قاطو السكرفاج وقاطو العسل من مطبخي....

[ام رويدة]

السلام عليكم ورحمة الله وبركاته..

استسمحكم اخواتي على الاطالة في ادراج وصفات الحلوى التي وضعتهافي الجزء السابق من الكوزينة..والله كتبتها في نفس اليوم وتعبت معاها حتى جا وليدي يلعب طفالي الميكرو وراح كلش قريب بكيت
الوصفة الاولى هي عبارة عن حلوى السكرفاج بطريقة نوعا ما جديدة والمقادير هي

5بيض.كاس زيت.كاس سكر.فاني .قشور القارص.2 خميرة الحلوى .باكي فلان فاني.3 ملاعق نشاء.فرينة

نضرب البيض مع السكر وفلان فاني وبضيف الزيت وباقي المقادير ونلم بالفرينة حتى نتحصل على عجينة طرية

ناخد الثلث منها نخليه للجزء الفوقاني الي رايحين نديروه بالسكرفاج والباقي نحلوه في سنيوة مدهونة بالزيت ومرشوشة بالفرينة...نديرلها كمية لا باس بيها تاع المعجون ونرابي فوقو العجينة المتبقية...نرشها بحبات زبيب وندخلها تطيب في فرن درجة حرارته متوسطة كي نخرجها نرش عليها سكر ناعم ونقطعها...جربوها راح تعجبكم...جاتني خفيييفة ونييينة...شوفوها







وهنا مع ختها ..وحدة كحلة ووحدة بيضة .ههه.دوك نحط وصفة الكحلة اللي هي قاطو العسل يشبه لقاطو اسبانيول تاع فلة..برك المقادير تختلف شوية



قاطو العسل

4بيض..125غ زبدة.كاس سكر قلاص..2 مغارف بيكاربونات.2 مغارف كبار كاكاو.4مغارف كبار عسل
نخلطو الزبدة والسكر ثم البيض والعسل والبكاربونات والكاكاوونلم بالفرينة..حتى نتحصل على عجينة طرية نخليها ترتاح ونحضر الكريمةباتيسيار
4بيض.200غ سكر عادي.100غ نشاء.فاني.1لتر حليب
حطي الحليب يغلي..وفي اناء خلطي البيض والسكر والنشاء والفاني..كي يغلي الحليب نحيه من النار ونرمي الخليط تاع البيض ونحرك ونرجعو للفرن ناقص حتى يعقد وتتشكل كريمة..
نحيها ونخليها تبرد ونرو حللعجينة
نقسمها على 3 ونحلها رقيقة نوعا ما لاخاطر فيها البكاربونات.
..نحل كل جزء ونطيبو فالسنيوة بالمقلوب
نشعللها شوية مالفوق..
.كي يطيبو الطبقات تاعنا نحطو الطبقة1 ونحط عليها الكريمة ونزيد2 نفس الشيء.ونزيد الثالثة والاحيرة ونحط عليها الكريمة ونحطها في الثلاجة تبرد
وممبعد نخرجها ونرش عليها كاكاو ونقطعها









ادا عجبتكم الوصفات لاتنسةني حبيباتي بالدعاء..سلاااام
اي استفسار انا هنا