زعما نقدر نعوض

[عشريني متمرد]

سلام جماعة راني هاردها فروض وحبيت نسقسيكم ادا نقدر نعوض ولا لالا.
اللغة عربية........07
اللغة الانجليزية......11.5
الرياضيات.........9
الفيزيا........3
العلوم.........3
اسلامية 0.5
اعلام الي ......14
تكنولوجيا.......13

و ماتضحكوووش عليا .

[toulay]

وعليكم السلام ورحمة الله تعالى وبركاته
المهم فقتي مع روحك درك لازم تقرا وتحط راسك واذا عندك الارادة معلوم تقدر
نظم وقتك ودير برنامج واقرا عليه وربي ينجحك ان شاء الله
بالتوفيق

[عشريني متمرد]

نعم انستي toulay
صح لازم الارادة
انستي ممكن تقوليلي شحال لازم نجيب في الاختبارات

[جَاي .]

تعوّض بإذن الله.. الفروض الأولّية غالبًا ما تعتبر درس التلميذ الأوّل ليدرك ما الذي عليه التركيز فيه وتغييره حيال طريقة الحفظ وما إلى ذلك..
إن كنت ذا تشعب علميّ أنصحك بالتركيز على المواد الثلاث الأساسية (العلوم، الفيزياء، الرياضيات)

ووفقنا الله جميعًا.

[عشريني متمرد]

شكرا اختي على نصائحكي
بالمناسبة بما انها اول مشاركة لكي في المنتدى كانت لي مرحبا بيك لينا وان شا الله ربي يخليك لوالديك

[toulay]

يا اخي كيفاش اسلامية حاجة تاع حفظ تجيب فيها نص نقطة
لازم تحفظ sinon افهم
الحاجة الوحيدة لنقدر ننصحك بيها هي لازم ديما تتمنى وتطمح للافضل ودير هدف لهو النجاح
يا اخي لقراية سلاح مالا اقرا واقرا واقرا و jamais تستسلم ولا تفشل ودير في بالك بلي الفشل هو اول خطوات النجاح والفشل راهو محفز للنجاح
و en plus حفز روحك بروحك وقول بلي oui,je peux
بالتوفيق

[عشريني متمرد]

نعم والله ديت 0.5 اسلامية وراني مندم
ووان شاء الله كشما نعوض وراني داير عهد
لوكان ندي مادة تحت 14 في الاختبارات رايح نمنع روحي منكلش كامل العطلة لا خرجة لا انترنت لا تحواس ......

[☆شيماء ☆]

أنا منحبش نطيح المورال ولا بصح لازم تخدم
4444444444وياربي و مانيش نهدر على
معدل 10 لازم على الأقل 14

[اَشْرَفْ اَنيِسْ]

انا ثانية ثانوي :
لازم تفورصي على الرياضيات على الاقل تجيب 16،17 في الاختبار و العلوم و الفيزياء اكيد 3 قليلة بزاف زيد فورصي عليهم على الاقل جيب 15 فيهم لزوز و مواد الحفظ ماهومش راح يأثرو بزاف لانو الرياضيات العلوم و اافيزياء هوما لي يطلعولك الركبة

[اسراء المعراج]

واشبيك خويا وشي هادو النقاط
للزم دايما تتفكر بلي راك علمي ومعدلك في المواد العلميه هابط
لازمك تبدا من الزيرو وان شاء الله تقدر تحقق واش راك حاب
لانو ما كاش حاجة وسمها المستحيل
وبالتوفييق لك
واي مساعدة مرحب بك

[ندوشةة]

تقدر تعوض اخي الامتحان هو الضرب عليه
راجع مليح للامتحانات و اخطم و بربي ان شاء الله تتوفق

[♥ ســ/رة ♥]

سلالام
كيف الحال حسام
معليش خويا بصح لازمك تزير روحك ومادام راك حاب توعضها ان شاء الله تقدر
برك سؤال علاش ما حفظتش الاسلامية
مالازمش تدير هاكة في الاختبارات

[عشريني متمرد]

المشاركة الأصلية كتبت بواسطة قدرات خارقة

أنا منحبش نطيح المورال ولا بصح لازم تخدم
4444444444وياربي و مانيش نهدر على
معدل 10 لازم على الأقل 14

نعم صح لازم على الاقل نجيب 14 مي انا نلحق 10 قبل ومنبعد ساهل
وشكرا

المشاركة الأصلية كتبت بواسطة اَشْرَفْ اَنيِسْ

انا ثانية ثانوي :
لازم تفورصي على الرياضيات على الاقل تجيب 16،17 في الاختبار و العلوم و الفيزياء اكيد 3 قليلة بزاف زيد فورصي عليهم على الاقل جيب 15 فيهم لزوز و مواد الحفظ ماهومش راح يأثرو بزاف لانو الرياضيات العلوم و اافيزياء هوما لي يطلعولك الركبة

نعم صح لازم نركز على المواد الاساسية مليح.
وشكرا جزيلا و بالتوفيق لكي في السنة الثانية.

المشاركة الأصلية كتبت بواسطة اسراء المعراج

واشبيك خويا وشي هادو النقاط
للزم دايما تتفكر بلي راك علمي ومعدلك في المواد العلميه هابط
لازمك تبدا من الزيرو وان شاء الله تقدر تحقق واش راك حاب
لانو ما كاش حاجة وسمها المستحيل
وبالتوفييق لك
واي مساعدة مرحب بك

الله غالب ختي والله راني مندم على هادو النقاط مي الصراحة راني معترف ماقريتش مليح
وي لازم نزير روحي في المواد العلمية مليح.
وان شاء الله نخدم في الاختبارات .
وشكرا على النصائح

المشاركة الأصلية كتبت بواسطة ندوشة ღ

تقدر تعوض اخي الامتحان هو الضرب عليه
راجع مليح للامتحانات و اخطم و بربي ان شاء الله تتوفق

آمين ان شاء الله ربي يوفقني في الاختبارات
شكرا

المشاركة الأصلية كتبت بواسطة ♥ ســ/رة ♥

سلالام
كيف الحال حسام
معليش خويا بصح لازمك تزير روحك ومادام راك حاب توعضها ان شاء الله تقدر
برك سؤال علاش ما حفظتش الاسلامية
مالازمش تدير هاكة في الاختبارات

وعليكم السلام
والله لباس اختي سارة وانتي كيف احوالك؟
وي والله راني حاب نعوض في الاختبارات.
ماحفظتش في الاسلامية لانو ماكنتش كامل علابالي والشيطان لهاني نسيت كامل قرايتي وهاداوين راني فقت لروحي.
وان شاء الله نتوفق في الاختبارات
وشكرا على النصائح

[miss univers]

oui b1 b1s t9dr t3wd w3lach lala
ida 3wlt b1s t9dr dir klch
rana 9rib kif kif psq 5atini mate w phisic mais rani nsii kifach nratrape
mais l islamia bzzzaaf had n9ta tzid t5rbhalek
sii kifach t7fd bach tdi le maximum f l7fida
w b1s siii tfham l mawade l5rin
w rabi ywf9 nchlh

[عشريني متمرد]

شكرا اختي miss univers