قاطو بالشكلاطة و ذوق النعناع

[mimi_belle]

السلام عليكم جبتلكم ليوم وصفة رائعة للعيد انا نبغيها بزاف و دايما نديرها فالعيد صراحة لذيذة جدا
بدون اطالة تفظلو المقادير و طريقة التحضير :
المقادير:
220غ شكلاطة سوداء( 2 علب )
200غ مرغرين طرية
قرصة ملح
فانيلا
200غ سكر
4 بيض
1 خميرة الحلوى
نصف كوب لوز محمص و مدشش ( مرحي خشين )
200غ فرينة
نخلط جميع المكونات مع بعض جيدا و نفرغه في صينية مدهونة وفوقها ورق الزبدة و ندخله للفرن مسخن مسبقا حوالي 20د كي ندخل سكين و يخرج ناشف معنتها القاطو طاب نخرجه و نخليه يبرد تماما.
الان التزيين:
1*كريمة الزبدة:
250غ مرغرين طرية
250غ سكر قلاصي
2بيض
القليل من نكهة النعناع
ملون اخضر
نخفق المرغرين جيدا نضيفلها السكر قلاصي و نخلط ثم البيض و نكهة النعناع و الملون الغذائي
بعدما تبرد الحلوى تماما نحط عليها كريمة الزبدة و نمشيها على قاع الحلوى و نخليها تنشف (ممكن نحطها في المجمد بضع ثواني)
2* الشكلاطة:
نذوب 2او 3 علب من الشكلاطة امباسادور(حسب السمك المرغوب فيه انا عملت 2 علب)
نحط طبقة من الشكلاطة فوق كريمة الزبدة و نخليها تنشف مليح( ممكن ليلة كاملة)
بعدها نقطع القاطو مربعات صغار و نحطهم في لي كيسات
و بالهنا و الشفا جربوه ما راحش تندمو لا تبخلو علي بتعليقاتكم و صح عيدكم و كل عام و انتم بالف خير