طلع المورال باش تكمل لدقيقة التالية

[المهوس]

السلام عليكم
جماعة لدايرة الرياضيات هي الباك شوفو كشف النقاط هذا على رغم نقص في المواد الأساسية وخاصة وخاصة وخاصة الرياضيات مزال أمل كبير باش تجيب الباك وتفرح أسمعني مليح راه مبقاش وقت باش تندم راه مزال كاين مواد معامل نتاعهم 17 أكثر من النص

رانا اليوم تعبنا بصح معليهش نريحو شوي ونعاودو من جديد بقوة وكي تحس روحك كرهت تفكر نهار النتائج تفكر نهار وانت تكتب في رقم التسجيل وتسمع الزغاريت بصح أصبر رانا مزال ملحقناش هذيك اللحظة تقدر من الأن ان تغير النتيجة يمكنك ذلك شوي صبر وعزيمة وتكمل كلش توكل على الله وصلي ركعتين وأدعي ربي فيها وأبد وربي راه يشوف فيك وهو الذي قال( وَقَالَ رَبُّكُمُ ادْعُونِي أَسْتَجِبْ لَكُمْ ۚ) فإن شاء الله تنجحو كامل وتفرحو في هذا الصيف

أسمحولي أكثرت الكلام لكن قاضوني الناس لي هبطلها المورال من الرياضيات
أنا أيضا بدوري طالب مثلكم سيجتاز هذا الإمتحان أدعولي ربي ان شاء الله يوفقني ويوفقكم لنيل هذه الشهادة
وَمَن يَتَوَكَّلْ عَلَى اللَّهِ فَهُوَ حَسْبُهُ
ودمتم في رعاية الله وحفظه