علاقتك مع ام زوجك مليحة ولا سيئة

[Maria dadi]

سلام
الموضوع واضح العلاقة بين الزوجة وأهل الزوج

طبعا احنا اول كلامنا حيكون عن قلب حماتك ازاي تخلي حماتك تحبك وازاي تعرفي شخصيتها وازاي تقدري تكسبيها

بس الاول انا حاحكلكم قصه صغيرة وعايزة اعرف رايكم فيها اسمعوا كده يا قمرات

يحكي انه كانت هناك ام عندها طفل عمره حوالي 3 سنوات وكان علي الام انها تسافر لمدة 4 شهور لمكان ولا يمكن ابدا انها تاخد ابنها معها لازم تسيبه مع حد حاولت الام بكل الطرق لكن بلا جدواي ولازم تسافر لانه امر ضروري ومن هنا لازم تسيب ابنها مع حد طب تعمل ايه
في الاخر هداها قلبها لجارة ثقة عايشه لوحدها تسيب عندها ابنه مده 4 شهور وبعدها ترجع
تمام
المهم طلبت من الجارة والجارة وافقت وقالت لجارتها قبل ما تسافر اوصيك بتقوي الله في ابني ارجوك اتقي الله فيه واوعي تعملي فيه حاجة لانه امانه عندك
وطلبت من ابنها اوعي تزعلها ابدا او تضيقها واسمع كلامها ومشيت

وعدي اسبوع كلمت ابنها لقيه مبسوط

بتأكل كويس مش اوي لسه مأخدش علي الجو مع طنط طب معلش يا حبيبي حاول تتعود حاضر يا ماما

عدي اسبوعين وكلمت ابنها تاني
عامل ايه مبسوط اوي يا ماما طب الحمد لله

وعدي شهر اجي اخدك يا حبيبي لا يا ماما انا مبسوط اوي مع ماما الجديدة

ايه ماما الجديدة ايه ده انا اللي ماما مش هي

وعدي اتنين مش نقصك حاجة لا يا ماما مبسوط انا باكل كويس وماما مخليه بالها مني علي الاخر

بتاكلي وتشربي وتفسحني وتعملي كل حاجة حاجة تطمن بس الام مش مبسوطه

معقوله عدي التالت والابن اتعود علي الحياة الجديدة وحبها ومبسوط بيها بس الام بتغلي

وع الاخر 3 شهور مع وحده تانيه عملت لابني كل حاجة نسته ان ليه ام

وقبل ما ترجع باسبوع انا خلاص جايه اخدك بعد اسبوع صحيح يا ماما بس انا ماما حتوحشني اوي

الابن متضايق انه حيسيب مامته الجديدة

الام معقولة ينسي امه علشان وحده دلعته في غيابي شوية

انا اللي عملت له كل حاجة طول ال3 السنين ينساني في 4 شهور

ورجعت الام كان كلها غيظ من جارتها واول ما رجعت

جري ابنها عليها ماما جت هيه هيه هيه

الام ازاي عدوا الاربع شهور دول انا عملت زي ما طلبتي مني اتقيت الله في ابنك

الام شكرا بس من غير نفس

الابن احنا حنروح فين يا ماما راجعين بيتنا

طب وماما حتقد لوحدها

ماما مين انا اللي ماما مش هي بس انا مشفتيش منها حاجة غير انها كملت اللي انت كنتي بتعملي بمايرضي الله ليه مش ماما

الام مبسوطه من الجارة بس غيرانه من اللي حاصل
انا الام

انا امك

انا انا انا مش هي افهم انا اللي تعبت مش هي تنساني بعد كل ده اه اه اهههههههههههههههههههههههه

قلبي علي ولدي انفطر وقلب ولدي عليا حجر

انت ام يا تري لو لقيت ابنك بيجري علي وحده غيرك وبيقولها ماما و بيحبها زيك تمام حتغيري ولا تفرحي سؤال عايزة له اجابة وعايزة أشوف
كيف تكون ردة فعلك
في انتظار تفاعلكم مع الموضوع
منقول للافادة