الناس لي فاقدة الامل ومابداتش خلاااص

[ورد الاوليف]

الناس لي فاقدة الامل ومابداتش خلاااص شعبة علوم تجريبية راهو مزاااال الوقت مزااال الوقت مزااال الوقت ولازم ديرو وش رايح نكتب وان شاء الله معدل فوق 12
#اولا_العلوم :
مادة سهلة كن تضمن نقطة مليحة فيها خلاص
الوحدة 1 +2 مفيهمش بزاف حوايج واسئلة تتكرر
انزيمااات فيهم 4 تجارب تفهموهم برك وتفهمو الاستنتاجات تعهم خلاص الاسئلة كامل تتركز ع التجارب هذوك (تاثير الحرارة /تاثير الph /التكامل البنيوي / النوعية )
هذو الثلاث وحدات كاين قناة مصطفى بدد مداير كل وحدة فساعة تقدر تكملهم فيوم واحد والله
المناعة والمشبك درك كاين لي يقولو نخيرو وحدة نقراااوها ردو بالكم الغلطة هاذي عام لي فات غلطتها قريت مناعة كي رحت لقيت الناعة فالموضوعين والمشبك فواحد سما مش كل موضوع بوحدة
وهاذو الزوج تاني مصطفى بدد دايرهم وتضمن بيهم النقطة
وهك تكون درت 70٪ من العلوم تضمن فيها المعدل ان شاء الله
الوحدات اللخرين ساهلين بصح كل واحد وش يقدر لانو قادر يكون مبداش المواد لخرين خلاص (كن يبقا الوقت ديروهم)
#ثانيا_الرياضيااات
باه تضمن فيها نقطة فوق المعدل مش لازم تقرا كلش
درك تقولو كيفاه هبلتي؟؟! ايه تبعو معايا
كاين الدوال اسية ولوغارتمية عليكم بفهم القواعد والاشتقاق
والباقي كاااامل كيفكيف اسئلة تبقا تتكرر دايما
نهايات مشتقة دراسة دالة وضعية بيان مستقيمات ...
ننصحكم افهموها من الملخصات كاين ملخص الاستاذ نور الدين تع ساعة او ملخصات الاستاذ عبعوب تاني فالقمة
افهموهم مليييييح ومن بعد البكالوريات ابداو من 2017
لاشتا اقراو الحل وافهموه وافهمو الطريقة لي خدمو بيها واحفظو على قد ما تقدرو
زيد الوحدة الثانية لي تقريبا دايما تتكرر فالموضوعين
اعداد مركبة وحدة ساهلة بصح المشكلة فمجموعة النقط. (حتى انا ملقيتلهمش حل خخخخخ)
المهم ملخص نور الدين وعبعوب كذلك وطبقو نفس الطريقة مع البكالوريات فهم الطرق ....
هكا تكونو ضمنتو ع الاقل 9 نقط
زيدو المتتاليات ووحدة معاها (وحدة الهندسة او الاحتمالات)
الاحتمالات اول مرة منضنش تجي فالموضوعين
هك تكون ضمنت 12
#الفيزياء
احفظو قوانين و معادلات تفاضلية
كاين شريفي مليح و صيد مختار تاني مولاي عمر يطول بزاااااااف ديرو فيها استرة واحماض واسس واكسدة ارجاع مناه محال ميطيحوش
اقمار وقذيفة راهم شاكين فيهم بزاااااف هاذ العام
Rc/RL/RLC
هاذو تاني قادر يديرةهم مع بعضاهم
وزيدو التمارين نفس الشي افهمو الطرق لخصو واحفضو رح تضمنو فيها المعدل ان شاء الله
#ادب_عربي
كاين ملخصات الستاذ هجرسي فالقمة + ملخص الاستاذة بكوش تضمن بيهم فوق 15 بمجرد الفهم لا بكالوريات لا هم يحزنون
#شريعة
الاستاذة بوسعادي افهمو واحفضو من عندها لازم تحفظو عالاقل دروس الفصل 1+2 وتفهمو الباقي وهك تضمنو +15
#الاجتماعيات(كوشمار)
قناة نور المعرفة تشرح مليح افهمو التاريخ واحفضو شخصيات ومصطلحات افهمو الدروس برك واحفظو دروس الجغرافيا كامل باه متحصلوش كي تحيرو الموضوع تكونو حافظين جغرافيا عادي وتحيرو الشخصيات والمصطلحات براحتكم
#اللغات شوفو ملخصات تع اسئلة لي يتكررو. وافهمو الفقرات برك
ديرو هاذو ومبروك عليكم الباك
اذا بقالكم وقت زيدو عليهم وكيما يقولو
زيادة الخير خيرين 😊
پارطاجيوه بارك الله فيكم