسيت* بتانيب الضمير.
ملازمش نفشلوا مبقاش بزاف صح كرهنا من هاذوا الإشاعات* والحل كيما قال ميدو نقراو* المشكل ماشي الباك في جوان ولا سبتمبر.
لازم نرجعوا للريتم الأول* قاع وكان الباك في سبتمبر* هاذي في صالحنا.
لازم نكافحوا نجاهدوا باه نوصلوا* لواش حابين وهذا ماشي بالساهل ماشي رقاد ولعب* وندعو في ربي باه نجيبوا المونسيون.
لازم نتوكلوا على ربي ونخدموا ونتعبوا حتى نوصلوا لهذاك النهار لي نقولوا فيه ماراحش تعبنا في الباطل.
هيا جماعة لازم قاع نفطنوا والدينا راهم يقارعوا للفرحة الكبيرة إن شاء الله. 😇😇😇🤗

ايه حاجة باينة
وباه نرفعوا الريتم مالازمش نستناو الباك نخليوه هو لي يستنانا
وباه ما نثبطوش معنويات بعض ما نكتبوش التعليقات السلبية
كيما اليوم عندي 5 ايام ما مسيت الكراس وما الى ذلك ( عرفتو رواحكم )
و مرة على مرة نحلوا تمارين مع بعض
وان شاء الله نجيبوه

[اللهم ارزقني عفةمريم]

هاهي رجعة امونة لتبعث النشاط والروح لهذا المنتدى لازم نتعاونو ونوضو من جديد نخدم على اساس لباك في اي لحظة ونحضرو رواحنا مللليح عندنا فرصة كبيرة لازم نستغلوها

[karlita]

صديقتي امنة الجميع يشهد انكي من تبعثين روح النشاط في المنتدى شكرا
و عندك الحق صح انا لفترة لي فاتت كنت مادية الباك تمسخيرة شغل مكانش جدية مي لازم كلش يتبدل يرجع كيما كان في بداية العام

و كي ا قالت الاخت لازم نحاولة ننشرو غي الايجابية فيما بيناتنا قادر نتا تعود تقرا 3 سوايع فالنهار لي هيا بالنسبة ليك قليلة تقول منيش نقرا وو و الاخر لي يقرا تعليقك قادر يتثبط بيك و يهبطلو المورال

[اسماء تيارت]

المشاركة الأصلية كتبت بواسطة minlasma

ايه حاجة باينة
وباه نرفعوا الريتم مالازمش نستناو الباك نخليوه هو لي يستنانا
وباه ما نثبطوش معنويات بعض ما نكتبوش التعليقات السلبية
كيما اليوم عندي 5 ايام ما مسيت الكراس وما الى ذلك ( عرفتو رواحكم )
و مرة على مرة نحلوا تمارين مع بعض
وان شاء الله نجيبوه

😅😅😅
إن شاء الله

[وسام سومة]

والله عندك حق فرصة لا تعوض اما انا والله معرفت روحي نبكي ولا نضحك راهم شهرين كونجي معقلت على روحي درت فيهم ولا انجاز من غير حفظ مصطلحات وشخصيات التاريخ واكمال الوحدة 1 والوحدة 2تاريخ ولكن لاحياة لمن تنادي لازملي نعاودها ملول باسكو نسيت بزااف صوالح توحشت حيويتي في بداية السنة كنت نقرا بلامانحبس كنت نتحمس للقراية لكن يا اسفا
تقريبا كلش كنت حافظاته من البدية مي والله كلش نسيته
الرياضيات كنت فاهمة غير مجال واحد برك لي هو الاعداد المركبة زعما جبت قاع استاذي تاع لي كور لدار وفهمني فهمتهم مليح مي مين ذاك المماطلة وتضياع الوقت في الفيس بوك والانستغرام و وخاصة اخبار الباك في سبتمبر ماجل والكذوب كامل و....... حسيت روحي ضعت بزاااف
دك راني نحاول نستدرك كلش من جديد ونعاود كلش من جديد وان شاء الله البداية من اليوم وروح مكاش مماطلة وتلاهي وقسرة رايحة نتوكل لى ربي ونبدا

[*آمنة*]

موفقون جميعا
نحن لها بإذن اللــــه
++++
اما بخصوص الحفظ اختي وسام
صح تحسي روحك نسيتي بصح غير تعاوديهم مرة برك
رايحة تذكريهم بسرعة
موفقة غاليتي