اقتباس:
المشاركة الأصلية كتبت بواسطة انفال19
اشرب دوليبران وروح ارقد دوك ترتاح وربي يشفيك انشاء الله
|
شكرا لك ، بارك الله فيك ، ربي يوفقك
اقتباس:
المشاركة الأصلية كتبت بواسطة mimi manoula
santé vie تزانة هايلة اناجربتها اشربها مع العسل و ارقد ريح و ربي يشافيك
|
سابحث عنا في الصيدلية ،. ربي يجازيك و يوفقك غدا ان شاء الله ، شكرا جزيلا
اقتباس:
المشاركة الأصلية كتبت بواسطة hou da lar
شرب براسيتامول و تيزان تاع رينزا و رقد
الله يجيب الشيفا
|
سأبحث عنا اتمنى ان اجدها ، الكثير منكم تحدث عنها ، جزاك الله كل خير ربي يوفقك غدوا
اقتباس:
المشاركة الأصلية كتبت بواسطة asma.19
فيض الحليب ودير معاه زنجبيل وعسل وشربه ساخن و روح ارتاح ربي يشافيك
|
شكرا جزيلا ساحاول شربه ليلا عله يخفف ، جزاك الله خيرا ووفقك في الاجابة ان شاء الله
اقتباس:
المشاركة الأصلية كتبت بواسطة ندوشةة
انا منعرفش فالدواوات لكن نصيحة روح ترقد خير على الاقل تحافظ على تركييزك غدا احسن من عدم النوم
شكرا لك ، الارق منعني ، ربي يوفقك اختي ، و سدد اجاباتك ان شاء الله
و حاول تشرب العسل وواش قالو لخاوة لفووق
ساحاول جزاك الله كل خير ، ووفقك
ربي يشفييك ان شاء الله ^^
|
آمين يا رب ، ربي وفقك ان شاء الله
اقتباس:
المشاركة الأصلية كتبت بواسطة اسماء عاشقة فلسطين
شوف خويا انا معندي منزيدلك على واض قالو المشتركين الله يبارك عليهم ربي يوفقهم راح نفيدك بدعاء فالصلاة و ربي يجيبلك الشفاء
|
جزاهم الله كل خير ، بارك الله فيك اختي ، وفقك الله غدا ان شاء الله
اقتباس:
المشاركة الأصلية كتبت بواسطة ~عيون القلب~
انا الزكام لي يجيني يا لطيييف حاد بزااف الله يبعد عليكم
بصح نشرب حبة نتاع رومافد ونرقد عليها 4 ولا 5 سوايع ونوض نلقى روحي الحمد لله لباس عليا ننصحك بيه بصح لازم ترقد كي تشربو متبقاش نايض متقولش عندي بااك المهم تبرا وتفوت ونتا مرتاح
اللهم اشفه انت الشافي لا شفاء الا شفاؤك شفاء لا يغادر سقما |
ربي يعافيك ، لم اسمع بها من قبل ، ساحاول البحث عنها ، و افعل مثلك ، شكرا جزيلا لك ، ربي يوفقك و يسدد اجاباتك ان شاء الله
اقتباس:
المشاركة الأصلية كتبت بواسطة ~ قدس ~
انا كنت من يومين مريضة قراجم ولاقريب حتى قالي خويا كولي دولبران 1 غراام مرتين في نهاار ولا زادتلك الحالة كولي اموكسسيلين ..
الووغ انت كول ذرك دوليبران ميل ولعشية دولبراان مييل .. وربي يجيب الشفاء ان شاء الله ..
|
الحمد لله على سلامتك قدس ، اموكسيلين عندي ليه حساسية ، ساشرب دوليبران عله يخفف قليل ، ربي يوفقك ان شاء الله و ينجحك بمعدل عالي
اقتباس:
المشاركة الأصلية كتبت بواسطة rowaida18
|
جزاك الله كل خير ، سدد الله اجاباتك غدا و يسر لك الامتحان
اقتباس:
المشاركة الأصلية كتبت بواسطة ضيوف وسنغادر
ربي يشفيك ويعافيك
ربي يكون في عونك
آمين يا رب ،. ربي يوفقك اختي غدا
|
اقتباس:
المشاركة الأصلية كتبت بواسطة ** اريج الصبح **
ربي يشافيك يا اخ وجعني قلبي عليك
سبحان الله هذا وين شت حاجة جديدة فالنت و جربتها
بسم الله على بركة الله
راهي كلشي طبيعي 100â„…
شوف خلط مغرف عسل حر مع معرف قرفة و اشربهم على الريق باءن الله تقضيلك على لاقريب ولعيا و تزيدلك الطاقة و حتى الا كانوا عندك مشاكل هضمية م الستراس ح تفيدك باذن الله
و الا حبيت ترقد اشرب كاس حايب بالق فة و حليه بشوية عسل مص ساعة قبل ما ترقد و ان شاء الله تفيدم و تعاونك
تحب تزيد تتاكد فالنت زيد احسن كي تشوف الفوائد تع هذا الخليط كاشما يطلعلك المورال
ربي يشافيك و يوفقك ايها المحارب و كاااامل المحاربين
|
بما انك قلتي على الريق ، ساشربها غدا ، متاكد تمنحني الطاقة ، بماان فيها عسل ،. شكرا جزيلا لك يا محاربة ، ربي يوفقك و يسدد اجاباتك ، و الله ردودكم طلعتلي لمورال ، انا قلت خلاص راح التكيز و زيد منيش نرقد قلت خلاااص ،. ربي ينجحكم و يوفقكم يا محاربين ، و الله رسمت الابتسامة على وجهي جزااكم الله كل خير
اقتباس:
المشاركة الأصلية كتبت بواسطة ياسين
شوف اخي مادامك عيااان و مرقدتيش منذ يومين روح ارقد و تغطا مليح لازم تعرق مليح لازم تولي تقطر هه ومبعد كي تنوض اعطيها بدوش ملييح
وادعيلي ههههه ضربة ضربة
ربي يوفقك غدا ان شاء الله
|
هه ساحاول ذلك ، يقولوا انه تلامة على الشفاء ، جزاك الله كل خير اخي ، سدد خطاك
اقتباس:
المشاركة الأصلية كتبت بواسطة nr.houda
انا كي نكون مريضة بن la grippe* نشرب وحد الحاجة تذوب في الماء نورمالمو يقولو لها رينزا تنباع* في la pharmacie وزيد اشرب doliprane نورمالمو تريح*
واذا منفعش سقسي الصيدلي يعطيك دواء فعال
الله يشافيك*
موفق
|
رينزا ، قلت عليها بزااف ، بإذن الله ساحاول البحث عنها ، ربي يجازيك و يوفقك غدا في الامتحان يا محاربة
اقتباس:
المشاركة الأصلية كتبت بواسطة toulay
وعليكم السلام ورحمة الله وبركاته
دير تيزانة وفي نصها upsa هاذيك لتغلي واشربها واخبطها برقدة تنوض لباس عليك ان شاء الله
ربي يجعلك الشفاء
بالتوفيق
|
شكرا استاذة ، ربي يجازيك ، بارك الله فيك
( تقرير عن مشاركة سيئة )، و الموجودة أسفل كل مشاركة .
2019-06-15, 10:45
انصحوني ، ماذا افعل 😥
،. سااعدوونيي 
العرض المتطور
