التجارة

[kacimo.samy]

سلام عليكم
واحد من دزاير عايش في كندا بدا يخدم في سوبيرات كبيرة ،النهار الأول المدير دارلهم réunion و قعد يسقسي فيهم كل واحد لشحال من client باع .
الأول باع لـ 50 مشتري
الثاني 45 مشتري
الثالث 55 مشتري
الجزايري باع لمشتري واحد
زعف المدير و قالو : لازم تتعلم تخدم ولا تروح لبلادك ..

المهم بشحال بعتلو؟
قالو الجزايري : 93000 دولار .
وقف المدير و قالو :
و ش بعتلو بـ 93000 دولار!؟
قالو:
فالأول بعتلو صنارة و منبعد نصحتو يصيد في وسط البحر زدت بعتلو فلوكة و من بعد سقسيتو إلا عندو شبكة و بعتلو شبكة بيسك عندو فلوكة و منبعد نصحتو يخيم و بعتلو خيمة و ما تبعها و بعتلو شواية باش ياكل الحوت إلي يصيدو كي يخيم
و هكذا وصلتو لـ93000 دولار .
قالو المدير:
- تسما بعتلو هاذو كامل و هو جاء من الأول باش يشري صنارة هكذا ؟
قالو:
- لا هو من الأول جاء يشري باطة حليب لولدو بيسك مرتو رايحة تغيب عند ماليها
ياخي قتلو مادام راك وحدك وراه الويكاند والفيد علاه ما تروحش تصيد الحوت !
المهم المدير قرر يعمل دورة تكوينية في دزاير لتقنيات التسويق