عائلة مدمنة على الفايسبوك

[اَشْرَفْ اَنيِسْ]

عائلة مدمنة فايسبوك و تدير من الحبـــة قبـــة !!!!
.
.
.
.
.
البنت في قمة الخلعة : بابا بابا.... كاين واحد تافه و موش متربي بعتلي انفيطاسيون !!!!
...
الأب بلهجة قاسية : واااااااااااش قلتي ؟!!!!
الأم : الله لا تربحك ..يخي قتلك ماتسهريش بزاااف فالفايسبوك و تضلي قاعدة حتا نص الليالي !!!!.
الأخ الاصغر : شكون هادا الحيوان ؟ .. والله نجيب صحابي و نسينياليو الكونت تاعو !!!!
الأخ الانوش :ختي و بالاك هو حابك فالحلال ؟
الأب : .... ؟!!! لو كان جا ولد فاميلة و قاصد لحلال كان بعتلي أنا انفيطاسيون ماشي لاختك ..هي لي جابتلنا الهدرة بين جروبات ...!!!!
الاب هز يدو عطا للطفلة كف : الله لا تربحك شفيتي فينا العديان ..يخي تربية يخي ..درك نقفل الكونت تاعك خلاص من الفايسبوك
الأم : خاف ربي يا راجل ..الطفلة ماجوتيا غير صحاباتها و انا نعرفهم كامل الله يهديك
الأب : أصلا نتي لي فسدتيلها تربيتها ... روحي و انتي مبلوكية بالتلاتة .... مبلوكية ...مبلوكية ...مبلوكية ..
و العائلة تتشتت شي فالتويتر وشي فالمنتديات هههههههه !!