أهدي ياربي تارك الصلات

[البدار12]

عاجبني تراس وأعزيز أعليـــــة
شاهي مرا ڨلت في الجامع نلڨاه
يظهرلي مزال طامع فالدنيـــــا
ڨرب عالستين مافقش وعــــلاه
تارك الصَّلات أكبر معصيــــة
غَدْوَا واشْ إڨول كي إڨابل مَـوْلاه
يُوسْألْ عالصَّلاتْ شاوْ البداية
الى صلحت كل شيء ساهل يلڨاه
أفطن يامغرور واسْتمع ليا
مَهْمَا طال العمر يبلغ منتهاه
تتمنا لوكان ترجع لدنيا
إتصلي ركعات ذا مَتَتْــــــمنَّاه
إجيك الجواب يدوي ياخويا
عنك فات الحال اجلك وفيــــــــناه
ياربي يخالقي تغفر ليا
والصغر اللي فات عنا ضيعناه