هذه الحماة

[كاميلا]

السلام عليكم
انتشرت مؤخرا مودا جديدة للحماة تحب تخطب لوليدها الحنون وتشرط عليه لازم يجيب العاملة
في حين انه لو جاب وحدة مش عاملة او في حالة بطالة ميعجبهاش الحال وتقيم الدنيا عليها بل لدرجة انها تعتبرها عالة على ولدها وتغضب غضب شديد لو تشوف ولدها يصرف على زوجته مع انه المفروض ترفع راسها انها انجبت رجل متحمل مسؤولية دار وزوجة لكن تلقاها يغلب عليها الحزن والهم وتتدخل في امورهم طبعا تمرض هاديك العروسة بالمعايرة والكلام السيء حتى تحسسها انها متسواش
في المقابل تحب زوج بنتها يشري لبنتها سيارة مش يصرف على داره فقط وهاد الحالة انا شخصيا وقعت فيها لاني مش عاملة
وش رايكم في هاد العقلية لماذا وصل المجتمع لهاد المستوى المتدني والرخيس

[nihal159]

والله عندك ألف حق؛ أنا صحبتي حكاتلي على عجوزتها أنها من هذا النوع؛ و السبب أن زوج صديقتي عندو مكتب دراسات وصديقتي دارسة نفس التخصص هي و زوجها؛ في يوم من الأيام هذا الزوج راح يشكي لأمه من التعب تاع الخدمة ؛ أمو واش قالتلو؟؟ مرتك واش قاعدة دير؛ خرجها تخدم معاك.

[كاميلا]

انا قاتلي قاعدة في الدار بدون فايدة معندك حتى هدف تخيلي وقاتلي المرا اللي في الدار عالة على زوجها نوكل عليها ربي

[nihal159]

قوليلها أمالا أنتي بداتك كنت عالة على راجلك؛ حنا على الأقل جيلنا مايولدش بزاف؛ نتوما بكري تولدو ب 10 و 12 وفوق هذا ماتخدميش.

[riheb razane]

قولي ربي فوق سبع سموات قالنا وقرن في بيوتكن ولا تبرجن تبرج الجاهلية الاولى ومن يتقي الله يجعل له مخرج قولها نروح نخدم مع الرجاجل والاختلاط اذا انتي ترضايها لوليدك انا منرضهالوش هو الراعي وكل راع مسؤول عن رعيته قولها خرجي بنتك تخدم هذاك السع نهدرو ادبر راسو نا منخدمش على ولادك اتزوج وجاب اطفال يتحمل مسؤوليته وقولك مام كي نخدم مرانيش حنخدم عليه ولا على ولادو متخميش انروح اندير التاويل كي يلياتي انشري الذهوبات والسيارة ونفحشش روحي انا بتنيش يما نخدم على الراجل هو يشمر على يديه وهذا الامر مع كل احتراماتي يا شيبة النار يخصني انا زوجي فيريت مدخليش روحك في امور خاطينك حطيلها النقاط على الحروف بطريقة سلمية قوليها ربي ميحبش وزيد واش راهو صاري برا عدت انخاف ولا معنيلها بطريقة غير مباشرة احكيلها على كاش وحدة وانتي راكي تلحقيلها الميساج هكذا حنونتي مدزيتش ادور بيك

[sasou2013]

ههههههه انا كي زيدت كناس مرمبورساوليش عطلة الامومة لانو كان عندي وحد المشكل مالا وحد النهار سحاج راجلي دراهم كان مزال مخلسش راح سلف 1000 دج على باباه قالو الله غالب معنديش و سحقيتهم و مام مرتي معنهاش مخلسوهاش رجعت وين نشوف شيخي يقولي واش مزال مفهموش روحهم يخلصوك و عجوزتي كل يوم تقولي اشري هدي و زيدي هدي و علاه مخدمتيش هدي في الدار وعلاه متشريش بنتك هدي و هوما غيير باه نسرف دراهمي كي شغل منيش نصرف و انا الي رافدة الدار شهريتو مامبا سمانة تخلاس مي مشكيتلهمش مرة وحدة قتلها لعجوزتي و الله ديك الشهرية كما نسيي نجعدها متجعدش ولات تضل تشكيلي مناش لاحقين و ترستس و الماء و المصرةوف اووو و انا شيخي كان يخدم مليح شهريتو 10 ملاين و هي تاني عندها روترات و انا يا ربي 15000 تضل تحشم فيا و تقولي اشري و بني باه يجو ربيباتها يحاسبوني و يقولولي دار بابانا كما لعادة ....

[فاطمة شلف]

السلام عليكم
واش نقلك اختي كاميلا
الله يجيب الخير

[DIAMONDA]

واش معنتها......الزوجة اللي تخدم خير والا اللي تقعد في الدار ؟؟؟؟؟

[solinne]

ههههه لالا ماشي قاع العجايز يخمو كيف كيف انا عجوزتي بالعكس تكره الخدامة وتقولك سامحة في دارها وولادها وتان ما تحبش كناينها الي انا وحدة منهم يخرجو بزاف
ههههالدزاير عقليات

[كاميلا]

المشاركة الأصلية كتبت بواسطة nihal159

قوليلها أمالا أنتي بداتك كنت عالة على راجلك؛ حنا على الأقل جيلنا مايولدش بزاف؛ نتوما بكري تولدو ب 10 و 12 وفوق هذا ماتخدميش.

حيرة يا اختي في هاد العقلية

[كاميلا]

المشاركة الأصلية كتبت بواسطة riheb razane

قولي ربي فوق سبع سموات قالنا وقرن في بيوتكن ولا تبرجن تبرج الجاهلية الاولى ومن يتقي الله يجعل له مخرج قولها نروح نخدم مع الرجاجل والاختلاط اذا انتي ترضايها لوليدك انا منرضهالوش هو الراعي وكل راع مسؤول عن رعيته قولها خرجي بنتك تخدم هذاك السع نهدرو ادبر راسو نا منخدمش على ولادك اتزوج وجاب اطفال يتحمل مسؤوليته وقولك مام كي نخدم مرانيش حنخدم عليه ولا على ولادو متخميش انروح اندير التاويل كي يلياتي انشري الذهوبات والسيارة ونفحشش روحي انا بتنيش يما نخدم على الراجل هو يشمر على يديه وهذا الامر مع كل احتراماتي يا شيبة النار يخصني انا زوجي فيريت مدخليش روحك في امور خاطينك حطيلها النقاط على الحروف بطريقة سلمية قوليها ربي ميحبش وزيد واش راهو صاري برا عدت انخاف ولا معنيلها بطريقة غير مباشرة احكيلها على كاش وحدة وانتي راكي تلحقيلها الميساج هكذا حنونتي مدزيتش ادور بيك

الحق ما معنيتلها ماوالو سكت علها وخليتها وقررت عدم الكلام معها نهائيا في اي موضوع

[كاميلا]

المشاركة الأصلية كتبت بواسطة sasou2013

ههههههه انا كي زيدت كناس مرمبورساوليش عطلة الامومة لانو كان عندي وحد المشكل مالا وحد النهار سحاج راجلي دراهم كان مزال مخلسش راح سلف 1000 دج على باباه قالو الله غالب معنديش و سحقيتهم و مام مرتي معنهاش مخلسوهاش رجعت وين نشوف شيخي يقولي واش مزال مفهموش روحهم يخلصوك و عجوزتي كل يوم تقولي اشري هدي و زيدي هدي و علاه مخدمتيش هدي في الدار وعلاه متشريش بنتك هدي و هوما غيير باه نسرف دراهمي كي شغل منيش نصرف و انا الي رافدة الدار شهريتو مامبا سمانة تخلاس مي مشكيتلهمش مرة وحدة قتلها لعجوزتي و الله ديك الشهرية كما نسيي نجعدها متجعدش ولات تضل تشكيلي مناش لاحقين و ترستس و الماء و المصرةوف اووو و انا شيخي كان يخدم مليح شهريتو 10 ملاين و هي تاني عندها روترات و انا يا ربي 15000 تضل تحشم فيا و تقولي اشري و بني باه يجو ربيباتها يحاسبوني و يقولولي دار بابانا كما لعادة ....

اس المشاكل في اي حاجة هي التدخل احنا مجتمع مترباش على حاجة يقولولها حدود حتى الانسان مع نفسه كاين حدود

[كاميلا]

المشاركة الأصلية كتبت بواسطة فاطمة شلف

السلام عليكم
واش نقلك اختي كاميلا
الله يجيب الخير

والله يا اختي ابتلاء على شكل انسان وش نقول خممت مع روحي بزاف وانا نقول يمكن انا عملتلها شي وجدت روحي راني موصلتش انني نعملها شي من غير اني قبلت بولدها خممت قلت ممكن امي عملت شي في زوجة اخي وربي يخلص فيا ولقيت مكان والو امي المسكينة حتى القط اللي في دار خويا متدخلش فيه يعني ادا راني صافية في كلش معناتها راهو ابتلاء

[كاميلا]

المشاركة الأصلية كتبت بواسطة diamonda

واش معنتها......الزوجة اللي تخدم خير والا اللي تقعد في الدار ؟؟؟؟؟

خير بالنسية لشكون لحماتك؟ والله ضحكتيني

[assia 45]

السلام عليكم اختي كاميلا كنتي طلبتي مني مراسلتك وانا للاسف مشاركلتي متكفينش باش نراسلك نتمنى تفيديني بنصايح عالخاص وشكرا لك عالدعم والمساندة ربي يحفظك