بقلاااااوة شبه تركية بوصفة جزائرية

[walido2011]

السلام عليكم البارح درت بقلاوة غيرت الوصفة عملت وصفة سميحة بن بريم تع قناة سميرة و بصراحة عجبتني بزاف ونشالله تعجبكم.





مقادير العجينة :
3 كيلات و نصف فرينة
نص كيلة مايزينة
كيلة سمن المرجان ذايب و بارد
حبة بيض
ملعقة قهوة فاني
رشة ملح
حوالي نص كاس ماء الزهر
و الباقي ماء نلم بيع العجينة
عسل أنا استعملت باطة عسل تع رطل لأني درتها فصينية صغيرة
الطريقة : ننخل الفرينة و المايزينة و رشة ملح و الفاني و نخلطهم نضيف البيضة و السمن و ندخلهم فالفرينة مليح ثم نضيف الماء الزهر و في الأخير نبدا نضيف فالماء و نعجنها شويا، ونقسمها على 6 كويرات و نخليها ترتاح حوالي نصف ساعة.

مقادير الحشو:
500غ لوز بالقشور (أنا درت 400غ لوز و 100 غ جوز)
حوالي 100غ سكر
3مغارف سمن
فاني حسب الرغبة
كمية قليلة من الماء الزهر حوالي 4/2 كأس

نحضر الحشو بخلط كل المقادير و نخليه بجيه.

طريقة التحضير : نحل الكويرة الأولى و نقسمها على 2 و نحل كل وحدة في الماشينة رقم 4 ثم نقسم كل وحدة على 3 يولو عندنا 6 و دائما نرشهم بالمايزينة و نحلهم الكل فالماشينة رقم الأخير يعني الرقيق كامل و ندهن الصينية بسمن و نرتب العجين فيها نرش السمن فوق كل طبقة نرش برك بلا ما نمسح ونزيد نرش المايزينة يعني نستعمل السمن و المايزينة فوق كل طبقة حتى الطبقة الأخيرة لي قبل الحشو أنا استعملت 5 طبقات من التحت وزعت الحشو ثم وضعت 6 طبقات من فوق و اعملت نفس العملية كيما الطبقات السابقينن كي نكمل نقطعهم مربعات حسب الذوق، وندهنهم بالسمن يعني نعملو طبقة تع سمن فوق العجين أي نغطيه بالسمن، ومن الأفضل نخليها ترتاح ساعتين أو ثلاث ساعات قبل الطهي، ثم نطهيها بين 45 ذقيقة و ساعة.
كي نخرجها من الفرن و هي سخونة نرمي فوقها العسل و نخليها تبات ليلة كاملة باش تشرب العسل.
نشالله تجربوها و تعجبكم