أريييييييد التغير

[مشكلتي]

السلام عليكم
أنا فتاة عمري 22سنة ادرس بجامعة تحصلت على معدل ممتاز جعلني ادرس التخصص الذي أحلم به ،قصتي تبدأ هنا مرحلة جامعة أنا تغيرت وتغيرت فيا أشياء كثيرة معلباليش علاش مثلا نبدا بهتمام لمظهري في سابق كنت يعني ميهمني حتى واحد لا يشوفني شابة ماشي شابة نلبس لاكلاص ولالا ماعلباليش بلبنات لي يلبسو مليح ولالاا ماهو هامني حتى شخص لان وضع تغير وليت ديما نتبع في موضة وديما نشري لبسة ونزين رووحي ونقارن روحي معاهم ولازم نكون انا طالعة توب يعني امر أخر لي تعلق بجنس اخر جامي كانت عندي علاقة بيهم ميغرني والوو اصلا منحاولش نال اعجابهم الى انو تغيرت وليت نحب نلبس باش يولي عندي معحبين ووو وليت نسمع اغاني ملقري كنت جامي نسمعهم دراستي وليت غير نسقد قس منطلع عام برك يعني راحلي شغفي وطموحي وهذا اكثر شيء قاهرلي قلبي لان انا جامي كنت هاك هذا تغيير هلكني أنا مش هاك وجامي كنت هاك وكيفاه وليت هاك ،مشكل كي نعول قاع نسقم نقول صاي نكون صارمة مع روحي يوم يومين نرجع نفس عقلية وكسل وفيس وتضياع الوقت مليت من وضعي حابة نرجع لواش كنت عليه حابة نرجع صارمة مع نفسي ،رجاءً ساعدني ان مرت عليكم في فترة من حياتكم كهذه كيف تصرفتم .

[محارب الحمق]

من المعروف أنه مع كل ذنب يرتكب يضعف الايمان ويقود الى ذنب اخر وهكذا. يبدوا أن كل تفكيرك مادي دنيوي بحت....وما أنت فيه مجرد تحصيل حاصل. كنت مفرطة في مظهرك ولباسك وبعيدة عن الجنس الاخر لا لشيء الا لأن أمرا دنيويا أهم كان يشغلك وبعد أن حصلت على ما تريدين تاقت نفسك الى قطف الثمار الدنيوية التي فرطت فيها من قبل. 22 سنة أكي تاع زواج حاجة باينة باللي الحالة اللي كنت فيها موش طبيعية ومجرد تضحية دنيوية لأجر أمر دنيوي أعظم. أين الله وشرعه في المعادلة؟ أنت أدرى بحالك

[دُرَّةُ الكَوْن]

اختي المحيط ايضا له دور كبير في التصرفات حاولي تغيري الاصدقاء شوفي الناس الي عندها اهداف في الحياة وليس مجرد اللبس والاكل صاحبي الناس الي همها ارضاء رب العالمين
ادعي الله ان يعينك على التغلب على هدا التفكير المادي انه من وساوش الشيطان يزين لك حب الدنيا والتعلق بها
ثم اسألي نفسك عندما تلبسين وتوقعين بالمعجبين هل سيزيدك حسنات ام اثم
الدنيا فانية يا اختي ولن يبقى فيها الا عملك

[saladin17]

و عليكم السلام ..

الإحساس اللي يجيك دليل على فطنة و ذكاء عاطفي .. يعني عندك ادراك بالتغير اللي صرالك .. و هذي اضافة جيدة لشخصيتك ..
ثانيا ..
نجيك من لخر الأخت، نحن معشر الرجال و الله ما نحوسو على وحدا صعلوكة ساهلة في متناول الجميع ..
تدور تدور و نحوسو على العاقلة الرزينة اللي تبااااان في مشيتها و في لباسها و ماكياجها و حتى الخزرة تاعها و الله نفيقولها بلي طفلة ما تصلحش ..
راكي في وقت الزواج ما تفسديش روحك آخر لحظة ..
ياك آخرتها زواج .؟ باغية تتزوجي برجل صالح تعيش معاه قاع واش تحلمي .. مالا توكلي على ربي و كملي دراستك في خير و عمري راسك بأمور جيدة ..
بالإضافة لقرايتك شوفي كاش فرقة لتعليم الطبخ أو الطرز أو أي شيء .. المهم ما تخليش راسك فارغ و تجيه اأفكار السخيفة و يولي يجتر فيها و يعوم مع التيار ..
العقل كالطاحونة .. تظل تطحن .. و واش تحطي فيها تطحن .. لذا خيري نوع الدقيق اللي تحطيه .. .
خليك قوية و فحلة .. و إلا غير موتي خير ..

اعتذر على الرد .. لكن نتنشع كي نشوف بنت كانت لاباس بيها .. و فجأة تولي تحس روحها قديمة و زعما تولي تتحضر و تسمع موسيقى و تبدل لبستها ووو ..
ماهي حضارة ماهي تقدم .. جياحة و فراغ و معاندة تاع صعلوكات في جامعتك و لا بنات صحاباتك .. لذا ايضا شوفي معامن تمشي ..
البنت اللي تجيك كل يوم تقولك فلان طلبني و فلان شاف فيا و فلان بيبالي في تيليفون و فلان يبعثلي في ماسنجر وو هاذي بنت ما تصلحش!!

ربي يوفقك للاستقامة ... و كي نقول استقامة ميشي يعني تولي أختينا فجأة .. . بصح تشدي في ثوابتك و في كونك امرأة قوية فحلة ... ما تديرش الرذائل و تكون زوجة راجلها فقط .. ميشي زوجة الجميع ..

السلام عليكم ..

[أم رقية نسرين]

سلام ختي
شوفي اعزمي تغيري من نفسك و اعزمي على ان لا تعملي عمل إلا أن يكون فيه رضا الله سبحانه و تعالى من لبستك و جيب لأنو رضا الله هو الحاجة الوحيدة لي تنجينا في الدنيا و الآخرة و حطي في بالك بلي في أي دقيقة تجي الموت و فكري مع نفسك لمن أتزين ؟؟؟؟ لهاد الذئاب البشرية المنتشرة في كل مكان ؟مكان حتى حاجة و حتى واحد في الدنيا تستاهل نعصيو ربي من أجلها الإسلام كرم المرأة و عطاها مكانة عالية و جعلها كالجوهرة المحفوظة
حافظي على حجابك و واظبي على دراستك و توكلي على الله في جميع أمورك راح تحسي بالطمأنينة و الراحة
ربي يوفقك

[وسيمツ]

السلام عليكم
مرحبًا ،

أوافق جزئيًا الرد الأول.. لكن قبل أن أعطي رأيي ، أود لفت انتباهك لزاوية مّا
أنت قلت لا أدري ما بي ! و أنا بدوري أحثك أن "دبّر راسك ألقاي انت وش بيك"
لأنه تأكدي أنك ستمرين بأشياء كثيرة في هته الدنيا و إن لم تعلمي ما بك .. فستنحرفين عن السكة اللتي رسمتها لحياتك ، تقولين لي كيف؟ أقول لك بإختصار: تعرّفي على ذاتك.
أو افهمي ذاتك. ان لا تقومي بهذا ، فأقولها لك : ما تروحيش بعيد.

الآن ، رأيي، هو أنه في السابق كان المانع هو الدراسة، أي لم يكن لك وقت لكلّ ذلك لأن "الدراسة" في قائمة الأولويات العشرة الأولى في قلبك، كانت أسبق في القائمة من هته الأمور التي وقعت فيها و لم تدري من أين أتت.
بعبارة أخرى كانت لك قابليّة لهذا الشيئ مسبّقا لكن الدراسة حالت دون ظهوره لأنها كانت أهم، الآن و طالما وصلت إلى حيث تريدين بتلك الدراسة، أختفت "الدراسة" من قائمة ترتيب الأولويات في قلبك و صعد في الرتبة ما أنت فيه.

ما عليك فعله هو التصحيح: كل الأمور الخاطئة التي لا تودين القيام بها يجب أن يكون المانع هو الله ، و ليس سبب آخر زائل كالدراسة مثلا.

بالتوفيق.