تحضيرات شعبان لشهر رمضان

[حياة نور الدين]

اهلا حبيباتي حبيت في هدا العواشير نشارك معكم تحضيراتي ومشترياتي للشهر الفضيل ونتمنى الكل يشاركونا ولو بوصسفة او ركمن من المطبخ نظفتيه ازو غيرتيلوا دسكور او اواني شريتيها المهم المشاركة حبيباتي ومتحشمونيش


نبداو بمهرجان الثوم





نروحوا لمهرجان الجلبانة



وهدا فول جابوا شيخي من البلاد اعطاني حقي نقيتوا وفورتوا ونخبي تع الحبة فاير للسلطة





وهدا مهرجان الحار
درت حميص حااااار يشويى



حار مقلي مرقد لام وليد انا زدت البصل فقط



وهريسة بالحار الاحمر محتفظه بها في المجمد



وهدوا بعض مشترياتي





دجاج نظفتوا وقطعتوا وخبيتوا



ووجدت عجينة الزلابية على بالي تنخلعوا لكن لو عرف السبب بطل العجب وهدا هو السبب هههه انا مزالت عجين







تخمر 25 يوم ايهة25 يوم بصح الاخت لي حطيتلكم تطبيقها طيبتها بعد اسبوع

وهده قدرتي جبتهالي امي ربي يحفظها وجدتها يعني ىبيتها في الماء وكيى تنشف نطيب فيها الحليب

[x ام رحاب x]

ماشاء الله عليك فحلة حبيبتي ربي يبعد عليك العين والحسد بصح الزلابية خرجتلك تحفة تسلم ايدك خير من الي تتباع شهاتني رمضان مبارك عليك وعلى كل عايلتك ربي يتقبل ان شاء الله

[أم فاطمه]

السلام عليكي اختي حياة موضوع هايل هايل تبارك الله عليك و الله يزيدك من نعيمو

تفضلي مشترياتي او تحضيراتي لرمضان الله يدخله علينا بالصحة والمغفرة والثواب ويجعل كل اعمالي واعمالكم لوجهه الكريم امين


تفضلو بسم الله


.



.



.


هدو مشترياتي قلو الله يبارك هههههههههههههه

.



.

تحضيري لي الطماطم المصبرة بالمنزل لي سبقلي وحطيتها كموضوع منستغناش عليها طول السنة باش نقتصد شوية هههههه

.


.

طريقة تنضيف القرنيع وتخزينه فالمجمد.
نقيه وضعيه فالماء تكوني عصرتي فيه القارص وحكي القرنيع مليح بالقارص

بعد ماتنتهي ضعي الماء على النار كي يغلي رمضي القرنيع فالفرينة وحكيه بيها ثم ضعيه فالماء الغالي و تركيه مدة 10 دق ونحيه ملزمش يطيب مليح ثم اتركيه يقطر مليح وخبيه فالعلب للحاجة

هدا طريقتي فتخزين الجنبال انا نقيه ونخبيه بدون ما نغليه ويقعد سنة بدون مايتغير

.


الفا اصوليا الخضرا. ء نقطعها ونغسلها ونخليها تنشف مليح ونخبيها فالمجمد تقعد خضراء


.



.


هده بعض من تحضيراتي لرمضان اتمنى لكل الاخوات رمضان كريم. وكل عام وانتم بخير يارب يتقبل امين

[أم فاطمه]

السلام عليكم اخواتي رمضان كريم للجميع


طريقتي في تخزين الفلفل الرومي

انا نشويه ونخبيه بقشوره. كينحتاج نخرجه من المجمد على بكري ونخليه كي يدوب نقشره ونقليه مع الطماطم والتوم تحسبيه شويتيه جديد

يجي بنين خير ملي تكني قشرتيه وقطعتيه هداك يشرب الماء بكثرة فالمجمد ويجي صامط

الدجاج كي تبقا 3ايام لرمضان نشريه ونقطعه ونخبيه
الجزر نخسره ونتركه ينشف من بعدنقطعه ونخبيه
الحمص نتركه ينتفخ فالماء ليلة كاملة ومن بعد نشله ونخبيه

الفراز نغسله وندركه ينشف ونخبيه باش نحتاجه للعصائر

التوم نعلقه ونتركه ييبس صورته والصورة متحاتلي

المعدنوش نغسله ونتركه ينشف ونقطعه ونخبيه فالعلب صغار كما فالصورة
نفس الشيئ مع القصبر والكرافز

خدمت زمركز البرتقال واليمون سبقلي وحطيته موضوع

الله يدوم علينا النعم ويبارك لي فالرزق ويبعد عينا العين ههههههه امين



.

.


.


.

[حياة نور الدين]

السلامم عليكن دخلت نخذف الموضوع في الحق غاضتني اكثر من 200 مشاهدة ولا رد حتى لقيت الغوالي ام رحاب وام فاطمة ،
ام رحاب حبيبتي ربي يخليك ويفرحك بصح الزلابية ماشي تاعي تع صاحبة الوصفة انا مزال ما طيبت منها هههه،

ام فاطمة نورتي يا غالية بسم الله ماشاء الله وربي يجبر بخاطرك كما جبرتي بخاطري وكلشي هايل رمضان كريم وربي يشفي زوجك

[أم فاطمه]

السلام عليكي حياة عفوا اختي خيرك سابق دوك الاخوات يشاركو رمضان كريم

[soussou_saida]

السلامعليكم ز و صحا رمضانكم
شكرا على زاش حطيتوحيزتة عدريني على الصور تعرفي كوناكسيو جيزي و زيد بالتلفون التحميل يعدبني هههخ
بالنسبة للتحضيرات كانت بسيطة شريت التوابل من مغنية و شريت قدر و كسكاس كانو خاصيني و سلة خبز سرابيت الطاولة
جلبانة خبيت شوية في المجمد الفلفل نشوي تاع يومين و نجرب نجمد بلقشرة كيما قالت ام فاطمة و على فكرة دىت وصفتها لقلب اللوز و صباح نطيبها
الدجاج نقيت شوية و خبيت

[nihal159]

الله يبارك عليكم حيوتة و أم فاطمة؛سوسو حراير تاع الصح؛ بصحتكم واش شريتو و حضرتو لرمضان؛ إن شاء الله تصوموه بالصحة.

[crono]

السلام عليكم ز و صحا رمضانكم

الثوم
تتجمد فصوص بقشورها او ممكن نرحي كمية كبيرة فالميكسور مع الملح و فوق كيس بلاستيكي نضع ملعقة صغيرة و يكونو بعاد على بعض شوية و نجمدهم لما يجمدو مليح نضعهم في علبة محكمة الاغلاق و كل مرة نستعمل كويرة ولا في بلارة زجاج فرغي عليها زيت






[IMG][/IMG]

[crono]

[crono]

samhini hayate clavie tabloka ahdfi hade rade

[crono]

طمطيش







قلت نحضر بهدوء وبدون اخلال بالميزانية مثلا لنفرض انك تستهلكي2 كيلو طماطم مصبرة في الشهر اشري ثلاثة كيلو استهلكي 2 وواحد خبيه وهكدا كل شهر وكي تشتري الجديد استعملي القديم وهده الطريقة لكل المواد الغدائية
طريقة الطماطم نقي الحبات ونحيلهم هذاك الشابو لخضر وديريهم في اناء عميق وصبي عليهم الماء مغلي وخليهم 5د فقط ومن بعد قطعيهم على اربعة وديريهم فالروبو لي عندك ولا بالميكسور تاع البرا وكي تكملي الكمية كامل فوتيها فالصفاية باه تشدلك الشوائب والزريعة وديري الخليط المتحصل عليه في مول سيليكون
ممكن نجمدها حبات او نجمدها في مكعبات صغيرة للطبيخ او في اناء بلاستيك كبير للبيتزا و غيرها
او نقطعوها براج ونديروها تفور ومن بعد نرحوها ونحطوها تتقلى حتى ينشف لما نتاعها

[crono]

بعض الصور تحضيراتي
كل مرة نعمل حاجة ونصورها ونخبيï؟½ï؟½ï؟½ï؟½ باه اخوات بزاف يستفادو اكيد الكثيرات يعرفو وما شاء الله عليهم لكن اكيد كاين المبتدئات[/COLOR]

[crono]

[IMG][/IMG]

[crono]

COLOR="SeaGreen"]بصحتكم لماعن اللي شريتهم انا شريت هادو كنت كل منخروج نشري حجة [/COLOR]