سلطة قلوب البطاطا سوربريز ......من مطبخي

[أ م ساجد وسيم]

اليوم درت سلاطة خفيفة ظريفة وجا شكلها شباب قلت نفيد بيها خواتاتي نتمنى تعجبكم وتستفادو وماتنساونيشمن دعواتكم

المقادير :
* حبة بطاطا مغلية ومهروسة مليح
* حبة جزر او اثنين مقشرة مغلية بدون تقطيع يعني كيما تقشريها خليها وغليها
* زوج حبات بيض مغلييين
* زيتون اسود ، مايونيز ولي تحبب ضيف طونة او ذرة على حسب واش تحبي

الطريقة:
بعد ما تهرسي البطاطا ضيفيلها ملح ، خل ، زيت ومايونيز تبليها مليح ناخذ مول تاع قاطو ندير ساشي في وسط المول وناخد شوي من خليط البطاطاونشكله داخل المول ونخلي مكان للحشو في الوسط ونضيف حشو تاعنا انا درت بيضة مغلية مع زيتون مقطع ونديرلهمشوي من صلصة لي تحب ضيف طون وذرة ضيف ومنبعد نغلق عليه مرةاخرى بالبطاطا ونحاول نزينها مليح بساشي حتى تاخد شكل الطابع ثم نحط طابع فوق صحن تقديم ونحيه غي بشوي هو وساشي ونكمل بنفس طريقة ...والجزر نقطعه شرائح ونطبع بطابع الوردة ونزين طبق بالبيض وبالجزر ونسيت نقولكم لي يبقا من الجزر بعد تقطيعه ضيفوه للحشو ونزيدلها شوي صوص من فوق ونضيف المايونيز وحبات زيتون

كي تكونو تاكلو فيها وتقطعوها و ذوقو الحشو. مع البطاطا اممممم

نتمنى نكون عطيتكم فكرة مليحة وادعولي معاكم




وهذا طابع لي درته


صور شوي ماواضحينشمليح كنت مقلقة