استفسار عن البكالوريا

[شمس الأمس]

أختي[B]MIRA 97[/B] أرجو منك تزويدي بكل المعلومات فيما يخص تجربة أختك مع بكالوريا أحرار شعبة آداب لأني أريد خوض نفس التجربة ولكني أخشى أن أنسحب لأن لي زمن بعيد منقطعة عن الدراسة، لذا أريد الإستفسار عم المدة التي انقطعت فيها أختك عن الدراسة و كيف حصلت على الكتب والمقررات الخاصة بهذا النظام الجديد، شكرا والعاقبة لك.

[ميرا97]

مرحبا اختي فيما يخص تجربة اختي فهي كانت علمية لكن درست في النظام القديم عقبت الباك'4 مرات وماداتوش مكتوب ربي كل مرة تجيها سبة ومبعد حبست عام قعدت في الدار بعدها العام لي من وراه قررت انها تعقب الباك لكن غيرت الشعبة يعني ولات ادب دارت ليكور في الادب والفلسفة عند اساتذة ماشاء الله ماراطات والو معاهم اما بالنسبة للاجتماعيات كانت عندنا جارتنا قراتها كانت تروح عنها تفهمها وتعطيها ملخصات ربي يجزيها الخير عاونتها بزاف اما بالنسبة للكتب فدبرتهم من الليسي تاعنا لانو كان عنهم فائض من الكتب القديمة كذلك شرات ملخصات كليك وشرات كتاب الانيس في الرياضيات لشعبة الاداب وتوكلت على ربي وقرات ودات الباك ب12,58 والحمد لله قرات عام في الجامعة وبعدها جاها مكتوبها راهي في دارها ضرك ادعيلها ربي يهنيها
نتمنى نكون افدتك واي استفسار راني هنا
بالتوفيق لك اختي ران شاء الله نعقبو الباك معا بعض ونديوه معا بعض
شششششششششكرا

[بلقيس الميلية]

الله يبارك ربي يوفقكم
اما انا عندي 29 سنة من اللي توقفت عن الدراسة
تزوجت و كبرت اولادي راهم نساء و رجال و بغيت نعاود ندخل في ميدان الدراسة
للعلم اني كنت شعبة آداب سنة 1985 و طول هده الفترة لم اتوقف عن المطالعة
افيدوني في كيفية التسجيل و الشعبة ادا امكن تغييرها و ادا ممكن التسجيل في النظام الجديد بعدما كنت في النظام القديم؟
شكرا مسبقا