حلوياتي للي طلبوها........اتفضلو حبيباتي

[sara queen]

السلام عليكم و رحمة الله
علابالي راني روطار بزااااااااااااااف المهم اتفضلو حلوياتي لعيد الفطر بالاك كشما تهزو افكار لعيد الاضحى

هاذا صابلي البيضة تاع ام اماني برك انا درت شوكولا بيضا و لونتها بالنيسكافي و شوية ملون برتقالي



https://www.djelfa.info/vb/showthread.php?t=1516946

هاذا قلوب الشوكولا لام اماني



https://www.djelfa.info/vb/showthread.php?t=1335692
وهاذا بنفس العجينة غيرت الشكل فقط



هاذا صابلي بنيستلي ونوتيلا لام اماني

[

https://www.djelfa.info/vb/showthread.php?t=1388145

هاذا تشاراك عجينة و حشو ام اماني و قلاصاج ام تاج و موضوع لهلوبة



https://www.djelfa.info/vb/showthread.php?t=1411561

قاطو نص بنص لام اماني



https://www.djelfa.info/vb/showthread.php?t=1532438

صابلي الليمون بالشيكولا الملونة



المقادير:
600غ فرينة
300غ زبدة طرية
200غ سكر رطب
3صفار بيض
فاني
قشور ليمون
كيس خميرة
ملون اصفر + عطر الليمون
الكريمة 100غ زبدة +2مغارف سكر رطب+ 2 مغارف سوبر كرام ليمون نطلعوها بالباتور مليييح
التحضير
طلعي الزبدة والسكر ملييح على شكل كريمة و زيدي البيض الواحدة تلو الاخرى مع الخفق اضيفي الفرينة و الخميرة و الفاني و القشور والعطر و الملون حتى تتحصلي على عجينة طرية اتركيها ترتاح حليها و قطعي كيما تحبي طيبيها في فرن درجة حرارته 150 لمدة 10 دقائق
بعدما تبرد الصقيها بالكريمة و خليها تنشف شوية و ستفيها فوق شباك وطليها بالشيكولا البيضاء الملونة
بالنسبة للشيكولا البيضا
نذوبها على حمام مائي خليها تذوب تماما و نضيف فنجان حليب خاثر وملون اصفر و عطر الليمون نضيف تدريجيا حتى تولي تبرق و رطببببة
زيني الحلوى بورود من العجينة الاصطناعية و نقط من القلاصاج روايال ( بياض بيضة+ سكر رطب مغربل + ملون ابيض)

قاطو بالنيستلي كاراميليزي


العجينة
250غ زبدة طرية + 3مغارف سكر رطب طلعيهم +صفار بيض و طلعي+ بيضة كاملة و طلعي و لمي بالفرينة و نص كيس خميرة و لافاني خليها في سنيوة مربعة بسمك 1سم و اثقبيها مليييييييح بالفرشيطة طيبيها حتى تاخذ اللون الوردي و اسقيها بنص كاس عسل مخفف بشوية مازهر
الحشو زوج كيلات كاوكاو محمص ومرحي رقيق +كيلة نوادكوكو محمص و لميها بنيستلي كاراميليزي و زوج مغارف ماء زهر و ادهنيها فوق العجينة ديري طبقة مليحة و رشيها بنوادكوكو و رشة خفيييييفة بالصفاية كاكاو و خلها تبات ليلة كاملة و قطعيها و زيني بحبات التوت او كيما تحبي
و هاذي نفس العجينة و نفس الحشو درتو فليمول تاع البالون و غطيتو بالعجينة الاصطناعية


هاذاالقاطو التقليدي تاع ماما


500غ زبدة +كاس سكر رطب + زوج صفار وزوج بيضات كاملين و كاس جلجلان محمص و كاس كاوكاو محمص ومرحي رقييق و شكارة خميرة و لافاني و لمي بالفرينة و شكلي كويرات وزنهم 25 او 30غ اغطسيهم فبياض البيض و رمدي فالجلجلان وطيبيهم فليكيسات و كييطيب خرجيه و عسليه و هو سخون ديري مغرف كبيرة عسل لكل حبة وخليه يبرد و اذا لقيتيه ناشف زيدي عسليه مرة اخرى

الحمد لله كمللللت نتمنى نكون وفيت بوعدي وتجربو حلوياتي او حلويات الاخوات لانها فعلا فالقمة و نستغل الفرصة باه نشكر كل اخت فهاذ المنتدى تعلمت منها حاجة ربي يخليكم لينا وو يعطيكم ماتتمناو
ارجوكم اخواتي في هذه الايام المباركة دعوة خير عن ظهر غيب لي و لصاحبات الوصفات بتيسير امورنا و لكن بالمثل ان شاء الله
والسلام عليكم و رحمة الله و بركاته