علاقة لم افهمها..نصيحة مني لكم

[مشكلتي]

السلام عليكم اخوتي ترددت كتيرا قبل ان اطرح مشكلتي فكل مرة اقول انها ستتنتهي لكن يبدو انها لن تنتهي ايدا مشكلتي هي علاقتي مع امي اقرب الناس اليي انا بنتها الوحيدة وسط 4 ذكور امي اللي من نهار عقلت روحي منحسش انو علاقتنا طبيعية ام و بنتها دايما نحسها بعيدة عليا بزاف و تعاملني معاملة مفهمتهاش اذا كره او شي اخر لما كنت صغيرة ما كنتش مهتمة بيا خلاص كانت تقول لقريباتها دوشولها و لبسوها انتوما ومع اني كنت طفلة مرحة وتلميذة مجتهدة عمري ما حسيت انها فرحانة او فخورة بيا على عكس ابي اللي كان دايما يفرح بيا ويكافءني و كان هو يشريلي حاجياتي حتى وصلت للثانوي...امي ما تحبش تخرج معايا كيما كامل البنات مع امهاتهم تفضل تخرج مع اولادها الذكور امي عمرها ما تكلمت معايا بهدوء ولا قاتلي واش بيكي بنتي اذا شافتني زعفانة ولا نبكي تقولي هاذي حاجة راكي دايرتها امي كي تروح عند الناس دايما تعطيهم فكرة باللي انا مانيش مليحة و دايما تشكر في بنات الناس تقولي شوفي لالياتك كي دايريين مع انو كامل الناس يحبوني و يقولو يا ريت بناتنا كيفك حتى و راني كبرت في عمري 24 سنة الحمد لله ما عندي ما خصنسي لكن مازلت علاقتي مع امي اكبر مشاكلي وهي انسانة متعلمة و اجتماعية و عاملة يعني اللي يشوفها كيفاش مع الناس و كيفاش معاياا انا ما يصدقش ... انا نحبها حب كبير ربي عالم بيه شحال تمنيت تكون حنينة عليا و لو بالكلام والله راني نكتب و دموعي ما حبوش يحبسو شحال كنت نفرح كي تقولي كلام مليح ولا تفرح بيا و الله نحس روحي اسعد انسانة و العكس كي تقولي كلام جارح و تدعي عليا نبات نبكي و كاين مواقف صراولي معاها في طفولتي مازال نتذكرهم و نبكي بزاف كنت نقول اكيد راح تتغير مع الوقت لكن فقدت الامل خلاص...و حاولت نتقرب منها لكن فاقد الشيء لا يعطيه......فالاخير خبيت ننصخكم اخوتي اياكم و الكلام الجارح لاولادكم او مقارنتهم بالاخرين او الدعاء عليهم و الله يخلي نتائج جد سلبية على نفسيتهم حتى يكبرو و ما ينساوش دايما اهتمو بيهم و قربو منهم و كي يديرو حاجة مليحة فرحو بيهم و افتخرو....سمحولي طولت بزاف لكن قلبي راهو معمر بزاف ادعولي ربي و لكم بالمثل و السلام عليكم

[دنيا الامل 18]

ربما هي تخاف عليك

[houda_jijel]

الا تستطيعين مصارحتها بما يدور في خاطرك ربما لم تنتبه لتعاملها معك . لا اعتقد ان هناك اما تكره ابنتها
واش نقلك هاذي امك وواجب عليك برها و تتوددي اليها و ربي يقربكم لبعضكم
قدميلها بعض الهدايا فالهدية حسب قول رسول الله تغرس المحبة بين الناس لقوله" تهادوا تحابوا" و ربي يوفقك.

[samara lara]

صارحيها و فرغيلها قلبك و سقسيها ربما هاذي طريقتها فالمعاملة

او انها معقدة من البنات كاين هكا امهات تحب الذكور اكثر من البنات و منتشرة هادي العقلية ............. حسب رايي ........... لا ادري اختي ظروفها او حتى ظروفك
المهم حاولي تجبديها ليك باللسان الطيب

و ربي يكون معاك و يجيبلك ولد الحلال بلاك كي تتزوجي تم تتغير و تولي تعاملك مليح لانو راح تفتقدك

[اكرم akram]

انا امي هيا البنت الكبري لجدتي تعاملها مثلك احيانا تبكي لكنها تبرها على وجه الله ربي يصبرك

[doba]

ربي يكون معاك

[..بسمة أمل ..]

السلاااام عليكم اختي

والله يا اختي فهمتد ملييييح ودموعي طاحو كي قريت لموضوع
ربي ييهلك وربي يحنن قلب ميمتك عليك متنساااايش هذيك رها لميمة والا هي غلطت انتي اىبحي منها الرضاية ودعاوي لخير الجنة تحت اقدام الامهاااات

[فاصلة]

ربما أمك عشت وعانت مثل ما يحدث معك .وربنا هي تكره الاناث وربما هي تقول الكلام من فوق القلب. حاولي ان تنسي واطيعيها ولا تغضبيها .فالام ام تذكري الإيجابيات وتذكري انها سهرت على تربيتك وانك كبرت بفضلها لا تحقدي عليها وكوني متسامحة وادعي الله عز وجل فهو مقلب القلوب .ربما ياتي يوم يتزوج اخوتك ويتغير تعاملهم بسبب زوجاتهم وهذا يحصل في مجتمعنا فتجد نفسها وحيدة فتتقرب منك .لا ندري ماذا يخبئ لنا المستقبل

[إنسانة بسيطة]

ربما امك لا تحب خلفة البنات او لها ذكرى مؤلمة في طفولتها بهذا الخصوص
لا داعي لتعقيد الامر انت الان كبيرة واخر ماختمت به موضوعك يدل على انك ستكونين اما جيدة اتمنى لك ان تجدي زوجا صالحا وتنجبي ابناء تربيهم تربية حسنة

[بريق الدجى]

انا واش نقدر نقولك انك تبري بأمك مهما يكون و اغفري لها أخطاءها لأن الام مهما كانت قاسية مكانتها وحدها و لي تفقد أمها تولي مثل الصفر على اليسار بلا قيمة

[حبيبة]

أمك كانت تعتقد أنها الأنثى الوحيدة المدللة في البيت فأتيت أنت وأفسدت عليها ذلك
المهم حاولي أن تبيّني لأمك أنك الأفضل ،بأن تتعلمي صنعة ما ...كالخياطة مثلا وتبدعي فيها حتما ستغير رأيها فيك
على فكرة! البنت التي لا تعاملها أمها معاملة حسنة تكتسب نوع من الطيبة والحس المرهف وجمال الروح وهذه صفات تحبّب خلق الله فيك فهنيئا لك

[نور الفجر02]

واش بيكم مع الام غير لي يجي يشتكي من يماه راها امك واش بيك ....صارحيها وفرغيلها قلبك ربما تحبك بطريقتها ونزيدك كاين بزااف امهات دايرين هكذا انت تبانلك مش حنينة وماتبغيكش لكن هذا نوع مايبينش برك ولايوجد ام متبغيش ولادها لي رفداتك في بطنها وذاقت الويل باش ولداتك مستحيل تكرهك بادري انت وتقربي منها فرغليها قلبك حاولي تجبدي مواضيع معها

[نور الفجر02]

ربي يصلح الاحوال ويفرج عليك

[norsamadz]

وش نقلك يااختي والله غير قتلتيلي قلبي وشنو هذا انا بلا مانحكي كامل وش راهو في قلبي وا كاين بزاف كيفك واكثر منك حتى يسمعو هدرة ماشي بنتي وكاين بزاف صوالح ربي يصبرك يااختي ورايحة تهون واهدري معاها وصارحيها بلا ماتجرحيها بويسك تقولك ماشي طايعتني وراكي تتهمي فيا باطل هاذي سير ربي معاك

[sunshine2013]

اختي حاولي تهدري معاها و اضغطي عليها حتى تفرغ واش كاين في قلبها ادا عرف السبب بطل العجب
محال امي تعاملني هاك و نبقا ساكتة
ربي يحفظ امهاتنا