هل اطعن

[hala alwafi]

تفاجات ب 16 في الرياضيات بدلا من 20 كان يمكنني ان احصل على المعدل 19.00 اننني متاكدة تماما من اجابتي اتدكر كل تفاصيل ورقتي بسبب 18.32 استبعدت من قصر الرئاسة هل اطعن قبل ان يفوت الوقت .... متخوفة من ان يكون هناك مشاكل في الطعن و يهبطوني خلاص ما رايكم ... سالت فاخبروني بانهم سيتامرون ليجعلوك عبرة لمنلا يعتبر و هده هي السياسة في الجزائر ... الاساتدة من فضلكم اشيروا على .. و انتم اصدقائي التلاميد ... هلا قصصتم علي بعض ما حدث مممن طعن في علاماته و تعرفونه ارجوووووكم

[hala alwafi]

34006940 هدا رقم تسجيلي

[toulay]

سلام عليكم
يا اختي غير اخطيك راح يرجعوك غالطة ويقصوك
قول حسبي الله ونعم الوكيل وخلاص
بالتوفيق

[souad souad]

تاخذي رايي متطعني ماوالو عندك معدل الله يبارك ديري بيه وش تحبي
دزاير كامل مشي غير نتيا احمدي ربي هكذا و لا كتر

[ivdz]

والله لم افهم هاذا الهوس بقصر الشعب
اذا تم الطعن لن يعترفو بخطاهم بالطبع وسوف تنالين عقاب بالحرمان من الباك لعدة سنوات
اختاري التخصص الذي تريدنه وابتعدي عن هذه الافكار
لن تستفيدي شيء من بعض الشهرة و التسليم على بعض (....) في قصر الشعب ..... صراحة هو ليس للشعب

[annia]

عندما تتكلمون عن قصر الشعب كانم ستحصولون على منحة لدراسة في الخارج او جوائز تنسيكم تعب عام ماهي الا رحلة الى تركيا و السلام افرحي بمعدلك فهناك من تحصل على 9.99 و حمد الله

[TheMan]

لا تطعيني فأنا عملت كلش صح ي الفيزياء كنت أنتظر 18 لأفاجئ ب 11.5 لكن لن أطعن أعلم انهم سيتأمرون لجعلي عبرة و حتى لو كان الخطأ من عندهم فلن يعترفو

[***ريهام***]

المشاركة الأصلية كتبت بواسطة theman

لا تطعيني فأنا عملت كلش صح ي الفيزياء كنت أنتظر 18 لأفاجئ ب 11.5 لكن لن أطعن أعلم انهم سيتأمرون لجعلي عبرة و حتى لو كان الخطأ من عندهم فلن يعترفو

أظنك رياضي .....انا ايضا تفجأت ب10 رغم انه اسهل موضوع رايته !!

[hala alwafi]

لكن و الله في الرياضيات اكملت الموضوع في ساعة و نصف 16 صفح و اي صفحة فيها تخربيشة عاودتها حللت بعض الاسئلة بطريقتين معادلة تاع الاعداد المركبة حليتها ب دالتا و كدلك حللتها منحنى رسمتو جا موناليزا لله يبارك ما هدا قعدت نراجع الوقت كامل لي بقالي ما خرجتش الا قبل نصف ساعة

[hala alwafi]

غايضتني المعدل يصبح 19

[اللوتس الاحمر]

انا تاني حرقت قلبي نورمالمو ندي فالرياضيات 19 و لا 20 لقيتها 15 و حبيت نطعن لاني متاكدة من روحي و شفت التصحيح بالاك ما صلحوليش الاوراق كامل لان خطي كبير على

هادي كتبت بزاف و لا روحوهملي حسبنا الله و نعم الوكيل

و لكن ما دام الله كتبها لنا فأكيد فيها خير عظيم لنا و نحن نجهله الحمد لله

هكدا و لا كتر مقارنة بهادوك لي حطوهم غائب رانا ملاح الحمد لله

[لقبايلية]

خطيك من سلال وجماعتو !! 18 الله يبارك تقدري تديري بيها واش تحبي كي هي كي 19 يعني ماتربحي والو وماتخسري والو

[hala alwafi]

qmvh gml
شكرا لكم

[hala alwafi]

حبيبتي تفاؤل اتمنى ان تقرئي الموضوع
ارسل لك انا و و الدتي احر التهاني .... معدلك يخولك التسجيل في كلية الطب اليس كدلك

[TheMan]

المشاركة الأصلية كتبت بواسطة ***ريهام***

أظنك رياضي .....انا ايضا تفجأت ب10 رغم انه اسهل موضوع رايته !!

ودت العديد من الحاللات المشابهة
أظن ان الشعب التي لم يتم تسريب مواضيع الرياضيات و الفيزياء فيها قد تشددوا كثيرا في التصحيح